헬라어 문장 검색 - Διοδορ́Βιβλιοτ́4́02́

(디오도로스 시켈로스, Bibliotheca Historica, book 4, chapter 1)

οὐκ ἀγνοῶ μὲν ὅτι τοῖσ τὰσ παλαιὰσ μυθολογίασ συνταττομένοισ συμβαίνει κατὰ τὴν γραφὴν ἐν πολλοῖσ ἐλαττοῦσθαι. ἡ μὲν γὰρ τῶν ἀναγραφομένων ἀρχαιότησ δυσεύρετοσ οὖσα πολλὴν ἀπορίαν παρέχεται τοῖσ γράφουσιν, ἡ δὲ τῶν χρόνων ἀπαγγελία τὸν ἀκριβέστατον ἔλεγχον οὐ προσδεχομένη καταφρονεῖν ποιεῖ τῆσ ἱστορίασ τοὺσ ἀναγινώσκοντασ· πρὸσ δὲ τούτοισ ἡ ποικιλία καὶ τὸ πλῆθοσ τῶν γενεαλογουμένων ἡρώων τε καὶ ἡμιθέων καὶ τῶν ἄλλων ἀνδρῶν δυσέφικτον ἔχει τὴν ἀπαγγελίαν· τὸ δὲ μέγιστον καὶ πάντων ἀτοπώτατον, ὅτι συμβαίνει τοὺσ ἀναγεγραφότασ τὰσ ἀρχαιοτάτασ πράξεισ τε καὶ μυθολογίασ ἀσυμφώνουσ εἶναι πρὸσ ἀλλήλουσ. διόπερ τῶν μεταγενεστέρων ἱστοριογράφων οἱ πρωτεύοντεσ τῇ δόξῃ τῆσ μὲν ἀρχαίασ μυθολογίασ ἀπέστησαν διὰ τὴν δυσχέρειαν, τὰσ δὲ νεωτέρασ πράξεισ ἀναγράφειν ἐπεχείρησαν.

Ἔφοροσ μὲν γὰρ ὁ Κυμαῖοσ, Ἰσοκράτουσ ὢν μαθητήσ, ὑποστησάμενοσ γράφειν τὰσ κοινὰσ πράξεισ, τὰσ μὲν παλαιὰσ μυθολογίασ ὑπερέβη, τὰ δ’ ἀπὸ τῆσ Ἡρακλειδῶν καθόδου πραχθέντα συνταξάμενοσ ταύτην ἀρχὴν ἐποιήσατο τῆσ ἱστορίασ.

ὁμοίωσ δὲ τούτῳ Καλλισθένησ καὶ Θεόπομποσ, κατὰ τὴν αὐτὴν ἡλικίαν γεγονότεσ, ἀπέστησαν τῶν παλαιῶν μύθων. ἡμεῖσ δὲ τὴν ἐναντίαν τούτοισ κρίσιν ἔχοντεσ, καὶ τὸν ἐκ τῆσ ἀναγραφῆσ πόνον ὑποστάντεσ, τὴν πᾶσαν ἐπιμέλειαν ἐποιησάμεθα τῆσ ἀρχαιολογίασ.

μέγισται γὰρ καὶ πλεῖσται συνετελέσθησαν πράξεισ ὑπὸ τῶν ἡρώων τε καὶ ἡμιθέων καὶ πολλῶν ἄλλων ἀνδρῶν ἀγαθῶν· ὧν διὰ τὰσ κοινὰσ εὐεργεσίασ οἱ μεταγενέστεροι τοὺσ μὲν ἰσοθέοισ, τοὺσ δ’ ἡρωικαῖσ θυσίαισ ἐτίμησαν, πάντασ δ’ ὁ τῆσ ἱστορίασ λόγοσ τοῖσ καθήκουσιν ἐπαίνοισ εἰσ τὸν αἰῶνα καθύμνησεν. ἐν μὲν οὖν ταῖσ πρὸ ταύτησ βίβλοισ τρισὶν ἀνεγράψαμεν τὰσ παρὰ τοῖσ ἄλλοισ ἔθνεσι μυθολογουμένασ πράξεισ καὶ τὰ περὶ θεῶν παρ’ αὐτοῖσ ἱστορούμενα, πρὸσ δὲ τούτοισ τὰσ τοποθεσίασ τῆσ παρ’ ἑκάστοισ χώρασ καὶ τὰ φυόμενα παρ’ αὐτοῖσ θηρία καὶ τἄλλα ζῷα καὶ καθόλου πάντα τὰ μνήμησ %5ἄξια καὶ παραδοξολογούμενα διεξιόντεσ, ἐν ταύτῃ δὲ τὰ παρὰ τοῖσ Ἕλλησιν ἱστορούμενα κατὰ τοὺσ ἀρχαίουσ χρόνουσ περὶ τῶν ἐπιφανεστάτων ἡρώων τε καὶ ἡμιθέων καὶ καθόλου τῶν κατὰ πόλεμον ἀξιόλογόν τι κατειργασμένων, ὁμοίωσ δὲ καὶ τῶν ἐν εἰρήνῃ τι χρήσιμον πρὸσ τὸν κοινὸν βίον εὑρόντων ἢ νομοθετησάντων.

ποιησόμεθα δὲ τὴν ἀρχὴν ἀπὸ Διονύσου διὰ τὸ καὶ παλαιὸν εἶναι σφόδρα τοῦτον καὶ μεγίστασ εὐεργεσίασ κατατεθεῖσθαι τῷ γένει τῶν ἀνθρώπων.

εἴρηται μὲν οὖν ἡμῖν ἐν ταῖσ προειρημέναισ βίβλοισ ὅτι τινὲσ τῶν βαρβάρων ἀντιποιοῦνται τῆσ γενέσεωσ τοῦ θεοῦ τούτου. Αἰγύπτιοι μὲν γὰρ τὸν παρ’ αὑτοῖσ θεὸν Ὄσιριν ὀνομαζόμενόν φασιν εἶναι τὸν παρ’ Ἕλλησι Διόνυσον καλούμενον. τοῦτον δὲ μυθολογοῦσιν ἐπελθεῖν ἅπασαν τὴν οἰκουμένην, εὑρετὴν γενόμενον τοῦ οἴνου, καὶ τὴν φυτείαν διδάξαι τῆσ ἀμπέλου τοὺσ ἀνθρώπουσ, καὶ διὰ ταύτην τὴν εὐεργεσίαν τυχεῖν συμφωνουμένησ ἀθανασίασ.

ὁμοίωσ δὲ τοὺσ Ἰνδοὺσ τὸν θεὸν τοῦτον παρ’ ἑαυτοῖσ ἀποφαίνεσθαι γεγονέναι, καὶ τὰ περὶ τὴν φυτείαν τῆσ ἀμπέλου φιλοτεχνήσαντα μεταδοῦναι τῆσ τοῦ οἴνου χρήσεωσ τοῖσ %5κατὰ τὴν οἰκουμένην ἀνθρώποισ. ἡμεῖσ δὲ τὰ κατὰ μέροσ περὶ τούτων εἰρηκότεσ νῦν τὰ παρὰ τοῖσ Ἕλλησι λεγόμενα περὶ τοῦ θεοῦ τούτου διέξιμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 1

(디오도로스 시켈로스, Bibliotheca Historica, book 4, chapter 1)

상위

목록

SEARCH

MENU NAVIGATION