헬라어 문장 검색 - Διοδορ́Βιβλιοτ́4́79́

(디오도로스 시켈로스, Bibliotheca Historica, book 4, chapter 78)

Δαίδαλοσ δὲ παρά τε τῷ Κωκάλῳ καὶ τοῖσ Σικανοῖσ διέτριψε πλείω χρόνον, θαυμαζόμενοσ ἐν τῇ κατὰ τὴν τέχνην ὑπερβολῇ. κατεσκεύασε δ’ ἐν τῇ νήσῳ ταύτῃ τινὰ τῶν ἔργων ἃ μέχρι τοῦ νῦν διαμένει. πλησίον μὲν γὰρ τῆσ Μεγαρίδοσ φιλοτέχνωσ ἐποίησε τὴν ὀνομαζομένην κολυμβήθραν, ἐξ ἧσ μέγασ ποταμὸσ εἰσ τὴν πλησίον θάλατταν ἐξερεύγεται καλούμενοσ Ἀλαβών. κατὰ δὲ τὴν νῦν Ἀκραγαντίνην ἐν τῷ Καμικῷ καλουμένῳ πόλιν ἐπὶ πέτρασ οὖσαν πασῶν ὀχυρωτάτην κατεσκεύασε καὶ παντελῶσ ἐκ βίασ ἀνάλωτον·

στενὴν γὰρ καὶ σκολιὰν τὴν ἀνάβασιν αὐτῆσ φιλοτεχνήσασ ἐποίησε δύνασθαι διὰ τριῶν ἢ τεττάρων ἀνθρώπων φυλάττεσθαι. διόπερ ὁ Κώκαλοσ ἐν ταύτῃ ποιήσασ τὰ βασίλεια καὶ τὰ χρήματα κατατιθέμενοσ ἀνάλωτον ἔσχεν αὐτὴν διὰ τῆσ ἐπινοίασ τοῦ τεχνίτου. τρίτον δὲ σπήλαιον κατὰ τὴν Σελινουντίαν χώραν κατεσκεύασεν, ἐν ᾧ τὴν ἀτμίδα τοῦ κατ’ αὐτὴν πυρὸσ οὕτωσ εὐστόχωσ ἐξέλαβεν ὥστε διὰ τὴν μαλακότητα τῆσ θερμασίασ ἐξιδροῦν λεληθότωσ καὶ κατὰ μικρὸν τοὺσ ἐνδιατρίβοντασ καὶ μετὰ τέρψεωσ θεραπεύειν τὰ σώματα μηδὲν παρενοχλουμένουσ ὑπὸ τῆσ θερμότητοσ.

κατὰ δὲ τὸν Ἔρυκα πέτρασ οὔσησ ἀποτομάδοσ εἰσ ὕψοσ ἐξαίσιον, καὶ τῆσ κατὰ τὸ ἱερὸν τῆσ Ἀφροδίτησ στενοχωρίασ ἀναγκαζούσησ ἐπὶ τὸ τῆσ πέτρασ ἀπόκρημνον ποιήσασθαι τὴν οἰκοδομίαν, κατεσκεύασεν ἐπ’ αὐτοῦ τοῦ κρημνοῦ τοῖχον, προβιβάσασ παραδόξωσ τὸ ὑπερκείμενον τοῦ κρημνοῦ.

χρυσοῦν τε κριὸν τῇ Ἀφροδίτῃ τῇ Ἐρυκίνῃ φασὶν αὐτὸν φιλοτεχνῆσαι περιττῶσ εἰργασμένον καὶ τῷ κατ’ ἀλήθειαν κριῷ ἀπαρεγχειρήτωσ ὡμοιωμένον.

ἄλλα τε πολλά φασιν αὐτὸν φιλοτεχνῆσαι κατὰ τὴν Σικελίαν, ἃ διὰ τὸ πλῆθοσ τοῦ χρόνου διέφθαρται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 78

(디오도로스 시켈로스, Bibliotheca Historica, book 4, chapter 78)

상위

목록

SEARCH

MENU NAVIGATION