헬라어 문장 검색 - Διοδορ́Βιβλιοτ́1́24́

(디오도로스 시켈로스, Bibliotheca Historica, book 1, chapter 23)

εἶναι δὲ ἔτη φασὶν ἀπὸ Ὀσίριδοσ καὶ Ἴσιδοσ ἑώσ τῆσ Ἀλεξάνδρου βασιλείασ τοῦ κτίσαντοσ ἐν Αἰγύπτῳ τὴν ἐπώνυμον αὐτοῦ πόλιν πλείω τῶν μυρίων, ὡσ δ’ ἔνιοι γράφουσι, βραχὺ λείποντα τῶν δισμυρίων καὶ τρισχιλίων. τοὺσ δὲ λέγοντασ ἐν Θήβαισ τῆσ Βοιωτίασ γεγονέναι τὸν θεὸν ἐκ Σεμέλησ καὶ Διόσ φασι σχεδιάζειν.

Ὀρφέα γὰρ εἰσ Αἴγυπτον παραβαλόντα καὶ μετασχόντα τῆσ τελετῆσ καὶ τῶν Διονυσιακῶν μυστηρίων μεταλαβεῖν, τοῖσ δὲ Καδμείοισ φίλον ὄντα καὶ τιμώμενον ὑπ’ αὐτῶν μεταθεῖναι τοῦ θεοῦ τὴν γένεσιν ἐκείνοισ χαριζόμενον· τοὺσ δ’ ὄχλουσ τὰ μὲν διὰ τὴν ἄγνοιαν, τὰ δὲ διὰ τὸ βούλεσθαι τὸν θεὸν Ἕλληνα νομίζεσθαι, προσδέξασθαι προσηνῶσ τὰσ τελετὰσ καὶ τὰ μυστήρια. ἀφορμὰσ δ’ ἔχειν τὸν Ὀρφέα πρὸσ τὴν μετάθεσιν τῆσ τοῦ θεοῦ γενέσεώσ τε καὶ τελετῆσ τοιαύτασ.

Κάδμον ἐκ Θηβῶν ὄντα τῶν Αἰγυπτίων γεννῆσαι σὺν ἄλλοισ τέκνοισ καὶ Σεμέλην, ταύτην δὲ ὑφ’ ὅτου δήποτε φθαρεῖσαν ἔγκυον γενέσθαι, καὶ τεκεῖν ἑπτὰ μηνῶν διελθόντων βρέφοσ τὴν ὄψιν οἱο͂́νπερ οἱ κατ’ Αἴγυπτον τὸν Ὄσιριν γεγονέναι νομίζουσι·

ζωογονεῖσθαι δ’ οὐκ εἰωθέναι τὸ τοιοῦτον, εἴτε τῶν θεῶν μὴ βουλομένων εἴτε τῆσ φύσεωσ μὴ συγχωρούσησ. καὶ χρησμὸν ἔχοντα διατηρεῖν τὰ τῶν πατέρων νόμιμα, χρυσῶσαί τε τὸ βρέφοσ καὶ τὰσ καθηκούσασ αὐτῷ ποιήσασθαι θυσίασ, ὡσ ἐπιφανείασ τινὸσ κατ’ ἀνθρώπουσ Ὀσίριδοσ γεγενημένησ.

ἀνάψαι δὲ καὶ τὴν γένεσιν εἰσ Δία, σεμνύνοντα τὸν Ὄσιριν καὶ τῆσ φθαρείσησ τὴν διαβολὴν ἀφαιρούμενον·

διὸ καὶ παρὰ τοῖσ Ἕλλησιν ἐκδοθῆναι λόγον ὡσ ἡ Κάδμου Σεμέλη τέτοκεν ἐκ Διὸσ Ὄσιριν. ἐν δὲ τοῖσ ὕστερον χρόνοισ Ὀρφέα, μεγάλην ἔχοντα δόξαν παρὰ τοῖσ Ἕλλησιν ἐπὶ μελῳδίᾳ καὶ τελεταῖσ καὶ θεολογίαισ, ἐπιξενωθῆναι τοῖσ Καδμείοισ καὶ διαφερόντωσ ἐν ταῖσ Θήβαισ τιμηθῆναι. μετεσχηκότα δὲ τῶν παρ’ Αἰγυπτίοισ θεολογουμένων μετενεγκεῖν τὴν Ὀσίριδοσ τοῦ παλαιοῦ γένεσιν ἐπὶ τοὺσ νεωτέρουσ χρόνουσ, χαριζόμενον δὲ τοῖσ Καδμείοισ ἐνστήσασθαι καινὴν τελετήν, καθ’ ἣν παραδοῦναι τοῖσ μυουμένοισ ἐκ Σεμέλησ καὶ Διὸσ γεγεννῆσθαι τὸν Διόνυσον.

τοὺσ δ’ ἀνθρώπουσ τὰ μὲν διὰ τὴν ἄγνοιαν ἐξαπατωμένουσ, τὰ δὲ διὰ τὴν Ὀρφέωσ ἀξιοπιστίαν καὶ δόξαν ἐν τοῖσ τοιούτοισ προσέχοντασ, τὸ δὲ μέγιστον ἡδέωσ προσδεχομένουσ τὸν θεὸν Ἕλληνα νομιζόμενον, καθάπερ προείρηται, χρήσασθαι ταῖσ τελεταῖσ. ἔπειτα παραλαβόντων τῶν μυθογράφων καὶ ποιητῶν τὸ γένοσ, ἐμπεπλῆσθαι τὰ θέατρα, καὶ τοῖσ ἐπιγινομένοισ ἰσχυρὰν πίστιν καὶ ἀμετάθετον γενέσθαι.

καθόλου δέ φασι τοὺσ Ἕλληνασ ἐξιδιάζεσθαι τοὺσ ἐπιφανεστάτουσ ἡρ́ωάσ τε καὶ θεούσ, ἔτι δ’ ἀποικίασ τὰσ παρ’ ἑαυτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 23

(디오도로스 시켈로스, Bibliotheca Historica, book 1, chapter 23)

상위

목록

SEARCH

MENU NAVIGATION