헬라어 문장 검색 - Διοδορ́Βιβλιοτ́1́36́

(디오도로스 시켈로스, Bibliotheca Historica, book 1, chapter 35)

θηρία δ’ ὁ Νεῖλοσ τρέφει πολλὰ μὲν καὶ ἄλλα ταῖσ ἰδέαισ ἐξηλλαγμένα, δύο δὲ διάφορα, τόν τε κροκόδειλον καὶ τὸν καλούμενον ἵππον. τούτων δ’ ὁ μὲν κροκόδειλοσ ἐξ ἐλαχίστου γίνεται μέγιστοσ, ὡσ ἂν ᾠὰ μὲν τοῦ ζῴου τούτου τίκτοντοσ τοῖσ χηνείοισ παραπλήσια, τοῦ δὲ γεννηθέντοσ αὐξομένου μέχρι πηχῶν ἑκκαίδεκα.

καὶ μακρόβιον μέν ἐστιν ὡσ κατ’ ἄνθρωπον, γλῶτταν δὲ οὐκ ἔχει.

τὸ δὲ σῶμα θαυμαστῶσ ὑπὸ τῆσ φύσεωσ ὠχύρωται· τὸ μὲν γὰρ δέρμα αὐτοῦ πᾶν φολιδωτόν ἐστι καὶ τῇ σκληρότητι διάφορον, ὀδόντεσ δ’ ἐξ ἀμφοτέρων τῶν μερῶν ὑπάρχουσι πολλοί, δύο δὲ οἱ χαυλιόδοντεσ πολὺ τῷ μεγέθει τῶν ἄλλων διαλλάττοντεσ. σαρκοφαγεῖ δ’ οὐ μόνον ἀνθρώπουσ, ἀλλὰ καὶ τῶν ἄλλων τῶν ἐπὶ τῆσ γῆσ ζῴων τὰ προσπελάζοντα τῷ ποταμῷ.

καὶ τὰ μὲν δήγματα ποιεῖ ἁδρὰ καὶ χαλεπά, τοῖσ δ’ ὄνυξι δεινῶσ σπαράττει, καὶ τὸ διαιρεθὲν τῆσ σαρκὸσ παντελῶσ ἀπεργάζεται δυσίατον. ἐθηρεύετο δὲ ταῦτα τὰ ζῷα τὸ μὲν παλαιὸν ὑπὸ τῶν Αἰγυπτίων ἀγκίστροισ ἔχουσιν ἐπιδεδελεασμένασ ὑείασ σάρκασ, ὕστερον δὲ ποτὲ μὲν δικτύοισ παχέσιν ὡσπερεί τινεσ ἰχθῦσ, ποτὲ δ’ ἐμβολίοισ σιδηροῖσ ἐκ τῶν ἀκάτων τυπτόμενα συνεχῶσ εἰσ τὴν κεφαλήν.

πλῆθοσ δ’ αὐτῶν ἀμύθητόν ἐστι κατά τε τὸν ποταμὸν καὶ τὰσ παρακειμένασ λίμνασ, ὡσ ἂν πολυγόνων τε ὄντων καὶ σπανίωσ ὑπὸ τῶν ἀνθρώπων ἀναιρουμένων·

τῶν μὲν γὰρ ἐγχωρίων τοῖσ πλείστοισ νόμιμόν ἐστιν ὡσ θεὸν σέβεσθαι τὸν κροκόδειλον, τοῖσ δ’ ἀλλοφύλοισ ἀλυσιτελήσ ἐστιν ἡ θήρα παντελῶσ, οὐκ οὔσησ ἐδωδίμου τῆσ σαρκόσ. ἀλλ’ ὅμωσ τοῦ πλήθουσ τούτου φυομένου κατὰ τῶν ἀνθρώπων ἡ φύσισ κατεσκεύασε μέγα βοήθημα· ὁ γὰρ καλούμενοσ ἰχνεύμων, παραπλήσιοσ ὢν μικρῷ κυνί, περιέρχεται τὰ τῶν κροκοδείλων ᾠὰ συντρίβων, τίκτοντοσ τοῦ ζῴου παρὰ τὸν ποταμόν, καὶ τὸ θαυμασιώτατον, οὔτε κατεσθίων οὔτε ὠφελούμενοσ οὐδὲν διατελεῖ φυσικήν τινα χρείαν καὶ κατηναγκασμένην ἐνεργῶν εἰσ ἀνθρώπων εὐεργεσίαν.

ὁ δὲ καλούμενοσ ἵπποσ τῷ μεγέθει μέν ἐστιν οὐκ ἐλάττων πηχῶν πέντε, τετράπουσ δ’ ὢν καὶ δίχηλοσ παραπλησίωσ τοῖσ βουσὶ τοὺσ χαυλιόδοντασ ἔχει μείζουσ τῶν ἀγρίων ὑῶν, τρεῖσ ἐξ ἀμφοτέρων τῶν μερῶν, ὦτα δὲ καὶ κέρκον καὶ φωνὴν ἵππῳ παρεμφερῆ, τὸ δ’ ὅλον κύτοσ τοῦ σώματοσ οὐκ ἀνόμοιον ἐλέφαντι, καὶ δέρμα πάντων σχεδὸν τῶν θηρίων ἰσχυρότατον.

ποτάμιον γὰρ ὑπάρχον καὶ χερσαῖον τὰσ μὲν ἡμέρασ ἐν τοῖσ ὕδασι ποιεῖ γυμναζόμενον κατὰ βάθουσ, τὰσ δὲ νύκτασ ἐπὶ τῆσ χώρασ κατανέμεται τόν τε σῖτον καὶ τὸν χόρτον, ὥστε εἰ πολύτεκνον ἦν τοῦτο τὸ ζῷον καὶ κατ’ ἐνιαυτὸν ἔτικτεν, ἐλυμαίνετ’ ἂν ὁλοσχερῶσ τὰσ γεωργίασ τὰσ κατ’ Αἴγυπτον.

ἁλίσκεται δὲ καὶ τοῦτο πολυχειρίᾳ τῶν τυπτόντων τοῖσ σιδηροῖσ ἐμβολίοισ·

ὅπου γὰρ ἂν φανῇ, συνάγουσιν ἐπ’ αὐτὸ πλοῖα, καὶ περιστάντεσ κατατραυματίζουσιν ὥσπερ τισὶ κοπεῦσιν ἐπὶ σιδηροῖσ ἀγκίστροισ, εἶθ’ ἑνὶ τῶν ἐμπαγέντων ἐνάπτοντεσ ἀρχὰσ στυππίνασ ἀφιᾶσι, μέχρι ἂν ὅτου παραλυθῇ γενόμενον ἔξαιμον. τὴν μὲν οὖν σάρκα σκληρὰν ἔχει καὶ δύσπεπτον, τῶν δ’ ἔντοσθεν οὐδὲν ἐδώδιμον, οὔτε σπλάγχνον οὔτ’ ἐγκοίλιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 35

(디오도로스 시켈로스, Bibliotheca Historica, book 1, chapter 35)

상위

목록

SEARCH

MENU NAVIGATION