헬라어 문장 검색 - Διοδορ́Βιβλιοτ́1́37́

(디오도로스 시켈로스, Bibliotheca Historica, book 1, chapter 36)

χωρὶσ δὲ τῶν εἰρημένων θηρίων ὁ Νεῖλοσ ἔχει παντοῖα γένη ἰχθύων καὶ κατὰ τὸ πλῆθοσ ἄπιστα· τοῖσ γὰρ ἐγχωρίοισ οὐ μόνον ἐκ τῶν προσφάτωσ ἁλισκομένων παρέχεται δαψιλῆ τὴν ἀπόλαυσιν, ἀλλὰ καὶ πλῆθοσ εἰσ ταριχείαν ἀνίησιν ἀνέκλειπτον. καθόλου δὲ ταῖσ εἰσ ἀνθρώπουσ εὐεργεσίαισ ὑπερβάλλει πάντασ τοὺσ κατὰ τὴν οἰκουμένην ποταμούσ.

τῆσ γὰρ πληρώσεωσ τὴν ἀρχὴν ἀπὸ θερινῶν τροπῶν ποιούμενοσ αὔξεται μὲν μέχρι τῆσ ἰσημερίασ τῆσ μετοπωρινῆσ, ἐπάγων δ’ ἀεὶ νέαν ἰλὺν βρέχει τὴν γῆν ὁμοίωσ τήν τε ἀργὴν καὶ σπόριμον καὶ φυτεύσιμον τοσοῦτον χρόνον ὅσον ἂν οἱ γεωργοῦντεσ τὴν χώραν ἐθελήσωσι. τοῦ γὰρ ὕδατοσ πραέωσ φερομένου ῥᾳδίωσ ἀποτρέπουσιν αὐτὸν μικροῖσ χώμασι, καὶ πάλιν ἐπάγουσιν εὐχερῶσ ταῦτα διαιροῦντεσ, ὅταν δόξῃ συμφέρειν.

καθόλου δὲ τοσαύτην τοῖσ μὲν ἔργοισ εὐκοπίαν παρέχεται, τοῖσ δ’ ἀνθρώποισ λυσιτέλειαν, ὥστε τοὺσ μὲν πλείστουσ τῶν γεωργῶν τοῖσ ἀναξηραινομένοισ τῆσ γῆσ τόποισ ἐφισταμένουσ καὶ τὸ σπέρμα βάλλοντασ ἐπάγειν τὰ βοσκήματα, καὶ τούτοισ συμπατήσαντασ μετὰ τέτταρασ ἢ πέντε μῆνασ ἀπαντᾶν ἐπὶ τὸν θερισμόν, ἐνίουσ δὲ κούφοισ ἀρότροισ ἐπαγαγόντασ βραχέωσ τὴν ἐπιφάνειαν τῆσ βεβρεγμένησ χώρασ σωροὺσ ἀναιρεῖσθαι τῶν καρπῶν χωρὶσ δαπάνησ πολλῆσ καὶ κακοπαθείασ.

ὅλωσ γὰρ πᾶσα γεωργία παρὰ μὲν τοῖσ ἄλλοισ ἔθνεσι μετὰ μεγάλων ἀναλωμάτων καὶ ταλαιπωριῶν διοικεῖται, παρὰ δ’ Αἰγυπτίοισ μόνοισ ἐλαχίστοισ δαπανήμασι καὶ πόνοισ συγκομίζεται.

ἥ τε ἀμπελόφυτοσ ὁμοίωσ ἀρδευομένη δαψίλειαν οἴνου τοῖσ ἐγχωρίοισ παρασκευάζει. οἱ δὲ χερσεύειν ἐάσαντεσ τὴν χώραν τὴν ἐπικεκλυσμένην καὶ τοῖσ ποιμνίοισ ἀνέντεσ μηλόβοτον διὰ τὸ πλῆθοσ τῆσ νομῆσ δὶσ τεκόντα καὶ δὶσ ἀποκαρέντα τὰ πρόβατα καρποῦνται.

τὸ δὲ γινόμενον περὶ τὴν ἀνάβασιν τοῦ Νείλου τοῖσ μὲν ἰδοῦσι θαυμαστὸν φαίνεται, τοῖσ δ’ ἀκούσασι παντελῶσ ἄπιστον.

