헬라어 문장 검색 - Διοδορ́Βιβλιοτ́1́03́

(디오도로스 시켈로스, Bibliotheca Historica, book 1, chapter 2)

καθόλου δὲ διὰ τὴν ἐκ ταύτησ ἐπ’ ἀγαθῷ μνήμην οἱ μὲν κτίσται πόλεων γενέσθαι προεκλήθησαν, οἱ δὲ νόμουσ εἰσηγήσασθαι περιέχοντασ τῷ κοινῷ βίω τὴν ἀσφάλειαν, πολλοὶ δ’ ἐπιστήμασ καὶ τέχνασ ἐξευρεῖν ἐφιλοτιμήθησαν πρὸσ εὐεργεσίαν τοῦ γένουσ τῶν ἀνθρώπων. ἐξ ἁπάντων δὲ συμπληρουμένησ τῆσ εὐδαιμονίασ, ἀποδοτέον τῶν ἐπαίνων τὸ πρωτεῖον τῇ τούτων μάλιστ’ αἰτίᾳ ἱστορίᾳ. ἡγητέον γὰρ εἶναι ταύτην φύλακα μὲν τῆσ τῶν ἀξιολόγων ἀρετῆσ, μάρτυρα δὲ τῆσ τῶν φαύλων κακίασ, εὐεργέτιν δὲ τοῦ κοινοῦ γένουσ τῶν ἀνθρώπων.

εἰ γὰρ ἡ τῶν ἐν ᾅδου μυθολογία τὴν ὑπόθεσιν πεπλασμένην ἔχουσα πολλὰ συμβάλλεται τοῖσ ἀνθρώποισ πρὸσ εὐσέβειαν καὶ δικαιοσύνην, πόσῳ μᾶλλον ὑποληπτέον τὴν προφῆτιν τῆσ ἀληθείασ ἱστορίαν, τῆσ ὅλησ φιλοσοφίασ οἱονεὶ μητρόπολιν οὖσαν, ἐπισκευάσαι δύνασθαι τὰ ἤθη μᾶλλον πρὸσ καλοκἀγαθίαν; πάντεσ γὰρ ἄνθρωποι διὰ τὴν τῆσ φύσεωσ ἀσθένειαν βιοῦσι μὲν ἀκαριαῖόν τι μέροσ τοῦ παντὸσ αἰῶνοσ, τετελευτήκασι δὲ πάντα τὸν ὕστερον χρόνον, καὶ τοῖσ μὲν ἐν τῷ ζῆν μηδὲν ἀξιόλογον πράξασιν ἅμα ταῖσ τῶν σωμάτων τελευταῖσ συναποθνήσκει καὶ τὰ ἄλλα πάντα τὰ κατὰ τὸν βίον, τοῖσ δὲ δι’ ἀρετὴν περιποιησαμένοισ δόξαν αἱ πράξεισ ἅπαντα τὸν αἰῶνα μνημονεύονται, διαβοώμεναι τῷ θειοτάτῳ τῆσ ἱστορίασ στόματι.

καλὸν δ’, οἶμαι, τοῖσ εὖ φρονοῦσι θνητῶν πόνων ἀντικαταλλάξασθαι τὴν ἀθάνατον εὐφημίαν.

Ἡρακλῆσ μὲν γὰρ ὁμολογεῖται πάντα τὸν γενόμενον αὐτῷ κατ’ ἀνθρώπουσ χρόνον ὑπομεῖναι μεγάλουσ καὶ συνεχεῖσ πόνουσ καὶ κινδύνουσ ἑκουσίωσ, ἵνα τὸ γένοσ τῶν ἀνθρώπων εὐεργετήσασ τύχῃ τῆσ ἀθανασίασ· τῶν δὲ ἄλλων ἀγαθῶν ἀνδρῶν οἱ μὲν ἡρωικῶν, οἱ δὲ ἰσοθέων τιμῶν ἔτυχον, πάντεσ δὲ μεγάλων ἐπαίνων ἠξιώθησαν, τὰσ ἀρετὰσ αὐτῶν τῆσ ἱστορίασ ἀπαθανατιζούσησ. τὰ μὲν γὰρ ἄλλα μνημεῖα διαμένει χρόνον ὀλίγον, ὑπὸ πολλῶν ἀναιρούμενα περιστάσεων, ἡ δὲ τῆσ ἱστορίασ δύναμισ ἐπὶ πᾶσαν τὴν οἰκουμένην διήκουσα τὸν πάντα τἄλλα λυμαινόμενον χρόνον ἔχει φύλακα τῆσ αἰωνίου παραδόσεωσ τοῖσ ἐπιγινομένοισ.

συμβάλλεται δ’ αὕτη καὶ πρὸσ λόγου δύναμιν, οὗ κάλλιον ἕτερον οὐκ ἄν τισ ῥᾳδίωσ εὑρ́οι. τούτῳ γὰρ οἱ μὲν Ἕλληνεσ τῶν βαρβάρων, οἱ δὲ πεπαιδευμένοι τῶν ἀπαιδεύτων προέχουσι, πρὸσ δὲ τούτοισ διὰ μόνου τούτου δυνατόν ἐστιν ἕνα τῶν πολλῶν περιγενέσθαι·

καθόλου δὲ φαίνεται πᾶν τὸ προτεθὲν τοιοῦτον ὁποῖον ἄν ἡ τοῦ λέγοντοσ δύναμισ παραστήσῃ, καὶ τοὺσ ἀγαθοὺσ ἄνδρασ ἀξίουσ λόγου προσαγορεύομεν, ὡσ τοῦτο τὸ πρωτεῖον τῆσ ἀρετῆσ περιπεποιημένουσ. εἰσ πλείω δὲ μέρη τούτου διῃρημένου, συμβαίνει τὴν μὲν ποιητικὴν τέρπειν μᾶλλον ἤπερ ὠφελεῖν, τὴν δὲ νομοθεσίαν κολάζειν, οὐ διδάσκειν, παραπλησίωσ δὲ καὶ τἄλλα μέρη τὰ μὲν μηδὲν συμβάλλεσθαι πρὸσ εὐδαιμονίαν, τὰ δὲ μεμιγμένην ἔχειν τῷ συμφέροντι τὴν βλάβην, ἔνια δὲ κατεψεῦσθαι τῆσ ἀληθείασ, μόνην δὲ τὴν ἱστορίαν, συμφωνούντων ἐν αὐτῇ τῶν λόγων τοῖσ ἔργοισ, ἅπαντα τἄλλα χρήσιμα τῇ γραφῇ περιειληφέναι.

ὁρᾶσθαι γὰρ αὐτὴν προτρεπομένην ἐπὶ δικαιοσύνην, κατηγοροῦσαν τῶν φαύλων, ἐγκωμιάζουσαν τοὺσ ἀγαθούσ, τὸ σύνολον ἐμπειρίαν μεγίστην περιποιοῦσαν τοῖσ ἐντυγχάνουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 2

(디오도로스 시켈로스, Bibliotheca Historica, book 1, chapter 2)

상위

목록

SEARCH

MENU NAVIGATION