헬라어 문장 검색 - Διοδορ́Βιβλιοτ́4́45́

(디오도로스 시켈로스, Bibliotheca Historica, book 4, chapter 44)

τὸν δὲ Φινέα πικρῶσ ἀπαντήσαντα τοῖσ ξένοισ παραγγεῖλαι μηδὲν τῶν καθ’ ἑαυτὸν πολυπραγμονεῖν· μηδένα γὰρ πατέρα λαβεῖν παρ’ υἱῶν ἑκουσίωσ τιμωρίαν, εἰ μὴ τῷ μεγέθει τῶν ἀδικημάτων ὑπέρθοιντο τὴν φυσικὴν τῶν γονέων εἰσ τέκνα φιλοστοργίαν. ἐνταῦθα συμπλέοντασ τοῖσ περὶ τὸν Ἡρακλέα τοὺσ ἐπικαλουμένουσ μὲν Βορεάδασ, ἀδελφοὺσ δ’ ὄντασ Κλεοπάτρασ, λέγεται διὰ τὴν συγγένειαν πρώτουσ ὁρμῆσαι πρὸσ τὴν βοήθειαν, καὶ τοὺσ μὲν περικειμένουσ τοῖσ νεανίσκοισ δεσμοὺσ περιρρῆξαι, τοὺσ δ’ ἐναντιουμένουσ τῶν βαρβάρων ἀποκτεῖναι.

ὁρμήσαντοσ δὲ τοῦ Φινέωσ πρὸσ μάχην, καὶ τοῦ πλήθουσ τῶν Θρᾳκῶν συνδραμόντοσ, φασὶ τὸν Ἡρακλέα πάντων ἄριστα διαγωνισάμενον αὐτόν τε τὸν Φινέα καὶ τῶν ἄλλων οὐκ ὀλίγουσ ἀνελεῖν, τὸ δὲ τελευταῖν, τὸ δὲ τελευταῖον κρατήσαντα τῶν βασιλείων τὴν μὲν Κλεοπάτραν τὴσ φυλακῆσ προαγαγεῖν, τοῖσ δε Φινείδαισ ἀποκαταστῆσαι τὴν πατρῴαν ἀρχήν·

βουλομένων δ’ αὐτῶν τὴν μητρυιὰν μετ’ αἰκίασ ἀποκτεῖναι, πεῖσαι τῆσ μὲν τιμωρίασ ταύτησ ἀποστῆναι, πρὸσ δὲ τὸν πατέρα πέμψαντασ εἰσ τὴν Σκυθίαν ἐκεῖνον παρακαλέσαι τῶν εἰσ αὐτοὺσ ἀνομημάτων λαβεῖν κόλασιν. οὗ γενηθέντοσ τὸν μὲν Σκύθην τῆσ θυγατρὸσ καταγνῶναι θάνατον, τοὺσ δ’ ἐκ τῆσ Κλεοπάτρασ υἱοὺσ ἀπενέγκασθαι παρὰ τοῖσ Θρᾳξὶ δόξαν ἐπιεικείασ.

οὐκ ἀγνοῶ δὲ διότι τινὲσ τῶν μυθογράφων τυφλωθῆναί φασι τοὺσ Φινείδασ ὑπὸ τοῦ πατρόσ, καὶ τὸν Φινέα τῆσ ὁμοίασ τυχεῖν συμφορᾶσ ὑπὸ Βορέου. ὁμοίωσ δὲ καὶ τὸν Ἡρακλέα τινὲσ παραδεδώκασι πρὸσ ὑδρείαν ἐξελθόντα κατὰ τὴν Ἀσίαν ὑπὸ τῶν Ἀργοναυτῶν ἐπὶ τῆσ χώρασ ἀπολειφθῆναι.

καθόλου δὲ τοὺσ παλαιοὺσ μύθουσ οὐχ ἁπλῆν οὐδὲ συμπεφωνημένην ἱστορίαν ἔχειν συμβέβηκε· διόπερ οὐ χρὴ θαυμάζειν, ἐάν τινα τῶν ἀρχαιολογουμένων μὴ συμφώνωσ ἅπασι τοῖσ ποιηταῖσ καὶ συγγραφεῦσι συγκρίνωμεν.

οὐ μὴν ἀλλὰ καὶ τοὺσ Φινείδασ λέγεται τὴν βασιλείαν παραδόντασ τῇ μητρὶ Κλεοπάτρᾳ συστρατεῦσαι τοῖσ ἀριστεῦσιν. ἀναχθέντασ δ’ αὐτοὺσ ἐκ τῆσ Θρᾴκησ καὶ κομισθέντασ εἰσ τὸν Πόντον προσχεῖν τῇ Ταυρικῇ, τὴν ἀγριότητα τῶν ἐγχωρίων ἀγνοοῦντασ·

νόμιμον γὰρ εἶναι τοῖσ τὴν χώραν ταύτην οἰκοῦσι βαρβάροισ θύειν Ἀρτέμιδι Ταυροπόλῳ τοὺσ καταπλέοντασ ξένουσ· παρ’ οἷσ φασι τὴν Ἰφιγένειαν ἐν τοῖσ ὕστερον χρόνοισ ἱέρειαν τῆσ εἰρημένησ θεοῦ κατασταθεῖσαν θύειν τοὺσ ἁλισκομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 44

(디오도로스 시켈로스, Bibliotheca Historica, book 4, chapter 44)

상위

목록

SEARCH

MENU NAVIGATION