헬라어 문장 검색 - Διοδορ́Βιβλιοτ́4́57́

(디오도로스 시켈로스, Bibliotheca Historica, book 4, chapter 56)

καθόλου δὲ διὰ τὴν τῶν τραγῳδῶν τερατείαν ποικίλη τισ καὶ διάφοροσ ἱστορία περὶ Μηδείασ ἐξενήνεκται, καί τινεσ χαρίζεσθαι βουλόμενοι τοῖσ Ἀθηναίοισ φασὶν αὐτὴν ἀναλαβοῦσαν τὸν ἐξ Αἰγέωσ Μῆδον εἰσ Κόλχουσ διασωθῆναι· κατὰ δὲ τοῦτον τὸν χρόνον Αἰήτην ἐκ τῆσ βασιλείασ ὑπὸ τἀδελφοῦ Πέρσου βιαίωσ ἐκπεπτωκότα τὴν ἀρχὴν ἀνακτήσασθαι, Μήδου τοῦ Μηδείασ ἀνελόντοσ τὸν Πέρσην· μετὰ δὲ ταῦτα δυνάμεωσ ἐγκρατῆ γενόμενον τὸν Μῆδον πολλὴν ἐπελθεῖν τῆσ ὑπὲρ τὸν Πόντον Ἀσίασ, καὶ κατασχεῖν τὴν ἀπ’ ἐκείνου Μηδίαν προσαγορευθεῖσαν. ἀλλὰ γὰρ τὸ πάσασ τὰσ ἀποφάσεισ τῶν περὶ τῆσ Μηδείασ μυθολογησάντων ἀναγράφειν οὐκ ἀναγκαῖον ἅμα καὶ μακρὸν εἶναι κρίνοντεσ τὰ καταλειπόμενα τῆσ περὶ τῶν Ἀργοναυτῶν ἱστορίασ προσθήσομεν.

οὐκ ὀλίγοι γὰρ τῶν τε ἀρχαίων συγγραφέων καὶ τῶν μεταγενεστέρων, ὧν ἐστι καὶ Τίμαιοσ, φασὶ τοὺσ Ἀργοναύτασ μετὰ τὴν τοῦ δέρουσ ἁρπαγὴν πυθομένουσ ὑπ’ Αἰήτου προκατειλῆφθαι ναυσὶ τὸ στόμα τοῦ Πόντου, πρᾶξιν ἐπιτελέσασθαι παράδοξον καὶ μνήμησ ἀξίαν.

ἀναπλεύσαντασ γὰρ αὐτοὺσ διὰ τοῦ Τανάιδοσ ποταμοῦ ἐπὶ τὰσ πηγάσ, καὶ κατὰ τόπον τινὰ τὴν ναῦν διελκύσαντασ, καθ’ ἑτέρου πάλιν ποταμοῦ τὴν ῥύσιν ἔχοντοσ εἰσ τὸν ὠκεανὸν καταπλεῦσαι πρὸσ τὴν θάλατταν, ἀπὸ δὲ τῶν ἄρκτων ἐπὶ τὴν δύσιν κομισθῆναι τὴν γῆν ἔχοντασ ἐξ εὐωνύμων, καὶ πλησίον γινομένουσ Γαδείρων εἰσ τὴν καθ’ ἡμᾶσ θάλατταν εἰσπλεῦσαι. ἀποδείξεισ δὲ τούτων φέρουσι, δεικνύντεσ τοὺσ παρὰ τὸν ὠκεανὸν κατοικοῦντασ Κελτοὺσ σεβομένουσ μάλιστα τῶν θεῶν τοὺσ Διοσκόρουσ·

παραδόσιμον γὰρ αὐτοὺσ ἔχειν ἐκ παλαιῶν χρόνων τὴν τούτων τῶν θεῶν παρουσίαν ἐκ τοῦ ὠκεανοῦ γεγενημένην. εἶναι δὲ καὶ τὴν παρὰ τὸν ὠκεανὸν χώραν οὐκ ὀλίγασ ἔχουσαν προσηγορίασ ἀπό τε τῶν Ἀργοναυτῶν καὶ τῶν Διοσκόρων. παραπλησίωσ δὲ καὶ τὴν ἐντὸσ Γαδείρων ἤπειρον ἔχειν ἐμφανῆ σημεῖα τῆσ τούτων ἀνακομιδῆσ.

περὶ μὲν γὰρ τὴν Τυρρηνίαν καταπλεύσαντασ αὐτοὺσ εἰσ νῆσον τὴν ὀνομαζομένην Αἰθάλειαν τὸν ἐν αὐτῇ λιμένα, κάλλιστον ὄντα τῶν ἐν ἐκείνοισ τοῖσ τόποισ, Ἀργῷον ἀπὸ τῆσ νεὼσ προσαγορεῦσαι, καὶ μέχρι τῶνδε τῶν χρόνων διαμένειν αὐτοῦ τὴν προσηγορίαν. παραπλησίωσ δὲ τοῖσ εἰρημένοισ κατὰ μὲν τὴν Τυρρηνίαν ἀπὸ σταδίων ὀκτακοσίων τῆσ Ῥώμησ ὀνομάσαι λιμένα Τελαμῶνα, κατὰ δὲ Φορμίασ τῆσ Ἰταλίασ Αἰήτην τὸν νῦν Καιήτην προσαγορευόμενον.

πρὸσ δὲ τούτοισ ὑπ’ ἀνέμων αὐτοὺσ ἐκριφέντασ εἰσ τὰσ Σύρτεισ, καὶ μαθόντασ παρὰ Τρίτωνοσ τοῦ τότε βασιλεύοντοσ τῆσ Λιβύησ τὴν ἰδιότητα τῆσ θαλάττησ, καὶ τὸν κίνδυνον ἐκφυγόντασ, δωρήσασθαι χαλκοῦν τρίποδα τὸν ἀρχαίοισ μὲν κεχαραγμένον γράμμασι, μέχρι δὲ τῶν νεωτέρων χρόνων διαμείναντα παρὰ τοῖσ Εὐεσπερίτασ. οὐ παραλειπτέον δ’ ἡμῖν ἀνεξέλεγκτον τὴν ἱστορίαν τῶν ἀποφηναμένων τοὺσ Ἀργοναύτασ ἀνὰ τὸν Ἴστρον πλεύσαντασ μέχρι τῶν πηγῶν κατενεχθῆναι διὰ τῆσ ἀντιπροσώπου ῥύσεωσ πρὸσ τὸν Ἀδριατικὸν κόλπον.

τούτουσ γὰρ ὁ χρόνοσ ἤλεγξεν ὑπολαβοντασ τὸν ἐν τῷ Πόντῳ πλείοσι στόμασιν ἐξερευγόμενον Ἴστρον καὶ τὸν εἰσ τὸν Ἀδρίαν ἐκβάλλοντα τὴν ῥύσιν ἔχειν ἀπὸ τῶν αὐτῶν τόπων.

Ῥωμαίων γὰρ καταπολεμησάντων τὸ τῶν Ἴστρων ἔθνοσ, εὑρέθη τὰσ πηγὰσ ἔχων ὁ ποταμὸσ ἀπὸ τετταράκοντα σταδίων τῆσ θαλάττησ. ἀλλὰ γὰρ τοῖσ συγγραφεῦσιν αἰτίαν τῆσ πλάνησ φασὶ γενέσθαι τὴν ὁμωνυμίαν τῶν ποταμῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 56

(디오도로스 시켈로스, Bibliotheca Historica, book 4, chapter 56)

상위

목록

SEARCH

MENU NAVIGATION