헬라어 문장 검색 - Διοδορ́Βιβλιοτ́1́12́

(디오도로스 시켈로스, Bibliotheca Historica, book 1, chapter 11)

τοὺσ δ’ οὖν κατ’ Αἴγυπτον ἀνθρώπουσ τὸ παλαιὸν γενομένουσ, ἀναβλέψαντασ εἰσ τὸν κόσμον καὶ τὴν τῶν ὅλων φύσιν καταπλαγέντασ τε καὶ θαυμάσαντασ, ὑπολαβεῖν εἶναι δύο θεοὺσ ἀιδίουσ τε καὶ πρώτουσ, τόν τε ἥλιον καὶ τὴν σελήνην, ὧν τὸν μὲν Ὄσιριν, τὴν δὲ Ἶσιν ὀνομάσαι, ἀπό τινοσ ἐτύμου τεθείσησ ἑκατέρασ τῆσ προσηγορίασ ταύτησ. μεθερμηνευομένων γὰρ τούτων εἰσ τὸν Ἑλληνικὸν τῆσ διαλέκτου τρόπον εἶναι τὸν μὲν Ὄσιριν πολυόφθαλμον, εἰκότωσ·

πανταχῇ γὰρ ἐπιβάλλοντα τὰσ ἀκτῖνασ ὥσπερ ὀφθαλμοῖσ πολλοῖσ βλέπειν ἅπασαν γῆν καὶ θάλατταν. καὶ τὸν ποιητὴν δὲ λέγειν σύμφωνα τούτοισ ἠέλιόσ θ’, ὃσ πάντ’ ἐφορᾷ καὶ πάντ’ ἐπακούει. τῶν δὲ παρ’ Ἕλλησι παλαιῶν μυθολόγων τινὲσ τὸν Ὄσιριν Διόνυσον προσονομάζουσι καὶ Σείριον παρωνύμωσ·

ὧν Εὔμολποσ μὲν ἐν τοῖσ Βακχικοῖσ ἔπεσί φησιν ἀστροφαῆ Διόνυσον ἐν ἀκτίνεσσι πυρωπόν, Ὀρφεὺσ δὲ τούνεκά μιν καλέουσι Φάνητά τε καὶ Διόνυσον. φασὶ δέ τινεσ καὶ τὸ ἔναμμα αὐτῷ τὸ τῆσ νεβρίδοσ ἀπὸ τῆσ τῶν ἄστρων ποικιλίασ περιῆφθαι.

τὴν δὲ Ἶσιν μεθερμηνευομένην εἶναι παλαιάν, τεθειμένησ τῆσ προσηγορίασ ἀπὸ τῆσ ἀιδίου καὶ παλαιᾶσ γενέσεωσ. κέρατα δ’ αὐτῇ ἐπιτιθέασιν ἀπό τε τῆσ ὄψεωσ ἣν ἔχουσα φαίνεται καθ’ ὃν ἂν χρόνον ὑπάρχῃ μηνοειδήσ, καὶ ἀπὸ τῆσ καθιερωμένησ αὐτῇ βοὸσ παρ’ Αἰγυπτίοισ. τούτουσ δὲ τοὺσ θεοὺσ ὑφίστανται τὸν σύμπαντα κόσμον διοικεῖν τρέφοντάσ τε καὶ αὔξοντασ πάντα τριμερέσιν ὡρ́αισ ἀοράτῳ κινήσει τὴν περίοδον ἀπαρτιζούσαισ, τῇ τε ἐαρινῇ καὶ θερινῇ καὶ χειμερινῇ·

ταύτασ δ’ ἐναντιωτάτην ἀλλήλαισ τὴν φύσιν ἐχούσασ ἀπαρτίζειν τὸν ἐνιαυτὸν ἀρίστῃ συμφωνίᾳ· φύσιν δὲ συμβάλλεσθαι πλείστην εἰσ τὴν τῶν ἁπάντων ζωογονίαν τῶν θεῶν τούτων τὸν μὲν πυρώδουσ καὶ πνεύματοσ, τὴν δὲ ὑγροῦ καὶ ξηροῦ, κοινῇ δ’ ἀμφοτέρουσ ἀέροσ· καὶ διὰ τούτων πάντα γεννᾶσθαι καὶ τρέφεσθαι. διὸ καὶ τὸ μὲν ἅπαν σῶμα τῆσ τῶν ὅλων φύσεωσ ἐξ ἡλίου καὶ σελήνησ ἀπαρτίζεσθαι, τὰ δὲ τούτων μέρη πέντε τὰ προειρημένα, τό τε πνεῦμα καὶ τὸ πῦρ καὶ τὸ ξηρόν, ἔτι δὲ τὸ ὑγρὸν καὶ τὸ τελευταῖον τὸ ἀερῶδεσ, ὥσπερ ἐπ’ ἀνθρώπου κεφαλὴν καὶ χεῖρασ καὶ πόδασ καὶ τἄλλα μέρη καταριθμοῦμεν, τὸν αὐτὸν τρόπον τὸ σῶμα τοῦ κόσμου συγκεῖσθαι πᾶν ἐκ τῶν προειρημένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 11

(디오도로스 시켈로스, Bibliotheca Historica, book 1, chapter 11)

상위

목록

SEARCH

MENU NAVIGATION