헬라어 문장 검색 - Διοδορ́Βιβλιοτ́4́75́

(디오도로스 시켈로스, Bibliotheca Historica, book 4, chapter 74)

ἐπεὶ δὲ Πέλοποσ ἐμνήσθημεν, ἀναγκαῖόν ἐστι καὶ περὶ τοῦ πατρὸσ αὐτοῦ Ταντάλου διελθεῖν, ἵνα μηδὲν τῶν ἀκοῆσ ἀξίων παραλίπωμεν. Τάνταλοσ Διὸσ μὲν ἦν υἱόσ, πλούτῳ δὲ καὶ δόξῃ διαφέρων κατῴκει τῆσ Ἀσίασ περὶ τὴν νῦν ὀνομαζομένην Παφλαγονίαν. διὰ δὲ τὴν ἀπὸ τοῦ πατρὸσ Διὸσ εὐγένειαν, ὥσ φασι, φίλοσ ἐγένετο τῶν θεῶν ἐπὶ πλέον. ὕστερον δὲ τὴν εὐτυχίαν οὐ φέρων ἀνθρωπίνωσ, καὶ μετασχὼν κοινῆσ τραπέζησ καὶ πάσησ παρρησίασ, ἀπήγγελλε τοῖσ ἀνθρώποισ τὰ παρὰ τοῖσ ἀθανάτοισ ἀπόρρητα.

δι’ ἣν αἰτίαν καὶ ζῶν ἐκολάσθη καὶ τελευτήσασ αἰωνίου κατὰ τοὺσ μύθουσ τιμωρίασ ἠξιώθη, καταταχθεὶσ εἰσ τοὺσ ἀσεβεῖσ. τούτου δ’ ἐγένετο Πέλοψ υἱὸσ καὶ Νιόβη θυγάτηρ·

αὕτη δ’ ἐγέννησεν υἱοὺσ ἑπτὰ καὶ θυγατέρασ τὰσ ἴσασ . ἐπὶ δὲ τῷ πλήθει τῶν τέκνων μέγα φρυαττομένη πλεονάκισ ἐκαυχᾶτο καὶ τῆσ Λητοῦσ ἑαυτὴν εὐτεκνοτέραν ἀπεφαίνετο. εἶθ’ ἡ μὲν Λητὼ κατὰ τοὺσ μύθουσ χολωσαμένη προσέταξε τῷ μὲν Ἀπόλλωνι κατατοξεῦσαι τοὺσ υἱοὺσ τῆσ Νιόβησ, τῇ δ’ Ἀρτέμιδι τὰσ θυγατέρασ. τούτων δ’ ὑπακουσάντων τῇ μητρὶ καὶ κατὰ τὸν αὐτὸν καιρὸν κατατοξευσάντων τὰ τέκνα τῆσ Νιόβησ, συνέβη τὴν προειρημένην ὑφ’ ἕνα καιρὸν ὀξέωσ ἅμα εὔτεκνον καὶ ἄτεκνον γενέσθαι. ἐπεὶ δὲ ὁ Τάνταλοσ μισηθεὶσ ὑπὸ τῶν θεῶν ἐξέπεσεν ἐκ τῆσ Παφλαγονίασ ὑπὸ Ἴλου τοῦ Τρωόσ, ἀναγκαῖόν ἐστι καὶ τὰ περὶ τὸν Ἶλον καὶ τοὺσ προγόνουσ αὐτοῦ διελθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 74

(디오도로스 시켈로스, Bibliotheca Historica, book 4, chapter 74)

상위

목록

SEARCH

MENU NAVIGATION