헬라어 문장 검색 - Διοδορ́Βιβλιοτ́1́67́

(디오도로스 시켈로스, Bibliotheca Historica, book 1, chapter 66)

ἀναρχίασ δὲ γενομένησ κατὰ τὴν Αἴγυπτον ἐπ’ ἔτη δύο, καὶ τῶν ὄχλων εἰσ ταραχὰσ καὶ φόνουσ ἐμφυλίουσ τρεπομένων, ἐποιήσαντο συνωμοσίαν οἱ μέγιστοι τῶν ἡγεμόνων δώδεκα· συνεδρεύσαντεσ δὲ ἐν Μέμφει καὶ συνθήκασ γραψάμενοι περὶ τῆσ πρὸσ ἀλλήλουσ ὁμονοίασ καὶ πίστεωσ ἀνέδειξαν ἑαυτοὺσ βασιλεῖσ. ἐπ’ ἔτη δὲ πεντεκαίδεκα κατὰ τοὺσ ὁρ́κουσ καὶ τὰσ ὁμολογίασ ἄρξαντεσ καὶ τὴν πρὸσ ἀλλήλουσ ὁμόνοιαν διατηρήσαντεσ, ἐπεβάλοντο κατασκευάσαι κοινὸν ἑαυτῶν τάφον, ἵνα καθάπερ ἐν τῷ ζῆν εὐνοοῦντεσ ἀλλήλοισ τῶν ἴσων ἐτύγχανον τιμῶν, οὕτω καὶ μετὰ τὴν τελευτὴν ἐν ἑνὶ τόπῳ τῶν σωμάτων κειμένων τὸ κατασκευασθὲν μνῆμα κοινῇ περιέχῃ τὴν τῶν ἐνταφέντων δόξαν.

εἰσ ταύτην δὲ τὴν ἐπιβολὴν φιλοκαλοῦντεσ ἔσπευσαν ὑπερβαλέσθαι τῷ μεγέθει τῶν ἔργων ἅπαντασ τοὺσ πρὸ αὑτῶν.

ἐκλεξάμενοι γὰρ τόπον παρὰ τὸν εἴσπλουν τὸν εἰσ τὴν Μοίριδοσ λίμνην ἐν τῇ Λιβύῃ κατεσκεύαζον τὸν τάφον ἐκ τῶν καλλίστων λίθων, καὶ τῷ μὲν σχήματι τετράγωνον ὑπεστήσαντο, τῷ δὲ μεγέθει σταδιαίαν ἑκάστην πλευράν, ταῖσ δὲ γλυφαῖσ καὶ ταῖσ ἄλλαισ χειρουργίαισ ὑπερβολὴν οὐκ ἀπέλιπον τοῖσ ἐπιγινομένοισ. εἰσελθόντι μὲν γὰρ τὸν περίβολον οἶκοσ ἦν περίστυλοσ, ἑκάστησ πλευρᾶσ ἐκ τετταράκοντα κιόνων ἀναπληρουμένησ, καὶ τούτου μονόλιθοσ ἦν ὀροφή, φάτναισ διαγεγλυμμένη καὶ γραφαῖσ διαφόροισ πεποικιλμένη.

εἶχε δὲ τῆσ πατρίδοσ τῆσ ἑκάστου τῶν βασιλέων ὑπομνήματα καὶ τῶν ἱερῶν καὶ θυσιῶν τῶν ἐν αὐτῇ ταῖσ καλλίσταισ γραφαῖσ φιλοτέχνωσ δεδημιουργημένα.

καθόλου δὲ τοιαύτην τῇ πολυτελείᾳ καὶ τηλικαύτην τῷ μεγέθει τὴν ὑπόστασιν τοῦ τάφου λέγεται ποιήσασθαι τοὺσ βασιλεῖσ, ὥστ’ εἰ μὴ πρὸ τοῦ συντελέσαι τὴν ἐπιβολὴν κατελύθησαν, μηδεμίαν ἂν ὑπερβολὴν ἑτέροισ πρὸσ κατασκευὴν ἔργων ἀπολιπεῖν.

ἀρξάντων δὲ τούτων τῆσ Αἰγύπτου πεντεκαίδεκα ἔτη συνέβη τὴν βασιλείαν εἰσ ἕνα περιστῆναι διὰ τοιαύτασ αἰτίασ.

Ψαμμήτιχοσ ὁ Σαΐτησ, εἷσ ὢν τῶν δώδεκα βασιλέων καὶ τῶν παρὰ θάλατταν μερῶν κυριεύων, παρείχετο φορτία πᾶσι τοῖσ ἐμπόροισ, μάλιστα δὲ τοῖσ τε Φοίνιξι καὶ τοῖσ Ἕλλησι·

διὰ δὲ τοιούτου τρόπου τά τε ἐκ τῆσ ἰδίασ χώρασ λυσιτελῶσ διατιθέμενοσ καὶ τῶν παρὰ τοῖσ ἄλλοισ ἔθνεσι φυομένων μεταλαμβάνων, οὐ μόνον εὐπορίαν εἶχε μεγάλην ἀλλὰ καὶ φιλίαν πρὸσ ἔθνη καὶ δυνάστασ.

διὰ δὲ ταῦτά φασι φθονήσαντασ αὐτῷ τοὺσ ἄλλουσ βασιλεῖσ πόλεμον ἐξενεγκεῖν.

ἔνιοι δὲ τῶν ἀρχαίων συγγραφέων μυθολογοῦσι χρησμὸν γενέσθαι τοῖσ ἡγεμόσιν, ὃσ ἂν αὐτῶν ἐκ χαλκῆσ φιάλησ πρῶτοσ ἐν Μέμφει σπείσῃ τῷ θεῷ, κρατήσειν αὐτὸν πάσησ τῆσ Αἰγύπτου· τὸν δὲ Ψαμμήτιχον, ἐξενέγκαντοσ ἐκ τοῦ ἱεροῦ τῶν ἱερέων τινὸσ φιάλασ δώδεκα χρυσᾶσ, περιελόμενον τὴν περικεφαλαίαν σπεῖσαι. ὑπιδομένουσ οὖν τοὺσ συνάρχοντασ τὸ πραχθὲν ἀποκτεῖναι μὲν αὐτὸν μὴ βουληθῆναι, φυγαδεῦσαι δὲ καὶ προστάξαι διατρίβειν ἐν τοῖσ ἕλεσι τοῖσ παρὰ θάλατταν.

εἴτε δὴ διὰ ταύτην τὴν αἰτίαν εἴτε διὰ τὸν φθόνον, καθότι προείρηται, γενομένησ τῆσ διαφορᾶσ, ὁ μὲν Ψαμμήτιχοσ ἔκ τε τῆσ Καρίασ καὶ τῆσ Ιὠνίασ μισθοφόρουσ μεταπεμψάμενοσ ἐνίκησε παρατάξει περὶ πόλιν τὴν ὀνομαζομένην Μώμεμφιν, τῶν δ’ ἀντιταξαμένων βασιλέων οἱ μὲν κατὰ τὴν μάχην ἀνῃρέθησαν, οἱ δ’ εἰσ Λιβύην ἐκδιωχθέντεσ οὐκέτι περὶ τῆσ ἀρχῆσ ἴσχυσαν ἀμφισβητῆσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 66

(디오도로스 시켈로스, Bibliotheca Historica, book 1, chapter 66)

상위

목록

SEARCH

MENU NAVIGATION