호흡부호 보기
강세부호 보기
장단부호 보기
작은 Iota 보기
모든 부호 보기
ἐκπληττομένου δὲ τοῦ βασιλέωσ τὸ παράδοξον τῶν λόγων, ἐπαγγείλασθαι τὴν Μήδειαν παραχρῆμα ἐπὶ τοῦ σώματοσ ἑαυτῆσ τὰσ τούτων πίστεισ παρέξεσθαι. εἰποῦσαν γὰρ μιᾷ τῶν Πελίου θυγατέρων καθαρὸν ἐνεγκεῖν ὕδωρ, καὶ τῆσ παρθένου τὸ ῥηθὲν εὐθὺσ ἐπὶ τέλοσ ἀγαγούσησ, φασὶν εἰσ οἰκίσκον τινὰ συγκλείσασαν ἑαυτὴν καὶ περινιψαμένην τὸ σῶμα πᾶν ἀποκλύσασθαι τὰσ τῶν φαρμάκων δυνάμεισ· ἀποκατασταθεῖσαν δ’ εἰσ τὴν προϋπάρχουσαν διάθεσιν καὶ φανεῖσαν τῷ βασιλεῖ καταπλήξασθαι τοὺσ ὁρῶντασ, καὶ δόξαι τινὶ θεῶν προνοίᾳ μετηλλαχέναι τὸ γῆρασ εἰσ παρθένου νεότητα καὶ κάλλοσ περίβλεπτον.
호흡부호 보기
강세부호 보기
장단부호 보기
작은 Iota 보기
모든 부호 보기