헬라어 문장 검색 - Διοδορ́Βιβλιοτ́1́26́

(디오도로스 시켈로스, Bibliotheca Historica, book 1, chapter 25)

καθόλου δὲ πολλή τίσ ἐστι διαφωνία περὶ τούτων τῶν θεῶν. τὴν αὐτὴν γὰρ οἱ μὲν Ἶσιν, οἱ δὲ Δήμητραν, οἱ δὲ Θεσμοφόρον, οἱ δὲ Σελήνην, οἱ δὲ Ἥραν, οἱ δὲ πάσαισ ταῖσ προσηγορίαισ ὀνομάζουσι. τὸν δὲ Ὄσιριν οἱ μὲν Σάραπιν, οἱ δὲ Διόνυσον, οἱ δὲ Πλούτωνα, οἱ δὲ Ἄμμωνα, τινὲσ δὲ Δία, πολλοὶ δὲ Πᾶνα τὸν αὐτὸν νενομίκασι·

λέγουσι δέ τινεσ Σάραπιν εἶναι τὸν παρὰ τοῖσ Ἕλλησι Πλούτωνα ὀνομαζόμενον. φασὶ δ’ Αἰγύπτιοι τὴν Ἶσιν φαρμάκων τε πολλῶν πρὸσ ὑγίειαν εὑρέτιν γεγονέναι καὶ τῆσ ἰατρικῆσ ἐπιστήμησ μεγάλην ἔχειν ἐμπειρίαν· διὸ καὶ τυχοῦσαν τῆσ ἀθανασίασ ἐπὶ ταῖσ θεραπείαισ τῶν ἀνθρώπων μάλιστα χαίρειν, καὶ κατὰ τοὺσ ὕπνουσ τοῖσ ἀξιοῦσι διδόναι βοηθήματα, φανερῶσ ἐπιδεικνυμένην τήν τε ἰδίαν ἐπιφάνειαν καὶ τὸ πρὸσ τοὺσ δεομένουσ τῶν ἀνθρώπων εὐεργετικόν.

ἀποδείξεισ δὲ τούτων φασὶ φέρειν ἑαυτοὺσ οὐ μυθολογίασ ὁμοίωσ τοῖσ Ἕλλησιν, ἀλλὰ πράξεισ ἐναργεῖσ·

πᾶσαν γὰρ σχεδὸν τὴν οἰκουμένην μαρτυρεῖν ἑαυτοῖσ, εἰσ τὰσ ταύτησ τιμὰσ φιλοτιμουμένην διὰ τὴν ἐν ταῖσ θεραπείαισ ἐπιφάνειαν. κατὰ γὰρ τοὺσ ὕπνουσ ἐφισταμένην διδόναι τοῖσ κάμνουσι βοηθήματα πρὸσ τὰσ νόσουσ, καὶ τοὺσ ὑπακούσαντασ αὐτῇ παραδόξωσ ὑγιάζεσθαι·

καὶ πολλοὺσ μὲν ὑπὸ τῶν ἰατρῶν διὰ τὴν δυσκολίαν τοῦ νοσήματοσ ἀπελπισθέντασ ὑπὸ ταύτησ σώζεσθαι, συχνοὺσ δὲ παντελῶσ πηρωθέντασ τὰσ ὁράσεισ ἤ τινα τῶν ἄλλων μερῶν τοῦ σώματοσ, ὅταν πρὸσ ταύτην τὴν θεὸν καταφύγωσιν, εἰσ τὴν προϋπάρξασαν ἀποκαθίστασθαι τάξιν. εὑρεῖν δ’ αὐτὴν καὶ τὸ τῆσ ἀθανασίασ φάρμακον, δι’ οὗ τὸν υἱὸν Ὧρον, ὑπὸ τῶν Τιτάνων ἐπιβουλευθέντα καὶ νεκρὸν εὑρεθέντα καθ’ ὕδατοσ, μὴ μόνον ἀναστῆσαι, δοῦσαν τὴν ψυχήν, ἀλλὰ καὶ τῆσ ἀθανασίασ ποιῆσαι μεταλαβεῖν.

δοκεῖ δ’ ὕστατοσ τῶν θεῶν οὗτοσ βασιλεῦσαι μετὰ τὴν τοῦ πατρὸσ Ὀσίριδοσ ἐξ ἀνθρώπων μετάστασιν. τὸν δὲ Ὧρον μεθερμηνευόμενόν φασιν Ἀπόλλωνα ὑπάρχειν, καὶ τήν τε ἰατρικὴν καὶ τὴν μαντικὴν ὑπὸ τῆσ μητρὸσ Ἴσιδοσ διδαχθέντα διὰ τῶν χρησμῶν καὶ τῶν θεραπειῶν εὐεργετεῖν τὸ τῶν ἀνθρώπων γένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 25

(디오도로스 시켈로스, Bibliotheca Historica, book 1, chapter 25)

상위

목록

SEARCH

MENU NAVIGATION