헬라어 문장 검색 - Διοδορ́Βιβλιοτ́1́18́

(디오도로스 시켈로스, Bibliotheca Historica, book 1, chapter 17)

τὸν δὲ Ὄσιριν λέγουσιν, ὥσπερ εὐεργετικὸν ὄντα καὶ φιλόδοξον, στρατόπεδον μέγα συστήσασθαι, διανοούμενον ἐπελθεῖν ἅπασαν τὴν οἰκουμένην καὶ διδάξαι τὸ γένοσ τῶν ἀνθρώπων τήν τε τῆσ ἀμπέλου φυτείαν καὶ τὸν σπόρον τοῦ τε πυρίνου καὶ κριθίνου καρποῦ· ὑπολαμβάνειν γὰρ αὐτὸν ὅτι παύσασ τῆσ ἀγριότητοσ τοὺσ ἀνθρώπουσ καὶ διαίτησ ἡμέρου μεταλαβεῖν ποιήσασ τιμῶν ἀθανάτων τεύξεται διὰ τὸ μέγεθοσ τῆσ εὐεργεσίασ.

ὅπερ δὴ καὶ γενέσθαι· οὐ μόνον γὰρ τοὺσ κατ’ ἐκείνουσ τοὺσ χρόνουσ τυχόντασ τῆσ δωρεᾶσ ταύτησ, ἀλλὰ καὶ πάντασ τοὺσ μετὰ ταῦτα ἐπιγενομένουσ διὰ τὴν ἐν ταῖσ εὑρεθείσαισ τροφαῖσ χάριτα τοὺσ εἰσηγησαμένουσ ὡσ ἐπιφανεστάτουσ θεοὺσ τετιμηκέναι. τὸν δ’ οὖν Ὄσιρίν φασι τὰ κατὰ τὴν Αἴγυπτον καταστήσαντα καὶ τὴν τῶν ὅλων ἡγεμονίαν Ἴσιδι τῇ γυναικὶ παραδόντα, ταύτῃ μὲν παρακαταστῆσαι σύμβουλον τὸν Ἑρμῆν διὰ τὸ φρονήσει τοῦτον διαφέρειν τῶν ἄλλων φίλων, καὶ στρατηγὸν μὲν ἀπολιπεῖν ἁπάσησ τῆσ ὑφ’ αὑτὸν χώρασ Ἡρακλέα γένει τε προσήκοντα καὶ θαυμαζόμενον ἐπ’ ἀνδρείᾳ τε καὶ σώματοσ ῥώμῃ, ἐπιμελητὰσ δὲ τάξαι τῶν μὲν πρὸσ Φοινίκην κεκλιμένων μερῶν καὶ τῶν ἐπὶ θαλάττῃ τόπων Βούσιριν, τῶν δὲ κατὰ τὴν Αἰθιοπίαν καὶ Λιβύην Ἀνταῖον, αὐτὸν δ’ ἐκ τῆσ Αἰγύπτου μετὰ τῆσ δυνάμεωσ ἀναζεῦξαι πρὸσ τὴν στρατείαν, ἔχοντα μεθ’ αὑτοῦ καὶ τὸν ἀδελφόν, ὃν οἱ Ἕλληνεσ Ἀπόλλωνα καλοῦσιν.

εὑρετὴν δὲ καὶ τοῦτόν φασι γενέσθαι τοῦ φυτοῦ τῆσ δάφνησ, ἣν καὶ περιτιθέασι τούτῳ τῷ θεῷ μάλιστα πάντεσ ἄνθρωποι.

τοῦ δὲ κιττοῦ τὴν εὑρ́εσιν ἀνατιθέασιν Ὀσίριδι, καὶ καθιεροῦσιν αὐτὸν τούτῳ τῷ θεῷ, καθάπερ καὶ οἱ Ἕλληνεσ Διονύσῳ. καὶ κατὰ τὴν Αἰγυπτίων μὲν διάλεκτον ὀνομάζεσθαί φασι τὸν κιττὸν φυτὸν Ὀσίριδοσ, προκεκρίσθαι δὲ τῆσ ἀμπέλου τοῦτον πρὸσ τὴν ἀφιέρωσιν διὰ τὸ τὴν μὲν φυλλορροεῖν, τὸν δὲ πάντα τὸν χρόνον ἀειθαλῆ διαμένειν·

ὅπερ τοὺσ παλαιοὺσ καὶ ἐφ’ ἑτέρων φυτῶν ἀεὶ θαλλόντων πεποιηκέναι, τῇ μὲν Ἀφροδίτῃ τὴν μυρσίνην, τῷ δ’ Ἀπόλλωνι τὴν δάφνην προσάψαντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 17

(디오도로스 시켈로스, Bibliotheca Historica, book 1, chapter 17)

상위

목록

SEARCH

MENU NAVIGATION