헬라어 문장 검색 - Διοδορ́Βιβλιοτ́1́13́

(디오도로스 시켈로스, Bibliotheca Historica, book 1, chapter 12)

τούτων δ’ ἕκαστον θεὸν νομίσαι καὶ προσηγορίαν ἰδίαν ἑκάστῳ θεῖναι κατὰ τὸ οἰκεῖον τοὺσ πρώτουσ διαλέκτῳ χρησαμένουσ διηρθρωμένῃ τῶν κατ’ Αἴγυπτον ἀνθρώπων. τὸ μὲν οὖν πνεῦμα Δία προσαγορεῦσαι μεθερμηνευομένησ τῆσ λέξεωσ, ὃν αἴτιον ὄντα τοῦ ψυχικοῦ τοῖσ ζῴοισ ἐνόμισαν ὑπάρχειν πάντων οἱονεί τινα πατέρα.

συμφωνεῖν δὲ τούτοισ φασὶ καὶ τὸν ἐπιφανέστατον τῶν παρ’ Ἕλλησι ποιητῶν ἐπὶ τοῦ θεοῦ τούτου λέγοντα πατὴρ ἀνδρῶν τε θεῶν τε. τὸ δὲ πῦρ μεθερμηνευόμενον Ἥφαιστον ὀνομάσαι, νομίσαντασ μέγαν εἶναι θεὸν καὶ πολλὰ συμβάλλεσθαι πᾶσιν εἰσ γένεσίν τε καὶ τελείαν αὔξησιν.

τὴν δὲ γῆν ὥσπερ ἀγγεῖόν τι τῶν φυομένων ὑπολαμβάνοντασ μητέρα προσαγορεῦσαι·

καὶ τοὺσ Ἕλληνασ δὲ ταύτην παραπλησίωσ Δήμητραν καλεῖν, βραχὺ μετατεθείσησ διὰ τὸν χρόνον τῆσ λέξεωσ· τὸ γὰρ παλαιὸν ὀνομάζεσθαι γῆν μητέρα, καθάπερ καὶ τὸν Ὀρφέα προσμαρτυρεῖν λέγοντα γῆ μήτηρ πάντων, Δημήτηρ πλουτοδότειρα. τὸ δ’ ὑγρὸν ὀνομάσαι λέγουσι τοὺσ παλαιοὺσ Ὠκεάνην, ὃ μεθερμηνευόμενον μὲν εἶναι τροφὴν μητέρα, παρ’ ἐνίοισ δὲ τῶν Ἑλλήνων Ὠκεανὸν ὑπάρχειν ὑπειλῆφθαι, περὶ οὗ καὶ τὸν ποιητὴν λέγειν ὠκεανόν τε θεῶν γένεσιν καὶ μητέρα Τηθύν.

οἱ γὰρ Αἰγύπτιοι νομίζουσιν Ὠκεανὸν εἶναι τὸν παρ’ αὐτοῖσ ποταμὸν Νεῖλον, πρὸσ ᾧ καὶ τὰσ τῶν θεῶν γενέσεισ ὑπάρξαι·

τῆσ γὰρ πάσησ οἰκουμένησ κατὰ μόνην τὴν Αἴγυπτον εἶναι πόλεισ πολλὰσ ὑπὸ τῶν ἀρχαίων θεῶν ἐκτισμένασ, οἱο͂ν Διόσ, Ἡλίου, Ἑρμοῦ, Ἀπόλλωνοσ, Πανόσ, Εἰλειθυίασ, ἄλλων πλειόνων. τὸν δ’ ἀέρα προσαγορεῦσαί φασιν Ἀθηνᾶν μεθερμηνευομένησ τῆσ λέξεωσ, καὶ Διὸσ θυγατέρα νομίσαι ταύτην, καὶ παρθένον ὑποστήσασθαι διά τε τὸ ἄφθορον εἶναι φύσει τὸν ἀέρα καὶ τὸν ἀκρότατον ἐπέχειν τόπον τοῦ σύμπαντοσ κόσμου·

διόπερ ἐκ τῆσ κορυφῆσ τοῦ Διὸσ μυθολογηθῆναι ταύτην γενέσθαι. ὠνομάσθαι δὲ αὐτὴν Τριτογένειαν ἀπὸ τοῦ τρὶσ μεταβάλλειν αὐτῆσ τὴν φύσιν κατ’ ἐνιαυτόν, ἐάροσ καὶ θέρουσ καὶ χειμῶνοσ.

λέγεσθαι δ’ αὐτὴν καὶ Γλαυκῶπιν, οὐχ ὥσπερ ἔνιοι τῶν Ἑλλήνων ὑπέλαβον, ἀπὸ τοῦ τοὺσ ὀφθαλμοὺσ ἔχειν γλαυκούσ· τοῦτο μὲν γὰρ εὐήθεσ ὑπάρχειν· ἀλλ’ ἀπὸ τοῦ τὸν ἀέρα τὴν πρόσοψιν ἔχειν ἔγγλαυκον. φασὶ δὲ τοὺσ πέντε θεοὺσ τοὺσ προειρημένουσ πᾶσαν τὴν οἰκουμένην ἐπιπορεύεσθαι, φανταζομένουσ τοῖσ ἀνθρώποισ ἐν ἱερῶν ζῴων μορφαῖσ, ἔστι δ’ ὅτε εἰσ ἀνθρώπων ἰδέασ ἤ τινων ἄλλων μεταβάλλοντασ·

καὶ τοῦτο μὴ μυθῶδεσ ὑπάρχειν, ἀλλὰ δυνατόν, εἴπερ οὗτοι πρὸσ ἀλήθειάν εἰσιν οἱ πάντα γεννῶντεσ. καὶ τὸν ποιητὴν δὲ εἰσ Αἴγυπτον παραβαλόντα καὶ μετασχόντα παρὰ τῶν ἱερέων τῶν τοιούτων λόγων θεῖναί που κατὰ τὴν ποίησιν τὸ προειρημένον ὡσ γινόμενον, καί τε θεοὶ ξείνοισιν ἐοικότεσ ἀλλοδαποῖσι παντοῖοι τελέθοντεσ ἐπιστρωφῶσι πόληασ, ἀνθρώπων ὕβριν τε καὶ εὐνομίην ἐσορῶντεσ. περὶ μὲν οὖν τῶν ἐν οὐρανῷ θεῶν καὶ γένεσιν ἀίδιον ἐσχηκότων τοσαῦτα λέγουσιν Αἰγύπτιοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 12

(디오도로스 시켈로스, Bibliotheca Historica, book 1, chapter 12)

상위

목록

SEARCH

MENU NAVIGATION