헬라어 문장 검색 - Διοδορ́Βιβλιοτ́1́55́

(디오도로스 시켈로스, Bibliotheca Historica, book 1, chapter 54)

πρὸσ δὲ ταύτην τὴν ἐπιβολὴν πρῶτον μὲν τὴν πρὸσ αὐτὸν εὔνοιαν κατεσκεύασε πᾶσι τοῖσ κατ’ Αἴγυπτον, ἡγούμενοσ δεῖν τοὺσ μὲν συστρατεύοντασ ἑτοίμωσ ὑπὲρ τῶν ἡγουμένων ἀποθνήσκειν, τοὺσ δ’ ἀπολειπομένουσ ἐπὶ τῶν πατρίδων μηδὲν νεωτερίζειν, εἰ μέλλει τὴν προαίρεσιν ἐπὶ τέλοσ ἄξειν. διὸ καὶ πάντασ ἐκ τῶν ἐνδεχομένων εὐηργέτει, τοὺσ μὲν χρημάτων δωρεαῖσ ἐκθεραπεύων, τοὺσ δὲ χώρασ δόσει, τινὰσ δὲ τιμωρίασ ἀπολύσει, πάντασ δὲ ταῖσ ὁμιλίαισ καὶ τῇ τῶν τρόπων ἐπιεικείᾳ προσήγετο·

τῶν τε γὰρ βασιλικῶν ἐγκλημάτων ἅπαντασ ἀθῴουσ ἀφῆκε καὶ τοὺσ πρὸσ ἀργύριον συγκεκλειμένουσ ἀπέλυσε τοῦ χρέουσ, ὄντοσ πολλοῦ πλήθουσ ἐν ταῖσ φυλακαῖσ. τὴν δὲ χώραν ἅπασαν εἰσ ἓξ καὶ τριάκοντα μέρη διελών, ἃ καλοῦσιν Αἰγύπτιοι νομούσ, ἐπέστησεν ἅπασι νομάρχασ τοὺσ ἐπιμελησομένουσ τῶν τε προσόδων τῶν βασιλικῶν καὶ διοικήσοντασ ἅπαντα τὰ κατὰ τὰσ ἰδίασ μερίδασ.

ἐπελέξατο δὲ καὶ τῶν ἀνδρῶν τοὺσ ταῖσ ῥώμαισ διαφέροντασ καὶ συνεστήσατο στρατόπεδον ἄξιον τοῦ μεγέθουσ τῆσ ἐπιβολῆσ·

κατέγραψε γὰρ πεζῶν μὲν ἑξήκοντα μυριάδασ, ἱππεῖσ δὲ δισμυρίουσ καὶ τετρακισχιλίουσ, ζεύγη δὲ πολεμιστήρια δισμύρια καὶ ἑπτακισχίλια. ἐπὶ δὲ τὰσ κατὰ μέροσ ἡγεμονίασ τῶν στρατιωτῶν ἔταξε τοὺσ συντρόφουσ, ἐνηθληκότασ μὲν ἤδη τοῖσ πολέμοισ, ἀρετὴν δ’ ἐζηλωκότασ ἐκ παίδων, εὔνοιαν δὲ ἀδελφικὴν ἔχοντασ πρόσ τε τὸν βασιλέα καὶ πρὸσ ἀλλήλουσ, ὄντασ τὸν ἀριθμὸν πλείουσ τῶν χιλίων καὶ ἑπτακοσίων.

πᾶσι δὲ τοῖσ προειρημένοισ κατεκληρούχησε τὴν ἀρίστην τὴσ χώρασ, ὅπωσ ἔχοντεσ ἱκανὰσ προσόδουσ καὶ μηδενὸσ ἐνδεεῖσ ὄντεσ ἀσκῶσι τὰ περὶ τοὺσ πολέμουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 54

(디오도로스 시켈로스, Bibliotheca Historica, book 1, chapter 54)

상위

목록

SEARCH

MENU NAVIGATION