헬라어 문장 검색 - Διοδορ́Βιβλιοτ́4́44́

(디오도로스 시켈로스, Bibliotheca Historica, book 4, chapter 43)

ἐπιγενομένου δὲ μεγάλου χειμῶνοσ, καὶ τῶν ἀριστέων ἀπογινωσκόντων τὴν σωτηρίαν, φασὶν Ὀρφέα, τῆσ τελετῆσ μόνον τῶν συμπλεόντων μετεσχηκότα, ποιήσασθαι τοῖσ Σαμόθρᾳξι τὰσ ὑπὲρ τῆσ σωτηρίασ εὐχάσ. εὐθὺσ δὲ τοῦ πνεύματοσ ἐνδόντοσ, καὶ δυοῖν ἀστέρων ἐπὶ τὰσ τῶν Διοσκόρων κεφαλὰσ ἐπιπεσόντων, ἅπαντασ μὲν ἐκπλαγῆναι τὸ παράδοξον, ὑπολαβεῖν δὲ θεῶν προνοίᾳ τῶν κινδύνων ἑαυτοὺσ ἀπηλλάχθαι.

διὸ καὶ τοῖσ ἐπιγινομένοισ παραδοσίμου γεγενημένησ τῆσ περιπετείασ, ἀεὶ τοὺσ χειμαζομένουσ τῶν πλεόντων εὐχὰσ μὲν τίθεσθαι τοῖσ Σαμόθρᾳξι, τὰσ δὲ τῶν ἀστέρων παρουσίασ ἀναπέμπειν εἰσ τὴν τῶν Διοσκόρων ἐπιφάνειαν. οὐ μὴν ἀλλὰ τότε λήξαντοσ τοῦ χειμῶνοσ ἀποβῆναι μὲν τοὺσ ἀριστεῖσ τῆσ Θρᾴκησ εἰσ τὴν ὑπὸ Φινέωσ βασιλευομένην χώραν, περιπεσεῖν δὲ δυσὶ νεανίσκοισ ἐπὶ τιμωρίᾳ διωρυγμένοισ καὶ μάστιξι πληγὰσ συνεχεῖσ λαμβάνουσι·

τούτουσ δ’ ὑπάρχειν Φινέωσ υἱοὺσ καὶ Κλεοπάτρασ, ἥν φασιν ἐξ Ὠρειθυίασ τῆσ Ἐρεχθέωσ γεννηθῆναι καὶ Βορέου, διὰ μητρυιᾶσ τόλμαν καὶ διαβολὰσ ψευδεῖσ τυγχάνοντασ ὑπὸ τοῦ πατρὸσ ἀδίκωσ τῆσ προειρημένησ τιμωρίασ· τὸν γὰρ Φινέα γεγαμηκότα Ἰδαίαν τὴν Δαρδάνου τοῦ Σκυθῶν βασιλέωσ θυγατέρα, καὶ διὰ τὸν πρὸσ αὐτὴν ἔρωτα πάντα χαριζόμενον, πιστεῦσαι διότι τῇ μητρυιᾷ βίαν ἐφ’ ὕβρει προσήγαγον οἱ πρόγονοι, βουλόμενοι τῇ μητρὶ χαρίζεσθαι.

τῶν δὲ περὶ τὸν Ἡρακλέα παραδόξωσ ἐπιφανέντων, φασὶ τοὺσ μὲν ἐν ταῖσ ἀνάγκαισ ὄντασ ἐπικαλέσασθαι καθάπερ θεοὺσ τοὺσ ἀριστεῖσ, καὶ τὰσ αἰτίασ δηλώσαντασ τῆσ τοῦ πατρὸσ παρανομίασ δεῖσθαι τῶν ἀτυχημάτων αὐτοὺσ ἐξελέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 43

(디오도로스 시켈로스, Bibliotheca Historica, book 4, chapter 43)

상위

목록

SEARCH

MENU NAVIGATION