τῶν γὰρ ἄλλων ποταμῶν ἁπάντων περὶ τὰσ θερινὰσ τροπὰσ ἐλαττουμένων καὶ κατὰ τὸν ἑξῆσ χρόνον τοῦ θέρουσ ἀεὶ μᾶλλον ταπεινουμένων, οὗτοσ μόνοσ τότε τὴν ἀρχὴν λαβὼν τῆσ πληρώσεωσ ἐπὶ τοσοῦτον αὔξεται καθ’ ἡμέραν ὥστε τὸ τελευταῖον πᾶσαν σχεδὸν ἐπικλύζειν τὴν Αἴγυπτον. ὡσαύτωσ δὲ πάλιν εἰσ τοὐναντίον μεταβαλὼν τὸν ἴσον χρόνον καθ’ ἡμέραν ἐκ τοῦ κατ’ ὀλίγον ταπεινοῦται, μέχρι ἂν εἰσ τὴν προϋπάρξασαν ἀφίκηται τάξιν.

καὶ τῆσ μὲν χώρασ οὔσησ πεδιάδοσ, τῶν δὲ πόλεων καὶ τῶν κωμῶν, ἔτι δὲ τῶν ἀγροικιῶν κειμένων ἐπὶ χειροποιήτων χωμάτων, ἡ πρόσοψισ ὁμοία γίνεται ταῖσ Κυκλάσι νήσοισ. τῶν δὲ χερσαίων θηρίων τὰ πολλὰ μὲν ὑπὸ τοῦ ποταμοῦ περιληφθέντα διαφθείρεται βαπτιζόμενα, τινὰ δ’ εἰσ τοὺσ μετεωροτέρουσ ἐκφεύγοντα τόπουσ διασώζεται, τὰ δὲ βοσκήματα κατὰ τὸν τῆσ ἀναβάσεωσ χρόνον ἐν ταῖσ κώμαισ καὶ ταῖσ ἀγροικίαισ διατρέφεται, προπαρασκευαζομένησ αὐτοῖσ τῆσ τροφῆσ.

οἱ δ’ ὄχλοι πάντα τὸν τῆσ πληρώσεωσ χρόνον ἀπολελυμένοι τῶν ἔργων εἰσ ἄνεσιν τρέπονται, συνεχῶσ ἑστιώμενοι καὶ πάντων τῶν πρὸσ ἡδονὴν ἀνηκόντων ἀνεμποδίστωσ ἀπολαύοντεσ.

διὰ δὲ τὴν ἀγωνίαν τὴν ἐκ τῆσ ἀναβάσεωσ τοῦ ποταμοῦ γινομένην κατεσκεύασται Νειλοσκοπεῖον ὑπὸ τῶν βασιλέων ἐν τῇ Μέμφει·

ἐν τούτῳ δὲ τὴν ἀνάβασιν ἀκριβῶσ ἐκμετροῦντεσ οἱ τὴν τούτου διοίκησιν ἔχοντεσ ἐξαποστέλλουσιν εἰσ τὰσ πόλεισ ἐπιστολάσ, διασαφοῦντεσ πόσουσ πήχεισ ἢ δακτύλουσ ἀναβέβηκεν ὁ ποταμὸσ καὶ πότε τὴν ἀρχὴν πεποίηται τῆσ ἐλαττώσεωσ. διὰ δὲ τοῦ τοιούτου τρόπου τῆσ μὲν ἀγωνίασ ἀπολύεται πᾶσ ὁ λαόσ, πυθόμενοσ τὴν τῆσ αὐξήσεωσ εἰσ τοὐναντίον μεταβολήν, τὸ δὲ πλῆθοσ τῶν ἐσομένων καρπῶν εὐθὺσ ἅπαντεσ προεπεγνώκασιν, ἐκ πολλῶν χρόνων τῆσ παρατηρήσεωσ ταύτησ παρὰ τοῖσ Αἰγυπτίοισ ἀκριβῶσ ἀναγεγραμμένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 36

(디오도로스 시켈로스, Bibliotheca Historica, book 1, chapter 36)

상위

목록

SEARCH

MENU NAVIGATION