헬라어 문장 검색 - Διοδορ́Βιβλιοτ́1́91́

(디오도로스 시켈로스, Bibliotheca Historica, book 1, chapter 90)

φέρουσι δὲ καί τινεσ τοιαύτην αἰτίαν τῆσ τῶν ζῴων ἀφιερώσεωσ. συναγομένων γὰρ ἐν ἀρχῇ τῶν ἀνθρώπων ἐκ τοῦ θηριώδουσ βίου, τὸ μὲν πρῶτον ἀλλήλουσ κατεσθίειν καὶ πολεμεῖν, ἀεὶ τοῦ πλέον δυναμένου τὸν ἀσθενέστερον κατισχύοντοσ· μετὰ δὲ ταῦτα τοὺσ τῇ ῥώμῃ λειπομένουσ ὑπὸ τοῦ συμφέροντοσ διδαχθέντασ ἀθροίζεσθαι καὶ ποιῆσαι σημεῖον ἑαυτοῖσ ἐκ τῶν ὕστερον καθιερωθέντων ζῴων· πρὸσ δὲ τοῦτο τὸ σημεῖον τῶν ἀεὶ δεδιότων συντρεχόντων, οὐκ εὐκαταφρόνητον τοῖσ ἐπιτιθεμένοισ γίνεσθαι τὸ σύστημα· τὸ δ’ αὐτὸ καὶ τῶν ἄλλων ποιούντων διαστῆναι μὲν τὰ πλήθη κατὰ συστήματα, τὸ δὲ ζῷον τὸ τῆσ ἀσφαλείασ ἑκάστοισ γενόμενον αἴτιον τιμῶν τυχεῖν ἰσοθέων, ὡσ τὰ μέγιστ’ εὐηργετηκόσ·

διόπερ ἄχρι τῶν νῦν χρόνων τὰ τῶν Αἰγυπτίων ἔθνη διεστηκότα τιμᾶν τὰ παρ’ ἑαυτοῖσ ἐξ ἀρχῆσ τῶν ζῴων καθιερωθέντα. καθόλου δέ φασι τοὺσ Αἰγυπτίουσ ὑπὲρ τοὺσ ἄλλουσ ἀνθρώπουσ εὐχαρίστωσ διακεῖσθαι πρὸσ πᾶν τὸ εὐεργετοῦν, νομίζοντασ μεγίστην ἐπικουρίαν εἶναι τῷ βίῳ τὴν ἀμοιβὴν τῆσ πρὸσ τοὺσ εὐεργέτασ χάριτοσ· δῆλον γὰρ εἶναι διότι πάντεσ πρὸσ εὐεργεσίαν ὁρμήσουσι τούτων μάλιστα παρ’ οἷσ ἄν ὁρῶσι κάλλιστα θησαυρισθησομένασ τὰσ χάριτασ. διὰ δὲ τὰσ αὐτὰσ αἰτίασ δοκοῦσιν Αἰγύπτιοι τοὺσ ἑαυτῶν βασιλεῖσ προσκυνεῖν τε καὶ τιμᾶν ὡσ πρὸσ ἀλήθειαν ὄντασ θεούσ, ἅμα μὲν οὐκ ἄνευ δαιμονίου τινὸσ προνοίασ νομίζοντεσ αὐτοὺσ τετευχέναι τῆσ τῶν ὅλων ἐξουσίασ, ἅμα δὲ τοὺσ βουλομένουσ τε καὶ δυναμένουσ τὰ μέγιστ’ εὐεργετεῖν ἡγούμενοι θείασ μετέχειν φύσεωσ.

περὶ μὲν οὖν τῶν ἀφιερωμένων ζῴων εἰ καὶ πεπλεονάκαμεν, ἀλλ’ οὖν γε τὰ μάλιστα θαυμαζόμενα τῶν παρ’ Αἰγυπτίοισ νόμιμα διευκρινήκαμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 90

(디오도로스 시켈로스, Bibliotheca Historica, book 1, chapter 90)

상위

목록

SEARCH

MENU NAVIGATION