헬라어 문장 검색 - Διοδορ́Βιβλιοτ́4́37́

(디오도로스 시켈로스, Bibliotheca Historica, book 4, chapter 36)

Ἡρακλῆσ δὲ τοῖσ Καλυδωνίοισ συστρατεύσασ ἐπὶ Θεσπρωτοὺσ πόλιν τε Ἐφύραν κατὰ κράτοσ εἷλε καὶ Φυλέα τὸν βασιλέα τῶν Θεσπρωτῶν ἀπέκτεινε. λαβὼν δὲ αἰχμάλωτον τὴν θυγατέρα τοῦ Φυλέωσ ἐπεμίγη ταύτῃ καὶ ἐτέκνωσε Τληπόλεμον. μετὰ δὲ τὸν Δηιανείρασ γάμον τρισὶν ὕστερον ἔτεσι δειπνῶν παρ’ Οἰνεῖ, διακονοῦντοσ Εὐρυνόμου τοῦ Ἀρχιτέλουσ υἱοῦ, παιδὸσ τὴν ἡλικίαν, ἁμαρτάνοντοσ δ’ ἐν τῷ διακονεῖν, πατάξασ κονδύλῳ, καὶ βαρυτέρασ τῆσ πληγῆσ γενομένησ, ἀπέκτεινεν ἀκουσίωσ τὸν παῖδα.

περιαλγὴσ δὲ γενόμενοσ ἐπὶ τῷ πάθει πάλιν ἐκ τῆσ Καλυδῶνοσ ἑκουσίωσ ἔφυγε μετὰ τῆσ γυναικὸσ Δηιανείρασ καὶ Ὕλλου τοῦ ἐκ ταύτησ, παιδὸσ ὄντοσ τὴν ἡλικίαν.

ἐπεὶ δὲ πορευόμενοσ ἦλθε πρὸσ τὸν Εὐηνὸν ποταμὸν, κατέλαβε Νέσσον τὸν Κένταυρον μισθοῦ διαβιβάζοντα τὸν ποταμόν. οὗτοσ δὲ πρώτην διαβιβάσασ τὴν Δηιάνειραν, καὶ διὰ τὸ κάλλοσ ἐρασθείσ, ἐπεχείρησε βιάσασθαι ταύτην.

ἐπιβοωμένησ δ’ αὐτῆσ τὸν ἄνδρα, ὁ μὲν Ἡρακλῆσ ἐτόξευσε τὸν Κένταυρον, ὁ δὲ Νέσσοσ μεταξὺ μισγόμενοσ, καὶ διὰ τὴν ὀξύτητα τῆσ πληγῆσ εὐθὺσ ἀποθνήσκων, ἔφησε τῇ Δηιανείρᾳ δώσειν φίλτρον, ὅπωσ μηδεμιᾷ τῶν ἄλλων γυναικῶν Ἡρακλῆσ θελήσῃ πλησιάσαι. παρεκελεύσατο οὖν λαβοῦσαν τὸν ἐξ αὑτοῦ πεσόντα γόνον, καὶ τούτῳ προσμίξασαν ἔλαιον καὶ τὸ ἀπὸ τῆσ ἀκίδοσ ἀποστάζον αἷμα, χρῖσαι τὸν χιτῶνα τοῦ Ἡρακλέουσ.

οὗτοσ μὲν οὖν ταύτην τὴν ὑποθήκην δοὺσ τῇ Δηιανείρᾳ παραχρῆμα ἐξέπνευσεν. ἡ δὲ κατὰ τὴν γενομένην ὑπὸ τοῦ Νέσσου παραγγελίαν εἰσ ἄγγοσ ἀναλαβοῦσα τὸν γόνον, καὶ τὴν ἀκίδα βάψασα, λάθρᾳ τοῦ Ἡρακλέουσ ἐφύλαττεν. ὁ δὲ διαβὰσ τὸν ποταμὸν κατήντησε πρὸσ Κήυκα τὸν τῆσ Τραχῖνοσ βασιλέα, καὶ μετὰ τούτου κατῴκησεν, ἔχων τοὺσ ἀεὶ συστρατεύοντασ τῶν Ἀρκάδων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 36

(디오도로스 시켈로스, Bibliotheca Historica, book 4, chapter 36)

상위

목록

SEARCH

MENU NAVIGATION