헬라어 문장 검색 - Διοδορ́Βιβλιοτ́1́84́

(디오도로스 시켈로스, Bibliotheca Historica, book 1, chapter 83)

περὶ δὲ τῶν ἀφιερωμένων ζῴων κατ’ Αἴγυπτον εἰκότωσ φαίνεται πολλοῖσ παράδοξον τὸ γινόμενον καὶ ζητήσεωσ ἄξιον. σέβονται γὰρ ἔνια τῶν ζῴων Αἰγύπτιοι καθ’ ὑπερβολὴν οὐ ζῶντα μόνον, ἀλλὰ καὶ τελευτήσαντα, οἱο͂ν αἰλούρουσ καὶ τοὺσ ἰχνεύμονασ καὶ κύνασ, ἔτι δ’ ἱέρακασ καὶ τὰσ καλουμένασ παρ’ αὐτοῖσ ἴβεισ, πρὸσ δὲ τούτοισ τούσ τε λύκουσ καὶ τοὺσ κροκοδείλουσ καὶ ἕτερα τοιαῦτα πλείω, περὶ ὧν τὰσ αἰτίασ ἀποδιδόναι πειρασόμεθα, βραχέα πρότερον ὑπὲρ αὐτῶν διελθόντεσ. πρῶτον μὲν γὰρ ἑκάστῳ γένει τῶν σεβασμοῦ τυγχανόντων ζῴων ἀφιέρωται χώρα φέρουσα πρόσοδον ἀρκοῦσαν εἰσ ἐπιμέλειαν καὶ τροφὴν αὐτῶν·

ποιοῦνται δὲ καὶ θεοῖσ τισιν εὐχὰσ ὑπὲρ τῶν παίδων οἱ κατ’ Αἴγυπτον τῶν ἐκ τῆσ νόσου σωθέντων· ξυρήσαντεσ γὰρ τὰσ τρίχασ καὶ πρὸσ ἀργύριον ἢ χρυσίον στήσαντεσ διδόασι τὸ νόμισμα τοῖσ ἐπιμελομένοισ τῶν προειρημένων ζῴων. οἱ δὲ τοῖσ μὲν ἱέραξι κρέα κατατέμνοντεσ καὶ προσκαλούμενοι μεγάλῃ τῇ φωνῇ πετομένοισ ἀναρρίπτουσι, μέχρι ἂν δέξωνται, τοῖσ δ’ αἰλούροισ καὶ τοῖσ ἰχνεύμοσι καταθρύπτοντεσ τοὺσ ἄρτουσ εἰσ γάλα καὶ ποππύζοντεσ παρατιθέασιν ἢ τῶν ἰχθύων τῶν ἐκ τοῦ Νείλου κατατέμνοντεσ ὠμῶσ σιτίζουσιν·

ὡσαύτωσ δὲ καὶ τῶν ἄλλων ζῴων ἑκάστῳ γένει τὴν ἁρμόζουσαν τροφὴν χορηγοῦσι. τὰσ δὲ γινομένασ περὶ ταῦτα λειτουργίασ οὐχ οἱο͂ν ἐκκλίνουσιν ἢ τοῖσ ὄχλοισ γενέσθαι καταφανεῖσ ἐπαισχύνονται, τοὐναντίον δ’ ὡσ περὶ τὰσ μεγίστασ τῶν θεῶν γινόμενοι τιμὰσ σεμνύνονται καὶ μετὰ σημείων ἰδίων περιέρχονται τὰσ πόλεισ καὶ τὴν χώραν.

πόρρωθεν δ’ ὄντεσ φανεροὶ τίνων ζῴων ἔχουσι τὴν ἐπιμέλειαν, ὑπὸ τῶν ἀπαντώντων προσκυνοῦνται καὶ τιμῶνται. ὅταν δ’ ἀποθάνῃ τι τῶν εἰρημένων, σινδόνι κατακαλύψαντεσ καὶ μετ’ οἰμωγῆσ τὰ στήθη καταπληξάμενοι φέρουσιν εἰσ τὰσ ταριχείασ·

ἔπειτα θεραπευθέντων αὐτῶν κεδρίᾳ καὶ τοῖσ δυναμένοισ εὐωδίαν παρέχεσθαι καὶ πολυχρόνιον τοῦ σώματοσ τήρησιν θάπτουσιν ἐν ἱεραῖσ θήκαισ. ὃσ δ’ ἂν τούτων τι τῶν ζῴων ἑκὼν διαφθείρῃ, θανάτῳ περιπίπτει, πλὴν ἐὰν αἴλουρον ἢ τὴν ἶβιν ἀποκτείνῃ·

ταῦτα δὲ ἐάν τε ἑκὼν ἐάν τε ἄκων ἀποκτείνῃ, πάντωσ θανάτῳ περιπίπτει, τῶν ὄχλων συντρεχόντων καὶ τὸν πράξαντα δεινότατα διατιθέντων, καὶ τοῦτ’ ἐνίοτε πραττόντων ἄνευ κρίσεωσ. διὰ δὲ τὸν ἐπὶ τούτοισ φόβον οἱ θεασάμενοι τεθνηκόσ τι τούτων τῶν ζῴων ἀποστάντεσ μακρὰν βοῶσιν ὀδυρόμενοί τε καὶ μαρτυρόμενοι κατειλῆφθαι τετελευτηκόσ.

οὕτω δ’ ἐν ταῖσ τῶν ὄχλων ψυχαῖσ ἐντέτηκεν ἡ πρὸσ τὰ ζῷα ταῦτα δεισιδαιμονία καὶ τοῖσ πάθεσιν ἀμεταθέτωσ ἕκαστοσ διάκειται πρὸσ τὴν τούτων τιμήν, ὥστε καὶ καθ’ ὃν χρόνον Πτολεμαῖοσ μὲν ὁ βασιλεὺσ ὑπὸ Ῥωμαίων οὔπω προσηγόρευτο φίλοσ, οἱ δ’ ὄχλοι πᾶσαν εἰσεφέροντο σπουδὴν ἐκθεραπεύοντεσ τοὺσ παρεπιδημοῦντασ τῶν ἀπὸ τῆσ Ἰταλίασ καὶ σπεύδοντεσ μηδεμίαν ἀφορμὴν ἐγκλήματοσ ἢ πολέμου δοῦναι διὰ τὸν φόβον, ἀποκτείναντοσ Ῥωμαίου τινὸσ αἴλουρον, καὶ τοῦ πλήθουσ συνδραμόντοσ ἐπὶ τὴν οἰκίαν τοῦ πράξαντοσ, οὔθ’ οἱ πεμφθέντεσ ὑπὸ τοῦ βασιλέωσ ἄρχοντεσ ἐπὶ τὴν παραίτησιν οὔθ’ ὁ κοινὸσ ἀπὸ τῆσ Ῥώμησ φόβοσ ἴσχυσεν ἐξελέσθαι τῆσ τιμωρίασ τὸν ἄνθρωπον, καίπερ ἀκουσίωσ τοῦτο πεπραχότα·

καὶ τοῦτ’ οὐκ ἐξ ἀκοῆσ ἡμεῖσ ἱστοροῦμεν, ἀλλ’ αὐτοὶ κατὰ τὴν γεγενημένην ἡμῖν ἐπιδημίαν κατ’ Αἴγυπτον ἑορακότεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 83

(디오도로스 시켈로스, Bibliotheca Historica, book 1, chapter 83)

상위

목록

SEARCH

MENU NAVIGATION