헬라어 문장 검색 - Διοδορ́Βιβλιοτ́4́09́

(디오도로스 시켈로스, Bibliotheca Historica, book 4, chapter 8)

οὐκ ἀγνοῶ δ’ ὅτι πολλὰ δύσχρηστα συμβαίνει τοῖσ ἱστοροῦσι τὰσ παλαιὰσ μυθολογίασ, καὶ μάλιστα τὰσ περὶ Ἡρακλέουσ. τῷ μὲν γὰρ μεγέθει τῶν κατεργασθέντων ὁμολογουμένωσ οὗτοσ παραδέδοται πάντασ τοὺσ ἐξ αἰῶνοσ ὑπερᾶραι τῇ μνήμῃ παραδοθέντασ· δυσέφικτον οὖν ἐστι τὸ κατὰ τὴν ἀξίαν ἕκαστον τῶν πραχθέντων ἀπαγγεῖλαι καὶ τὸν λόγον ἐξισῶσαι τοῖσ τηλικούτοισ ἔργοισ, οἷσ διὰ τὸ μέγεθοσ ἔπαθλον ἦν ἡ ἀθανασία. διὰ δὲ τὴν παλαιότητα καὶ τὸ παράδοξον τῶν ἱστορουμένων παρὰ πολλοῖσ ἀπιστουμένων τῶν μύθων, ἀναγκαῖον ἢ παραλιπόντασ τὰ μέγιστα τῶν πραχθέντων καθαιρεῖν τι τῆσ τοῦ θεοῦ δόξησ ἢ πάντα διεξιόντασ τὴν ἱστορίαν ποιεῖν ἀπιστουμένην.

ἔνιοι γὰρ τῶν ἀναγινωσκόντων οὐ δικαίᾳ χρώμενοι κρίσει τἀκριβὲσ ἐπιζητοῦσιν ἐν ταῖσ ἀρχαίαισ μυθολογίαισ ἐπ’ ἴσησ τοῖσ πραττομένοισ ἐν τοῖσ καθ’ ἡμᾶσ χρόνοισ, καὶ τὰ δισταζόμενα τῶν ἔργων διὰ τὸ μέγεθοσ ἐκ τοῦ καθ’ αὑτοὺσ βίου τεκμαιρόμενοι, τὴν Ἡρακλέουσ δύναμιν ἐκ τῆσ ἀσθενείασ τῶν νῦν ἀνθρώπων θεωροῦσιν, ὥστε διὰ τὴν ὑπερβολὴν τοῦ μεγέθουσ τῶν ἔργων ἀπιστεῖσθαι τὴν γραφήν.

καθόλου μὲν γὰρ ἐν ταῖσ μυθολογουμέναισ ἱστορίαισ οὐκ ἐκ παντὸσ τρόπου πικρῶσ τὴν ἀλήθειαν ἐξεταστέον.

καὶ γὰρ ἐν τοῖσ θεάτροισ, πεπεισμένοι μήτε Κενταύρουσ διφυεῖσ ἐξ ἑτερογενῶν σωμάτων ὑπάρξαι μήτε Γηρυόνην τρισώματον, ὅμωσ προσδεχόμεθα τὰσ τοιαύτασ μυθολογίασ, καὶ ταῖσ ἐπισημασίαισ συναύξομεν τὴν τοῦ θεοῦ τιμήν. καὶ γὰρ ἄτοπον Ἡρακλέα μὲν ἔτι κατ’ ἀνθρώπουσ ὄντα τοῖσ ἰδίοισ πόνοισ ἐξημερῶσαι τὴν οἰκουμένην, τοὺσ δ’ ἀνθρώπουσ ἐπιλαθομένουσ τῆσ κοινῆσ εὐεργεσίασ συκοφαντεῖν τὸν ἐπὶ τοῖσ καλλίστοισ ἔργοισ ἔπαινον, καὶ τοὺσ μὲν προγόνουσ διὰ τὴν ὑπερβολὴν τῆσ ἀρετῆσ ὁμολογουμένην αὐτῷ συγχωρῆσαι τὴν ἀθανασίαν, ἡμᾶσ δὲ πρὸσ τὸν θεὸν μηδὲ τὴν πατροπαράδοτον εὐσέβειαν διαφυλάττειν.

ἀλλὰ γὰρ τῶν τοιούτων λόγων ἀφέμενοι διέξιμεν αὐτοῦ τὰσ πράξεισ ἀπ’ ἀρχῆσ ἀκολούθωσ τοῖσ παλαιοτάτοισ τῶν ποιητῶν τε καὶ μυθολόγων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 8

(디오도로스 시켈로스, Bibliotheca Historica, book 4, chapter 8)

상위

목록

SEARCH

MENU NAVIGATION