헬라어 문장 검색 - Διοδορ́Βιβλιοτ́1́44́

(디오도로스 시켈로스, Bibliotheca Historica, book 1, chapter 43)

βίῳ γὰρ τὸ παλαιὸν Αἰγυπτίουσ φασὶ χρῆσθαι τὸ μὲν ἀρχαιότατον πόαν ἐσθίοντασ καὶ τῶν ἐν τοῖσ ἕλεσι γινομένων τοὺσ καυλοὺσ καὶ τὰσ ῥίζασ, πεῖραν διὰ τῆσ γεύσεωσ ἑκάστου λαμβάνοντασ, πρώτην δὲ καὶ μάλιστα προσενέγκασθαι τὴν ὀνομαζομένην ἄγρωστιν διὰ τὸ καὶ τῇ γλυκύτητι διάφορον εἶναι καὶ τὴν τροφὴν ἀρκοῦσαν παρέχεσθαι τοῖσ σώμασι τῶν ἀνθρώπων· καὶ γὰρ τοῖσ κτήνεσι ταύτην θεωρεῖσθαι προσηνῆ καὶ ταχὺ τοὺσ ὄγκουσ αὐτῶν προσανατρέφειν.

διὸ καὶ τῆσ εὐχρηστίασ τῆσ περὶ τὴν βοτάνην ταύτην μνημονεύοντασ τοὺσ ἀνθρώπουσ μέχρι τοῦ νῦν, ὅταν πρὸσ θεοὺσ βαδίζωσι, τῇ χειρὶ ταύτησ λαμβάνοντασ προσεύχεσθαι· οἰόνται γὰρ τὸν ἄνθρωπον ἕλειον καὶ λιμνῶδεσ εἶναι ζῷον, ἀπό τε τῆσ λειότητοσ τεκμαιρόμενοι καὶ τῆσ φυσικῆσ ποιότητοσ, ἔτι δὲ τοῦ προσδεῖσθαι τροφῆσ τῆσ ὑγρᾶσ μᾶλλον ἢ τῆσ ξηρᾶσ. δευτέραν δὲ λέγουσιν ἔχειν διαγωγὴν τοὺσ Αἰγυπτίουσ τὴν τῶν ἰχθύων βρῶσιν, πολλὴν δαψίλειαν παρεχομένου τοῦ ποταμοῦ, καὶ μάλισθ’ ὅτε μετὰ τὴν ἀνάβασιν ταπεινούμενοσ ἀναξηραίνοιτο.

ὁμοίωσ δὲ καὶ τῶν βοσκημάτων ἔνια σαρκοφαγεῖν, καὶ ταῖσ δοραῖσ τῶν κατεσθιομένων ἐσθῆσι χρῆσθαι, καὶ τὰσ οἰκήσεισ ἐκ τῶν καλάμων κατασκευάζεσθαι.

ἴχνη δὲ τούτων διαμένειν παρὰ τοῖσ νομεῦσι τοῖσ κατ’ Αἴγυπτον, οὓσ ἅπαντάσ φασι μέχρι τοῦ νῦν μηδεμίαν ἄλλην οἴκησιν ἢ τὴν ἐκ τῶν καλάμων ἔχειν, δοκιμάζοντασ ἀρκεῖσθαι ταύτῃ. πολλοὺσ δὲ χρόνουσ τούτῳ τῷ βίῳ διεξαγαγόντασ τὸ τελευταῖον ἐπὶ τοὺσ ἐδωδίμουσ μεταβῆναι καρπούσ, ὧν εἶναι καὶ τὸν ἐκ τοῦ λωτοῦ γινόμενον ἄρτον.

καὶ τούτων τὴν εὑρ́εσιν οἱ μὲν εἰσ τὴν Ἶσιν ἀναφέρουσιν, οἱ δ’ εἴσ τινα τῶν παλαιῶν βασιλέων τὸν ὀνομαζόμενον Μηνᾶν. οἱ δ’ ἱερεῖσ εὑρετὴν τῶν μὲν παιδειῶν καὶ τῶν τεχνῶν μυθολογοῦσι τὸν Ἑρμῆν γεγονέναι, τῶν δ’ εἰσ τὸν βίον ἀναγκαίων τοὺσ βασιλεῖσ·

διὸ καὶ τὸ παλαιὸν παραδίδοσθαι τὰσ βασιλείασ μὴ τοῖσ ἐκγόνοισ τῶν ἀρξάντων, ἀλλὰ τοῖσ πλεῖστα καὶ μέγιστα τὸ πλῆθοσ εὐεργετοῦσιν, εἴτε προκαλουμένων τῶν ἀνθρώπων τοὺσ ἐφ’ ἑαυτῶν βασιλεῖσ ἐπὶ τὴν κοινὴν εὐεργεσίαν, εἴτε καὶ κατ’ ἀλήθειαν ἐν ταῖσ ἱεραῖσ ἀναγραφαῖσ οὕτω παρειληφότων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 43

(디오도로스 시켈로스, Bibliotheca Historica, book 1, chapter 43)

상위

목록

SEARCH

MENU NAVIGATION