헬라어 문장 검색 - Διοδορ́Βιβλιοτ́1́98́

(디오도로스 시켈로스, Bibliotheca Historica, book 1, chapter 97)

πολλὰ δὲ καὶ τῶν ἄλλων τῶν μεμυθοποιημένων διαμένειν παρ’ Αἰγυπτίοισ, διατηρουμένησ ἔτι τῆσ προσηγορίασ καὶ τῆσ ἐν τῷ πράττειν ἐνεργείασ. ἐν μὲν γὰρ Ἀκανθῶν πόλει, πέραν τοῦ Νείλου κατὰ τὴν Λιβύην ἀπὸ σταδίων ἑκατὸν καὶ εἴκοσι τῆσ Μέμφεωσ, πίθον εἶναι τετρημένον, εἰσ ὃν τῶν ἱερέων ἑξήκοντα καὶ τριακοσίουσ καθ’ ἑκάστην ἡμέραν ὕδωρ φέρειν εἰσ αὐτὸν ἐκ τοῦ Νείλου·

τὴν δὲ περὶ τὸν Ὄκνον μυθοποιίαν δείκνυσθαι πλησίον κατά τινα πανήγυριν συντελουμένην, πλέκοντοσ μὲν ἑνὸσ ἀνδρὸσ ἀρχὴν σχοινίου μακράν, πολλῶν δ’ ἐκ τῶν ὀπίσω λυόντων τὸ πλεκόμενον.

Μελάμποδα δέ φασι μετενεγκεῖν ἐξ Αἰγύπτου τὰ Διονύσῳ νομιζόμενα τελεῖσθαι παρὰ τοῖσ Ἕλλησι καὶ τὰ περὶ Κρόνου μυθολογούμενα καὶ τὰ περὶ τῆσ Τιτανομαχίασ καὶ τὸ σύνολον τὴν περὶ τὰ πάθη τῶν θεῶν ἱστορίαν.

τὸν δὲ Δαίδαλον λέγουσιν ἀπομιμήσασθαι τὴν τοῦ λαβυρίνθου πλοκὴν τοῦ διαμένοντοσ μὲν μέχρι τοῦ νῦν καιροῦ, οἰκοδομηθέντοσ δέ, ὡσ μέν τινέσ φασιν, ὑπὸ Μένδητοσ, ὡσ δ’ ἔνιοι λέγουσιν, ὑπὸ Μάρρου τοῦ βασιλέωσ, πολλοῖσ ἔτεσι πρότερον τῆσ Μίνω βασιλείασ.

τόν τε ῥυθμὸν τῶν ἀρχαίων κατ’ Αἴγυπτον ἀνδριάντων τὸν αὐτὸν εἶναι τοῖσ ὑπὸ Δαιδάλου κατασκευασθεῖσι παρὰ τοῖσ Ἕλλησι.

τὸ δὲ κάλλιστον πρόπυλον ἐν Μέμφει τοῦ Ἡφαιστείου Δαίδαλον ἀρχιτεκτονῆσαι, καὶ θαυμασθέντα τυχεῖν εἰκόνοσ ξυλίνησ κατὰ τὸ προειρημένον ἱερὸν ταῖσ ἰδίαισ χερσὶ δεδημιουργημένησ, πέρασ δὲ διὰ τὴν εὐφυϊάν ἀξιωθέντα μεγάλησ δόξησ καὶ πολλὰ προσεξευρόντα τυχεῖν ἰσοθέων τιμῶν· κατὰ γὰρ μίαν τῶν πρὸσ τῇ Μέμφει νήσων ἔτι καὶ νῦν ἱερὸν εἶναι Δαιδάλου τιμώμενον ὑπὸ τῶν ἐγχωρίων. τῆσ δ’ Ὁμήρου παρουσίασ ἄλλα τε σημεῖα φέρουσι καὶ μάλιστα τὴν τῆσ Ἑλένησ γενομένην παρὰ Μενελάῳ Τηλεμάχου φαρμακείαν καὶ λήθην τῶν συμβεβηκότων κακῶν.

τὸ γὰρ νηπενθὲσ φάρμακον, ὃ λαβεῖν φησιν ὁ ποιητὴσ τὴν Ἑλένην ἐκ τῶν Αἰγυπτίων Θηβῶν παρὰ Πολυδάμνησ τῆσ Θῶνοσ γυναικόσ, ἀκριβῶσ ἐξητακὼσ φαίνεται· ἔτι γὰρ καὶ νῦν τὰσ ἐν ταύτῃ γυναῖκασ τῇ προειρημένῃ δυνάμει χρῆσθαι λέγουσι, καὶ παρὰ μόναισ ταῖσ Διοσπολίτισιν ἐκ παλαιῶν χρόνων ὀργῆσ καὶ λύπησ φάρμακον εὑρῆσθαί φασι· τὰσ δὲ Θήβασ καὶ Διὸσ πόλιν τὴν αὐτὴν ὑπάρχειν. τήν τε Ἀφροδίτην ὀνομάζεσθαι παρὰ τοῖσ ἐγχωρίοισ χρυσῆν ἐκ παλαιᾶσ παραδόσεωσ, καὶ πεδίον εἶναι καλούμενον χρυσῆσ Ἀφροδίτησ περὶ τὴν ὀνομαζομένην Μώμεμφιν.

τά τε περὶ τὸν Δία καὶ τὴν Ἥραν μυθολογούμενα περὶ τῆσ συνουσίασ καὶ τὴν εἰσ Αἰθιοπίαν ἐκδημίαν ἐκεῖθεν αὐτὸν μετενεγκεῖν·

κατ’ ἐνιαυτὸν γὰρ παρὰ τοῖσ Αἰγυπτίοισ τὸν νεὼν τοῦ Διὸσ περαιοῦσθαι τὸν ποταμὸν εἰσ τὴν Λιβύην, καὶ μεθ’ ἡμέρασ τινὰσ πάλιν ἐπιστρέφειν, ὡσ ἐξ Αἰθιοπίασ τοῦ θεοῦ παρόντοσ· τήν τε συνουσίαν τῶν θεῶν τούτων, ἐν ταῖσ πανηγύρεσι τῶν ναῶν ἀνακομιζομένων ἀμφοτέρων εἰσ ὄροσ ἄνθεσι παντοίοισ ὑπὸ τῶν ἱερέων κατεστρωμένον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 97

(디오도로스 시켈로스, Bibliotheca Historica, book 1, chapter 97)

상위

목록

SEARCH

MENU NAVIGATION