헬라어 문장 검색 - Διοδορ́Βιβλιοτ́4́63́

(디오도로스 시켈로스, Bibliotheca Historica, book 4, chapter 62)

Δευκαλίων ὁ πρεσβύτατοσ τῶν Μίνωοσ παίδων, δυναστεύων τῆσ Κρήτησ καὶ ποιησάμενοσ πρὸσ Ἀθηναίουσ συμμαχίαν, συνῴκισε τὴν ἰδίαν ἀδελφὴν Φαίδραν Θησεῖ. μετὰ δὲ τὸν γάμον Ἱππόλυτον μὲν τὸν ἐκ τῆσ Ἀμαζονίδοσ γενόμενον υἱὸν ἔπεμψεν εἰσ Τροιζῆνα τρέφεσθαι παρὰ τοῖσ Αἴθρασ ἀδελφοῖσ, ἐκ δὲ Φαίδρασ Ἀκάμαντα καὶ Δημοφῶντα ἐγέννησε. μικρὸν δ’ ὕστερον Ἱππολύτου ἐπανελθόντοσ εἰσ τὰσ Ἀθήνασ πρὸσ τὰ μυστήρια, Φαίδρα διὰ τὸ κάλλοσ ἐρασθεῖσα αὐτοῦ τότε μὲν ἀπελθόντοσ εἰσ Τροιζῆνα ἱδρύσατο ἱερὸν Ἀφροδίτησ παρὰ τὴν ἀκρόπολιν, ὅθεν ἦν καθορᾶν τὴν Τροιζῆνα, ὕστερον δὲ παρὰ τῷ Πιτθεῖ μετὰ τοῦ Θησέωσ καταλύσασα ἠξίου τὸν Ἱππόλυτον μιγῆναι αὐτῇ.

ἀντειπόντοσ δ’ ἐκείνου φασὶ τὴν Φαίδραν ἀγανακτῆσαι, καὶ ἐπανελθοῦσαν εἰσ τὰσ Ἀθήνασ εἰπεῖν τῷ Θησεῖ διότι ἐπεβάλετο Ἱππόλυτοσ αὐτῇ μιγῆναι. Θησέωσ δὲ διστάζοντοσ περὶ τῆσ διαβολῆσ, καὶ τὸν Ἱππόλυτον μεταπεμπομένου πρὸσ τὸν ἔλεγχον, Φαίδρα μὲν φοβηθεῖσα τὸν ἐξετασμὸν ἀνεκρέμασεν ἑαυτήν, Ἱππόλυτοσ δ’ ἁρματηλατῶν, ὡσ ἤκουσε τὰ περὶ τῆσ διαβολῆσ, συνεχύθη τὴν ψυχήν, καὶ διὰ τοῦτο τῶν ἵππων ταραχθέντων καὶ ἐπισπασαμένων αὐτὸν ταῖσ ἡνίαισ, συνέβη τὸν μὲν δίφρον συντριβῆναι, τὸ δὲ μειράκιον ἐμπλακὲν τοῖσ ἱμᾶσιν ἑλκυσθῆναι καὶ τελευτῆσαι.

Ἱππόλυτοσ μὲν οὖν διὰ σωφροσύνην τὸν βίον καταστρέψασ παρὰ Τροιζηνίοισ ἔτυχεν ἰσοθέων τιμῶν, Θησεὺσ δὲ μετὰ ταῦτα καταστασιασθεὶσ καὶ φυγὼν ἐκ τῆσ πατρίδοσ ἐπὶ τῆσ ξένησ ἐτελεύτησεν.

οἱ δ’ Ἀθηναῖοι μεταμεληθέντεσ τά τε ὀστᾶ μετήνεγκαν καὶ τιμαῖσ ἰσοθέοισ ἐτίμησαν αὐτόν, καὶ τέμενοσ ἄσυλον ἐποίησαν ἐν ταῖσ Ἀθήναισ τὸ προσαγορευόμενον ἀπ’ ἐκείνου Θησεῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 62

(디오도로스 시켈로스, Bibliotheca Historica, book 4, chapter 62)

상위

목록

SEARCH

MENU NAVIGATION