헬라어 문장 검색 - Διοδορ́Βιβλιοτ́4́83́

(디오도로스 시켈로스, Bibliotheca Historica, book 4, chapter 82)

τὸν δ’ Ἀρισταῖόν φασιμετὰ τὴν Ἀκτέωνοσ τελευτὴν ἐλθεῖν εἰσ τὸ χρηστήριον τοῦ πατρόσ, καὶ τὸν Ἀπόλλω προειπεῖν αὐτῷ τὴν εἰσ Κέων νῆσον μετάβασιν ἐσομένην αὐτοῦ καὶ τὰσ ἐσομένασ παρὰ τοῖσ Κείοισ τιμάσ. τὸν δὲ πλεῦσαι μὲν εἰσ τὴν νῆσον ταύτην, λοιμοῦ δὲ τὴν Ἑλλάδα κατασχόντοσ ποιήσασθαι τὴν θυσίαν ὑπὲρ ἁπάντων τῶν Ἑλλήνων.

γενομένησ δὲ τῆσ θυσίασ κατὰ τὴν τοῦ σειρίου ἄστρου ἐπιτολήν, καθ’ ἣν συνέβαινε πνεῖν τοὺσ ἐτησίασ, λῆξαι τὰσ λοιμικὰσ νόσουσ. τοῦτο δ’ ἄν τισ συλλογιζόμενοσ εἰκότωσ θαυμάσαι τὸ τῆσ περιπετείασ ἴδιον·

ὁ γὰρ ὑπὸ τῶν κυνῶν ἰδὼν τὸν υἱὸν τετελευτηκότα, οὗτοσ τῶν κατὰ τὸν οὐρανὸν ἄστρων τὸ τὴν αὐτὴν ἔχον προσηγορίαν καὶ φθείρειν νομιζόμενον τοὺσ ἀνθρώπουσ ἔπαυσε, καὶ τοῖσ ἄλλοισ αἴτιοσ ἐγένετο τῆσ σωτηρίασ. λέγουσι δὲ τὸν Ἀρισταῖον ἐκγόνουσ ἐν τῇ Κέῳ καταλιπόντα, καὶ μετὰ ταῦτα εἰσ τὴν Λιβύην ἐπανελθόντα, ἀπὸ τῆσ μητρὸσ Νύμφησ τὴν ἀναγωγὴν ποιησάμενον εἰσ τὴν Σαρδὼ νῆσον καταπλεῦσαι.

ἐν δὲ ταύτῃ κατοικήσαντα, καὶ τὴν νῆσον διὰ τὸ κάλλοσ στέρξαντα, φυτεῦσαί τε αὐτὴν καὶ τὸ πρότερον ἐξηγριωμένην ἡμερῶσαι. γεννῆσαι δ’ ἐν αὐτῇ δύο παῖδασ, Χάρμον καὶ Καλλίκαρπον. μετὰ δὲ ταῦτα ἄλλασ τε νήσουσ ἐπελθεῖν καὶ κατὰ τὴν Σικελίαν διατρῖψαί τινα χρόνον, διὰ δὲ τὴν ἀφθονίαν τῶν ἐν τῇ νήσῳ καρπῶν καὶ τὸ πλῆθοσ τῶν ἐν αὐτῇ βοσκομένων κτηνῶν φιλοτιμηθῆναι τοῖσ ἐγχωρίοισ ἐνδείξασθαι τὰσ ἰδίασ εὐεργεσίασ.

διὸ καὶ παρὰ τοῖσ κατὰ τὴν Σικελίαν οἰκοῦσι διαφερόντωσ φασὶ τιμηθῆναι τὸν Ἀρισταῖον ὡσ θεόν, καὶ μάλισθ’ ὑπὸ τῶν συγκομιζόντων τὸν τῆσ ἐλαίασ καρπόν. τὸ δὲ τελευταῖον μυθολογοῦσιν αὐτὸν εἰσ Θρᾴκην παραβαλόντα πρὸσ Διόνυσον μετασχεῖν τῶν ὀργίων, καὶ συνδιατρίψαντα τῷ θεῷ πολλὰ μαθεῖν παρ’ αὐτοῦ τῶν χρησίμων·

περὶ δὲ τὸ ὄροσ τὸ καλούμενον Αἷμον οἰκήσαντά τινα χρόνον ἄφαντον γενέσθαι, καὶ τυχεῖν ἀθανάτων τιμῶν οὐ μόνον ἐνταῦθα παρὰ τοῖσ βαρβάροισ, ἀλλὰ καὶ παρὰ τοῖσ Ἕλλησι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 82

(디오도로스 시켈로스, Bibliotheca Historica, book 4, chapter 82)

상위

목록

SEARCH

MENU NAVIGATION