헬라어 문장 검색 - Διοδορ́Βιβλιοτ́4́19́

(디오도로스 시켈로스, Bibliotheca Historica, book 4, chapter 18)

μετὰ δὲ τὸν Ἀνταίου θάνατον παρελθὼν εἰσ Αἴγυπτον ἀνεῖλε Βούσιριν τὸν βασιλέα ξενοκτονοῦντα τοὺσ παρεπιδημοῦντασ. διεξιὼν δὲ τὴν ἄνυδρον τῆσ Λιβύησ, καὶ περιτυχὼν χώρᾳ καταρρύτῳ καὶ καρποφόρῳ, πόλιν ἔκτισε θαυμαστὴν τῷ μεγέθει, τὴν ὀνομαζομένην Ἑκατόμπυλον, ᾗ ἔθετο τὴν προσηγορίαν ἀπὸ τοῦ πλήθουσ τῶν κατ’ αὐτὴν πυλῶν. διαμεμένηκε δὲ ἡ ταύτησ τῆσ πόλεωσ εὐδαιμονία μέχρι τῶν νεωτέρων καιρῶν, ἐν οἷσ Καρχηδόνιοι δυνάμεσιν ἀξιολόγοισ καὶ στρατηγοῖσ ἀγαθοῖσ στρατεύσαντεσ ἐπ’ αὐτὴν κύριοι κατέστησαν. ὁ δ’ Ἡρακλῆσ πολλὴν τῆσ Λιβύησ ἐπελθὼν παρῆλθεν ἐπὶ τὸν πρὸσ Γαδείροισ ὠκεανόν, καὶ στήλασ ἔθετο καθ’ ἑκατέραν τῶν ἠπείρων.

συμπαραπλέοντοσ δὲ τοῦ στόλου διαβὰσ εἰσ τὴν Ἰβηρίαν, καὶ καταλαβὼν τοὺσ Χρυσάοροσ υἱοὺσ τρισὶ δυνάμεσι μεγάλαισ κατεστρατοπεδευκότασ ἐκ διαστήματοσ, πάντασ τοὺσ ἡγεμόνασ ἐκ προκλήσεωσ ἀνελὼν καὶ τὴν Ἰβηρίαν χειρωσάμενοσ ἀπήλασε τὰσ διωνομασμένασ τῶν βοῶν ἀγέλασ. διεξιὼν δὲ τὴν τῶν Ἰβήρων χώραν, καὶ τιμηθεὶσ ὑπό τινοσ τῶν ἐγχωρίων βασιλέωσ, ἀνδρὸσ εὐσεβείᾳ καὶ δικαιοσύνῃ διαφέροντοσ, κατέλιπε μέροσ τῶν βοῶν ἐν δωρεαῖσ τῷ βασιλεῖ.

ὁ δὲ λαβὼν ἁπάσασ καθιέρωσεν Ἡρακλεῖ, καὶ κατ’ ἐνιαυτὸν ἐκ τούτων ἔθυεν αὐτῷ τὸν καλλιστεύοντα τῶν ταύρων· τὰσ δὲ βοῦσ τηρουμένασ συνέβη ἱερὰσ διαμεῖναι κατὰ τὴν Ἰβηρίαν μέχρι τῶν καθ’ ἡμᾶσ καιρῶν. ἡμεῖσ δ’ ἐπεὶ περὶ τῶν Ἡρακλέουσ στηλῶν ἐμνήσθημεν, οἰκεῖον εἶναι νομίζομεν περὶ αὐτῶν διελθεῖν.

Ἡρακλῆσ γὰρ παραβαλὼν εἰσ τὰσ ἄκρασ τῶν ἠπείρων τὰσ παρὰ τὸν ὠκεανὸν κειμένασ τῆσ τε Λιβύησ καὶ τῆσ Εὐρώπησ ἔγνω τῆσ στρατείασ θέσθαι στήλασ ταύτασ. βουλόμενοσ δ’ ἀείμνηστον ἔργον ἐπ’ αὐτῷ συντελέσαι, φασὶ τὰσ ἄκρασ ἀμφοτέρασ ἐπὶ πολὺ προχῶσαι· διὸ καὶ πρότερον διεστηκυίασ ἀπ’ ἀλλήλων πολὺ διάστημα, συναγαγεῖν τὸν πόρον εἰσ στενόν, ὅπωσ ἁλιτενοῦσ καὶ στενοῦ γενομένου κωλύηται τὰ μεγάλα κήτη διεκπίπτειν ἐκ τοῦ ὠκεανοῦ πρὸσ τὴν ἐντὸσ θάλατταν, ἅμα δὲ καὶ διὰ τὸ μέγεθοσ τῶν ἔργων μένῃ ἀείμνηστοσ ἡ δόξα τοῦ κατασκευάσαντοσ·

ὡσ δέ τινέσ φασι, τοὐναντίον τῶν ἠπείρων ἀμφοτέρων συνεζευγμένων διασκάψαι ταύτασ, καὶ τὸν πόρον ἀνοίξαντα ποιῆσαι τὸν ὠκεανὸν μίσγεσθαι τῇ καθ’ ἡμᾶσ θαλάττῃ. ἀλλὰ περὶ μὲν τούτων ἐξέσται σκοπεῖν ὡσ ἂν ἕκαστοσ ἑαυτὸν πείθῃ. τὸ παραπλήσιον δὲ τούτοισ ἔπραξε πρότερον κατὰ τὴν Ἑλλάδα.

περὶ μὲν γὰρ τὰ καλούμενα Τέμπη τῆσ πεδιάδοσ χώρασ ἐπὶ πολὺν τόπον λιμναζούσησ διέσκαψε τὸν συνεχῆ τόπον, καὶ κατὰ τῆσ διώρυχοσ δεξάμενοσ ἅπαν τὸ κατὰ τὴν λίμνην ὕδωρ ἐποίησε τὰ πεδία φανῆναι τὰ κατὰ τὴν Θετταλίαν παρὰ τὸν Πηνειὸν ποταμόν· ἐν δὲ τῇ Βοιωτίᾳ τοὐναντίον ἐμφράξασ τὸ περὶ τὸν Μινύειον Ὀρχομενὸν ῥεῖθρον ἐποίησε λιμνάζειν·

τὴν χώραν καὶ φθαρῆναι τὰ κατ’ αὐτὴν ἅπαντα. ἀλλὰ τὰ μὲν κατὰ τὴν Θετταλίαν ἔπραξεν εὐεργετῶν τοὺσ Ἕλληνασ, τὰ δὲ κατὰ τὴν Βοιωτίαν τιμωρίαν λαμβάνων παρὰ τῶν τὴν Μινυάδα κατοικούντων διὰ τὴν τῶν Θηβαίων καταδούλωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 18

(디오도로스 시켈로스, Bibliotheca Historica, book 4, chapter 18)

상위

목록

SEARCH

MENU NAVIGATION