헬라어 문장 검색 - Διοδορ́Βιβλιοτ́1́40́

(디오도로스 시켈로스, Bibliotheca Historica, book 1, chapter 39)

Δημόκριτοσ δ’ ὁ Ἀβδηρίτησ φησὶν οὐ τὸν περὶ τὴν μεσημβρίαν τόπον χιονίζεσθαι, καθάπερ εἴρηκεν Εὐριπίδησ καὶ Ἀναξαγόρασ, ἀλλὰ τὸν περὶ τὰσ ἄρκτουσ, καὶ τοῦτο ἐμφανὲσ εἶναι πᾶσι. τὸ δὲ πλῆθοσ τῆσ σωρευομένησ χιόνοσ ἐν τοῖσ βορείοισ μέρεσι περὶ μὲν τὰσ τροπὰσ μένειν πεπηγόσ, ἐν δὲ τῷ θέρει διαλυομένων ὑπὸ τῆσ θερμασίασ τῶν πάγων πολλὴν τηκεδόνα γίνεσθαι, καὶ διὰ τοῦτο πολλὰ γεννᾶσθαι καὶ παχέα νέφη περὶ τοὺσ μετεωροτέρουσ τῶν τόπων, δαψιλοῦσ τῆσ ἀναθυμιάσεωσ πρὸσ τὸ ὕψοσ αἰρομένησ.

ταῦτα δ’ ὑπὸ τῶν ἐτησίων ἐλαύνεσθαι, μέχρι ἂν ὅτου προσπέσῃ τοῖσ μεγίστοισ ὄρεσι τῶν κατὰ τὴν οἰκουμένην, ἅ φησιν εἶναι περὶ τὴν Αἰθιοπίαν·

ἔπειτα πρὸσ τούτοισ οὖσιν ὑψηλοῖσ βιαίωσ θραυόμενα παμμεγέθεισ ὄμβρουσ γεννᾶν, ἐξ ὧν πληροῦσθαι τὸν ποταμὸν μάλιστα κατὰ τὴν τῶν ἐτησίων ὡρ́αν. ῥᾴδιον δὲ καὶ τοῦτον ἐξελέγξαι τοὺσ χρόνουσ τῆσ αὐξήσεωσ ἀκριβῶσ ἐξετάζοντα·

ὁ γὰρ Νεῖλοσ ἄρχεται μὲν πληροῦσθαι κατὰ τὰσ θερινὰσ τροπάσ, οὔπω τῶν ἐτησίων πνεόντων, λήγει δ’ ὕστερον ἰσημερίασ φθινοπωρινῆσ, πάλαι προπεπαυμένων τῶν εἰρημένων ἀνέμων. ὅταν οὖν ἡ τῆσ πείρασ ἀκρίβεια κατισχύῃ τὴν τῶν λόγων πιθανότητα, τὴν μὲν ἐπίνοιαν τἀνδρὸσ ἀποδεκτέον, τὴν δὲ πίστιν τοῖσ ὑπ’ αὐτοῦ λεγομένοισ οὐ δοτέον.

παρίημι γὰρ καὶ διότι τοὺσ ἐτησίασ ἰδεῖν ἔστιν οὐδέν τι μᾶλλον ἀπὸ τῆσ ἄρκτου πνέοντασ ἤπερ τῆσ ἑσπέρασ·

οὐ βορέαι γὰρ οὐδ’ ἀπαρκτίαι μόνοι, ἀλλὰ καὶ οἱ πνέοντεσ ἀπὸ θερινῆσ δύσεωσ ἀργέσται κοινωνοῦσι τῆσ τῶν ἐτησίων προσηγορίασ. τό τε λέγειν ὡσ μέγιστα συμβαίνει τῶν ὀρῶν ὑπάρχειν τὰ περὶ τὴν Αἰθιοπίαν οὐ μόνον ἀναπόδεικτόν ἐστιν, ἀλλ’ οὐδὲ τὴν πίστιν ἔχει διὰ τῆσ ἐναργείασ συγχωρουμένην. Ἔφοροσ δὲ καινοτάτην αἰτίαν εἰσφέρων πιθανολογεῖν μὲν πειρᾶται, τῆσ δ’ ἀληθείασ οὐδαμῶσ ἐπιτυγχάνων θεωρεῖται.

