헬라어 문장 검색 - Διοδορ́Βιβλιοτ́1́56́

(디오도로스 시켈로스, Bibliotheca Historica, book 1, chapter 55)

κατασκευάσασ δὲ τὴν δύναμιν ἐστράτευσεν ἐπὶ πρώτουσ Αἰθίοπασ τοὺσ πρὸσ τῇ μεσημβρίᾳ κατοικοῦντασ, καὶ καταπολεμήσασ ἠνάγκασε τὸ ἔθνοσ φόρουσ τελεῖν ἔβενον καὶ χρυσὸν καὶ τῶν ἐλεφάντων τοὺσ ὀδόντασ. ἔπειτ’ εἰσ μὲν τὴν Ἐρυθρὰν θάλατταν ἀπέστειλε στόλον νεῶν τετρακοσίων, πρῶτοσ τῶν ἐγχωρίων μακρὰ σκάφη ναυπηγησάμενοσ, καὶ τάσ τε νήσουσ τὰσ ἐν τοῖσ τόποισ κατεκτήσατο καὶ τῆσ ἠπείρου τὰ παρὰ θάλατταν μέρη κατεστρέψατο μέχρι τῆσ Ἰνδικῆσ·

αὐτὸσ δὲ μετὰ τῆσ δυνάμεωσ πεζῇ τὴν πορείαν ποιησάμενοσ κατεστρέψατο πᾶσαν τὴν Ἀσίαν. οὐ μόνον γὰρ τὴν ὕστερον ὑπ’ Ἀλεξάνδρου τοῦ Μακεδόνοσ κατακτηθεῖσαν χώραν ἐπῆλθεν, ἀλλὰ καί τινα τῶν ἐθνῶν ὧν ἐκεῖνοσ οὐ παρέβαλεν εἰσ τὴν χώραν.

καὶ γὰρ τὸν Γάγγην ποταμὸν διέβη καὶ τὴν Ἰνδικὴν ἐπῆλθε πᾶσαν ἑώσ ὠκεανοῦ καὶ τὰ τῶν Σκυθῶν ἔθνη μέχρι Τανάιδοσ ποταμοῦ τοῦ διορίζοντοσ τὴν Εὐρώπην ἀπὸ τῆσ Ἀσίασ·

ὅτε δή φασι τῶν Αἰγυπτίων τινὰσ καταλειφθέντασ περὶ τὴν Μαιῶτιν λίμνην συστήσασθαι τὸ τῶν Κόλχων ἔθνοσ. ὅτι δὲ τοῦτο τὸ γένοσ Αἰγυπτιακόν ἐστι σημεῖον εἶναι τὸ περιτέμνεσθαι τοὺσ ἀνθρώπουσ παραπλησίωσ τοῖσ κατ’ Αἴγυπτον, διαμένοντοσ τοῦ νομίμου παρὰ τοῖσ ἀποίκοισ, καθάπερ καὶ παρὰ τοῖσ Ιοὐδαίοισ.

ὁμοίωσ δὲ καὶ τὴν λοιπὴν Ἀσίαν ἅπασαν ὑπήκοον ἐποιήσατο καὶ τῶν Κυκλάδων νήσων τὰσ πλείουσ.

διαβὰσ δ’ εἰσ τὴν Εὐρώπην καὶ διεξιὼν ἅπασαν τὴν Θρᾴκην ἐκινδύνευσεν ἀποβαλεῖν τὴν δύναμιν διὰ σπάνιν τροφῆσ καὶ τόπων δυσχωρίασ. διόπερ ὁρ́ια τῆσ στρατείασ ποιησάμενοσ ἐν τῇ Θρᾴκῃ, στήλασ κατεσκεύασεν ἐν πολλοῖσ τόποισ τῶν ὑπ’ αὐτοῦ κατακτηθέντων·

. τὴν δὲ στήλην κατεσκεύασεν ἔχουσαν αἰδοῖον ἐν μὲν τοῖσ μαχίμοισ ἔθνεσιν ἀνδρόσ, ἐν δὲ τοῖσ ἀγεννέσι καὶ δειλοῖσ γυναικόσ, ἀπὸ τοῦ κυριωτέρου μέρουσ τὴν διάθεσιν τῆσ ἑκάστων ψυχῆσ φανερωτάτην τοῖσ ἐπιγινομένοισ ἔσεσθαι νομίζων.

ἐν ἐνίοισ δὲ τόποισ καὶ τὴν ἑαυτοῦ κατεσκεύασεν εἰκόνα λιθίνην, τόξα καὶ λόγχην ἔχουσαν, τῷ μεγέθει τέτταρσι παλαισταῖσ μείζονα τῶν τεττάρων πηχῶν, ἡλίκοσ ὢν καὶ αὐτὸσ ἐτύγχανεν.

ἐπιεικῶσ δὲ προσενεχθεὶσ ἅπασι τοῖσ ὑποτεταγμένοισ καὶ συντελέσασ τὴν στρατείαν ἐν ἔτεσιν ἐννέα, τοῖσ μὲν ἔθνεσι κατὰ δύναμιν προσέταξε δωροφορεῖν κατ’ ἐνιαυτὸν εἰσ Αἴγυπτον, αὐτὸσ δ’ ἀθροίσασ αἰχμαλώτων τε καὶ τῶν ἄλλων λαφύρων πλῆθοσ ἀνυπέρβλητον ἐπανῆλθεν εἰσ τὴν πατρίδα, μεγίστασ πράξεισ τῶν πρὸ αὐτοῦ κατειργασμένοσ.

καὶ τὰ μὲν ἱερὰ πάντα τὰ κατ’ Αἴγυπτον ἀναθήμασιν ἀξιολόγοισ καὶ σκύλοισ ἐκόσμησε, τῶν δὲ στρατιωτῶν τοὺσ ἀνδραγαθήσαντασ δωρεαῖσ κατὰ τὴν ἀξίαν ἐτίμησε.

καθόλου δὲ ἀπὸ ταύτησ τῆσ στρατείασ οὐ μόνον ἡ συνανδραγαθήσασα δύναμισ μεγάλην εὐπορίαν κτησαμένη τὴν ἐπάνοδον ἐποιήσατο λαμπράν, ἀλλὰ καὶ τὴν Αἴγυπτον ἅπασαν συνέβη παντοίασ ὠφελείασ ἐμπλησθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 55

(디오도로스 시켈로스, Bibliotheca Historica, book 1, chapter 55)

상위

목록

SEARCH

MENU NAVIGATION