헬라어 문장 검색 - Διοδορ́Βιβλιοτ́4́43́

(디오도로스 시켈로스, Bibliotheca Historica, book 4, chapter 42)

προκρίναντασ κατ’ ἀνδρείαν. ἔπειτ’ ἐκ τῆσ Ιὠλκοῦ τὸν ἔκπλουν ποιησαμένουσ, καὶ παραλλάξαντασ τόν τε Ἄθω καὶ Σαμοθρᾴκην, χειμῶνι περιπεσεῖν, καὶ προσενεχθῆναι τῆσ Τρῳάδοσ πρὸσ Σίγειον. ἐνταῦθα δ’ αὐτῶν τὴν ἀπόβασιν ποιησαμένων, εὑρεθῆναί φασι παρθένον δεδεμένην παρὰ τὸν αἰγιαλὸν διὰ τοιαύτασ αἰτίασ. λέγεται τὸν Ποσειδῶνα διὰ τὴν μυθολογουμένην τῶν Τρωικῶν τειχῶν κατασκευὴν μηνίσαντα Λαομέδοντι τῷ βασιλεῖ κῆτοσ ἀνεῖναι ἐκ τοῦ πελάγουσ πρὸσ τὴν χώραν·

ὑπὸ δὲ τούτου τούσ τε παρὰ τὸν αἰγιαλὸν διατρίβοντασ καὶ τοὺσ γεωργοῦντασ τὴν παραθαλάττιον παραδόξωσ συναρπάζεσθαι· πρὸσ δὲ τούτοισ λοιμὸν ἐμπεσεῖν εἰσ τὰ πλήθη καὶ καρπῶν παντελῆ φθοράν, ὥστε πάντασ ἐκπλήττεσθαι τὸ μέγεθοσ τῆσ περιστάσεωσ. διὸ καὶ συντρεχόντων τῶν ὄχλων εἰσ ἐκκλησίαν καὶ ζητούντων ἀπαλλαγὴν τῶν ἀτυχημάτων, λέγεται τὸν βασιλέα πέμψαι πρὸσ τὸν Ἀπόλλω τοὺσ ἐπερωτήσοντασ περὶ τῶν συμβεβηκότων.

ἐκπεσόντοσ οὖν χρησμοῦ μῆνιν ὑπάρχειν Ποσειδῶνοσ, καὶ τότε ταύτην λήξειν ὅταν οἱ Τρῶεσ τὸ λαχὸν τῶν τέκνων ἑκουσίωσ παραδῶσι βορὰν τῷ κήτει, φασὶν ἁπάντων εἰσ τὸν κλῆρον ἐμβαινόντων ἐπανελθεῖν εἰσ Ἡσιόνην τὴν τοῦ βασιλέωσ θυγατέρα· διόπερ τὸν Λαομέδοντα συναναγκασθέντα παραδοῦναι τὴν παρθένον καὶ δεσμοῖσ καταλαβόμενον ἀπολιπεῖν παρὰ τὸν αἰγιαλόν.

ἐνταῦθα δὲ τὸν μὲν Ἡρακλέα μετὰ τῶν Ἀργοναυτῶν τὴν ἀπόβασιν ποιησάμενον, καὶ μαθόντα παρὰ τῆσ κόρησ τὴν περιπέτειαν, ἀναρρῆξαι μὲν τοὺσ περὶ τὸ σῶμα δεσμούσ, ἀναβάντα δ’ εἰσ τὴν πόλιν ἐπαγγείλασθαι τῷ βασιλεῖ διαφθερεῖν τὸ κῆτοσ.

τοῦ δὲ Λαομέδοντοσ ἀποδεξαμένου τὸν λόγον καὶ δωρεὰν δώσειν ἐπαγγειλαμένου τὰσ ἀνικήτουσ ἵππουσ, φασὶ τὸ μὲν κῆτοσ ὑφ’ Ἡρακλέουσ ἀναιρεθῆναι, τῇ δ’ Ἡσιόνῃ δοθῆναι τὴν ἐξουσίαν εἴτε βούλοιτο μετὰ τοῦ σώσαντοσ ἀπελθεῖν εἴτε μετὰ τῶν γονέων καταμένειν ἐν τῇ πατρίδι.

τὴν μὲν οὖν κόρην ἑλέσθαι τὸν μετὰ τοῦ ξένου βίον, οὐ μόνον τὴν εὐεργεσίαν τῆσ συγγενείασ προκρίνασαν, ἀλλὰ καὶ φοβουμένην μὴ πάλιν φανέντοσ κήτουσ πρὸσ τὴν ὁμοίαν ὑπὸ τῶν πολιτῶν ἐκτεθῇ τιμωρίαν. τὸν δ’ Ἡρακλέα δώροισ καὶ τοῖσ προσήκουσι ξενίοισ λαμπρῶσ τιμηθέντα τὴν Ἡσιόνην καὶ τὰσ ἵππουσ παραθέσθαι τῷ Λαομέδοντι, συνταξάμενον μετὰ τὴν ἐκ Κόλχων ἐπάνοδον ἀπολήψεσθαι, αὐτὸν δ’ ἀναχθῆναι μετὰ τῶν Ἀργοναυτῶν κατὰ σπουδὴν ἐπὶ τὸν προκείμενον ἆθλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 42

(디오도로스 시켈로스, Bibliotheca Historica, book 4, chapter 42)

상위

목록

SEARCH

MENU NAVIGATION