헬라어 문장 검색 - Διοδορ́Βιβλιοτ́4́23́

(디오도로스 시켈로스, Bibliotheca Historica, book 4, chapter 22)

ὁ δ’ Ἡρακλῆσ ἐκ τοῦ Φλεγραίου πεδίου κατελθὼν ἐπὶ τὴν θάλατταν κατεσκεύασεν ἔργα περὶ τὴν Αὄρνον ὀνομαζομένην λίμνην, ἱερὰν δὲ Φερσεφόνησ νομιζομένην. κεῖται μὲν οὖν ἡ λίμνη μεταξὺ Μισηνοῦ καὶ Δικαιαρχείων, πλησίον τῶν θερμῶν ὑδάτων, ἔχει δὲ τὴν μὲν περίμετρον ὡσ πέντε σταδίων, τὸ δὲ βάθοσ ἄπιστον· ἔχουσα γὰρ ὕδωρ καθαρώτατον φαίνεται τῇ χρόᾳ κυανοῦν διὰ τὴν ὑπερβολὴν τοῦ βάθουσ. μυθολογοῦσι δὲ τὸ μὲν παλαιὸν γεγενῆσθαι νεκυομαντεῖον πρὸσ αὐτῇ, ὃ τοῖσ ὕστερον χρόνοισ καταλελύσθαι φασίν.

ἀναπεπταμένησ δὲ τῆσ λίμνησ εἰσ τὴν θάλατταν, τὸν Ἡρακλέα λέγεται τὸν μὲν ἔκρουν ἐγχῶσαι, τὴν δ’ ὁδὸν τὴν νῦν οὖσαν παρὰ θάλατταν κατασκευάσαι, τὴν ἀπ’ ἐκείνου καλουμένην Ἡρακλείαν. ταῦτα μὲν οὖν ἔπραξε περὶ ἐκείνουσ τοὺσ τόπουσ.

ἐντεῦθεν δ’ ἀναζεύξασ κατήντησε τῆσ Ποσειδωνιατῶν χώρασ πρόσ τινα πέτραν, πρὸσ ᾗ μυθολογοῦσιν ἴδιόν τι γενέσθαι καὶ παράδοξον. τῶν γὰρ ἐγχωρίων τινὰ κυνηγὸν ἐν τοῖσ κατὰ τὴν θήραν ἀνδραγαθήμασι διωνομασμένον ἐν μὲν τοῖσ ἔμπροσθεν χρόνοισ εἰωθέναι τῶν ληφθέντων θηρίων τὰσ κεφαλὰσ καὶ τοὺσ πόδασ ἀνατιθέναι τῇ Ἀρτέμιδι καὶ προσηλοῦν τοῖσ δένδρεσι, τότε δ’ οὖν ὑπερφυῆ κάπρον χειρωσάμενον καὶ τῆσ θεοῦ καταφρονήσαντα εἰπεῖν ὅτι τὴν κεφαλὴν τοῦ θηρίου ἑαυτῷ ἀνατίθησι, καὶ τοῖσ λόγοισ ἀκολούθωσ ἔκ τινοσ δένδρου κρεμάσαι ταύτην, αὐτὸν δέ, καυματώδουσ περιστάσεωσ οὔσησ, κατὰ μεσημβρίαν εἰσ ὕπνον τραπῆναι· καθ’ ὃν δὴ χρόνον τοῦ δεσμοῦ λυθέντοσ αὐτομάτωσ πεσεῖν τὴν κεφαλὴν ἐπὶ τὸν κοιμώμενον καὶ διαφθεῖραι. ἀλλὰ γὰρ οὐκ ἄν τισ θαυμάσειε τὸ γεγονόσ, ὅτι τῆσ θεᾶσ ταύτησ πολλαὶ περιστάσεισ μνημονεύονται περιέχουσαι τὴν κατὰ τῶν ἀσεβῶν τιμωρίαν.

τῷ δ’ Ἡρακλεῖ διὰ τὴν εὐσέβειαν τοὐναντίον συνέβη γενέσθαι. καταντήσαντοσ γὰρ αὐτοῦ πρὸσ τὰ μεθόρια τῆσ Ῥηγίνησ καὶ Λοκρίδοσ, καὶ διὰ τὸν ἐκ τῆσ ὁδοιπορίασ κόπον ἀναπαυομένου, φασὶν ὑπὸ τῶν τεττίγων αὐτὸν ἐνοχλούμενον εὔξασθαι τοῖσ θεοῖσ ἀφανεῖσ γενέσθαι τοὺσ ἐνοχλοῦντασ αὐτόν·

καὶ διὰ τοῦτο, τῶν θεῶν βεβαιωσάντων τὴν εὐχήν, μὴ μόνον κατὰ τὸ παρὸν ἀφανεῖσ γενέσθαι τούτουσ, ἀλλὰ καὶ κατὰ τὸν ὕστερον χρόνον ἅπαντα μηδένα τέττιγα φαίνεσθαι κατὰ τὴν χώραν. ὁ δ’ Ἡρακλῆσ καταντήσασ ἐπὶ τὸν πορθμὸν κατὰ τὸ στενώτατον τῆσ θαλάττησ τὰσ μὲν βοῦσ ἐπεραίωσεν εἰσ τὴν Σικελίαν, αὐτὸσ δὲ ταύρου κέρωσ λαβόμενοσ διενήξατο τὸν πόρον, ὄντοσ τοῦ διαστήματοσ σταδίων τριῶν καὶ δέκα, ὡσ Τίμαιόσ φησι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 22

(디오도로스 시켈로스, Bibliotheca Historica, book 4, chapter 22)

상위

목록

SEARCH

MENU NAVIGATION