헬라어 문장 검색 - Διοδορ́Βιβλιοτ́4́14́

(디오도로스 시켈로스, Bibliotheca Historica, book 4, chapter 13)

μετὰ δὲ ταῦτ’ ἔλαβε πρόσταγμα τὴν χρυσόκερων μὲν οὖσαν ἔλαφον, τάχει δὲ διαφέρουσαν, ἀγαγεῖν. τοῦτον δὲ τὸν ἆθλον συντελῶν τὴν ἐπίνοιαν ἔσχεν οὐκ ἀχρηστοτέραν τῆσ κατὰ τὸ σῶμα ῥώμησ. οἱ μὲν γάρ φασιν αὐτὴν ἄρκυσιν ἑλεῖν, οἱ δὲ διὰ τῆσ στιβείασ χειρώσασθαι καθεύδουσαν, τινὲσ δὲ συνεχεῖ διωγμῷ καταπονῆσαι· πλὴν ἄνευ βίασ καὶ κινδύνων διὰ τῆσ κατὰ τὴν ψυχὴν ἀγχινοίασ τὸν ἆθλον τοῦτον κατειργάσατο. ὁ δ’ Ἡρακλῆσ πρόσταγμα λαβὼν τὰσ ἐκ τῆσ Στυμφαλίδοσ λίμνησ ὄρνιθασ ἐξελάσαι, τέχνῃ καὶ ἐπινοίᾳ ῥᾳδίωσ συνετέλεσε τὸν ἆθλον.

ἐπεπόλασε γάρ, ὡσ ἐοίκεν, ὀρνίθων πλῆθοσ ἀμύθητον, καὶ τοὺσ ἐν τῇ πλησίον χώρᾳ καρποὺσ ἐλυμαίνετο. βίᾳ μὲν οὖν ἀδύνατον ἦν χειρώσασθαι τὰ ζῷα διὰ τὴν ὑπερβολὴν τοῦ πλήθουσ, φιλοτέχνου δ’ ἐπινοίασ ἡ πρᾶξισ προσεδεῖτο. διόπερ κατασκευάσασ χαλκῆν πλαταγήν, καὶ διὰ ταύτησ ἐξαίσιον κατασκευάζων ψόφον, ἐξεφόβει τὰ ζῷα, καὶ πέρασ τῇ συνεχείᾳ τοῦ κρότου ῥᾳδίωσ ἐκπολιορκήσασ καθαρὰν ἐποίησε τὴν λίμνην. τελέσασ δὲ καὶ τοῦτον τὸν ἆθλον ἔλαβε παρ’ Εὐρυσθέωσ πρόσταγμα τὴν αὐλὴν τὴν Αὐγέου καθᾶραι μηδενὸσ βοηθοῦντοσ·

αὕτη δ’ ἐκ πολλῶν χρόνων ἠθροισμένην κόπρον εἶχεν ἄπλατον, ἣν ὕβρεωσ ἕνεκεν Εὐρυσθεὺσ προσέταξε καθᾶραι. ὁ δ’ Ἡρακλῆσ τὸ μὲν τοῖσ ὤμοισ ἐξενεγκεῖν ταύτην ἀπεδοκίμασεν, ἐκκλίνων τὴν ἐκ τῆσ ὕβρεωσ αἰσχύνην· ἐπαγαγὼν δὲ τὸν Ἀλφειὸν καλούμενον ποταμὸν ἐπὶ τὴν αὐλήν, καὶ διὰ τοῦ ῥεύματοσ ἐκκαθάρασ αὐτήν, χωρὶσ ὕβρεωσ συνετέλεσε τὸν ἆθλον ἐν ἡμέρᾳ μιᾷ. διὸ καὶ θαυμάσαι τισ ἂν τὴν ἐπίνοιαν· τὸ γὰρ ὑπερήφανον τοῦ προστάγματοσ χωρὶσ αἰσχύνησ ἐπετέλεσεν, οὐδὲν ὑπομείνασ ἀνάξιον τῆσ ἀθανασίασ. μετὰ δὲ ταῦτα λαβὼν ἆθλον τὸν ἐκ Κρήτησ ταῦρον ἀγαγεῖν, οὗ Πασιφάην ἐρασθῆναί φασι, πλεύσασ εἰσ τὴν νῆσον, καὶ Μίνω τὸν βασιλέα συνεργὸν λαβών, ἤγαγεν αὐτὸν εἰσ Πελοπόννησον, τὸ τηλικοῦτον πέλαγοσ ἐπ’ αὐτῷ ναυστοληθείσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 4, chapter 13

(디오도로스 시켈로스, Bibliotheca Historica, book 4, chapter 13)

상위

목록

SEARCH

MENU NAVIGATION