καὶ διὰ τούτων πληροῦν τὸν ποταμόν.

ὁ δὲ συγγραφεὺσ οὗτοσ οὐ μόνον ἡμῖν φαίνεται μὴ τεθεαμένοσ τὴν φύσιν τῶν κατὰ τὴν Αἴγυπτον τόπων, ἀλλὰ μηδὲ παρὰ τῶν εἰδότων τὰ κατὰ τὴν χώραν ταύτην ἐπιμελῶσ πεπυσμένοσ. πρῶτον μὲν γάρ, εἴπερ ἐξ αὐτῆσ τῆσ Αἰγύπτου ὁ Νεῖλοσ τὴν αὔξησιν ἐλάμβανεν, οὐκ ἂν ἐν τοῖσ ἀνωτέρω μέρεσιν ἐπληροῦτο, διὰ τε πετρώδουσ καὶ στερεᾶσ χώρασ φερόμενοσ·

νῦν δὲ πλείω τῶν ἑξακισχιλίων σταδίων διὰ τῆσ Αἰθιοπίασ ῥέων τὴν πλήρωσιν ἔχει πρὶν ἢ ψαῦσαι τῆσ Αἰγύπτου. ἔπειτ’ εἰ μὲν τὸ ῥεῦμα τοῦ Νείλου ταπεινότερον ἦν τῶν κατὰ τὴν ποταμόχωστον γῆν ἀραιωμάτων, ἐπιπολαίουσ ἂν εἶναι τὰσ ῥαγάδασ συνέβαινε, καθ’ ἃσ ἀδύνατον ἦν διαμένειν τοσοῦτο πλῆθοσ ὕδατοσ·

εἰ δ’ ὑψηλότερον τόπον ἐπεῖχεν ὁ ποταμὸσ τῶν ἀραιωμάτων, ἀδύνατον ἦν ἐκ τῶν ταπεινοτέρων κοιλωμάτων εἰσ τὴν ὑψηλοτέραν ἐπιφάνειαν τὴν τῶν ὑγρῶν σύρρυσιν γίνεσθαι. καθόλου δὲ τίσ ἂν δυνατὸν ἡγήσαιτο τοὺσ ἐκ τῶν κατὰ τὴν γῆν ἀραιωμάτων ἱδρῶτασ τοσαύτην αὔξησιν τοῦ ποταμοῦ ποιεῖν ὥστε ὑπ’ αὐτοῦ σχεδὸν πᾶσαν τὴν Αἴγυπτον ἐπικλύζεσθαι;

ἀφίημι γὰρ καὶ τὸ ψεῦδοσ τῆσ τε ποταμοχώστου γῆσ καὶ τῶν ἐν τοῖσ ἀραιώμασι τηρουμένων ὑδάτων, ἐμφανῶν ὄντων τῶν ἐν τούτοισ ἐλέγχων. ὁ μὲν γὰρ Μαίανδροσ ποταμὸσ κατὰ τὴν Ἀσίαν πολλὴν χώραν πεποίηκε ποταμόχωστον, ἐν ᾗ τῶν συμβαινόντων περὶ τὴν ἀναπλήρωσιν τοῦ Νείλου τὸ σύνολον οὐδὲν θεωρεῖται γινόμενον.

ὁμοίωσ δὲ τούτῳ περὶ μὲν τὴν Ἀκαρνανίαν ὁ καλούμενοσ Ἀχελῷοσ ποταμόσ, περὶ δὲ τὴν Βοιωτίαν ὁ Κηφισὸσ φερόμενοσ ἐκ τῶν Φωκέων προσκέχωκεν οὐκ ὀλίγην χώραν, ἐφ’ ὧν ἀμφοτέρων ἐλέγχεται φανερῶσ τὸ ψεῦδοσ τοῦ συγγραφέωσ.

ἀλλὰ γὰρ οὐκ ἄν τισ παρ’ Ἐφόρῳ ζητήσειεν ἐκ παντὸσ τρόπου τἀκριβέσ, ὁρῶναὐτὸν ἐν πολλοῖσ ὠλιγωρηκότα τῆσ ἀληθείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 39

(디오도로스 시켈로스, Bibliotheca Historica, book 1, chapter 39)

상위

목록

SEARCH

MENU NAVIGATION