헬라어 문장 검색 - Διοδορ́Βιβλιοτ́4́48́

(디오도로스 시켈로스, Bibliotheca Historica, book 4, chapter 47)

Φρίξον τὸν Ἀθάμαντοσ μυθολογοῦσι διὰ τὰσ ἀπὸ τῆσ μητρυιᾶσ ἐπιβουλὰσ ἀναλαβόντα τὴν ἀδελφὴν Ἕλλην φυγεῖν ἐκ τῆσ Ἑλλάδοσ. περαιουμένων δ’ αὐτῶν κατά τινα θεῶν πρόνοιαν ἐκ τῆσ Εὐρώπησ εἰσ τὴν Ἀσίαν ἐπὶ κριοῦ χρυσομάλλου, τὴν μὲν παρθένον ἀποπεσεῖν εἰσ τὴν θάλατταν, ἣν ἀπ’ ἐκείνησ Ἑλλήσποντον ὀνομασθῆναι, τὸν δὲ Φρίξον εἰσ τὸν Πόντον πορευθέντα καταχθῆναι μὲν πρὸσ τὴν Κολχίδα, κατὰ δέ τι λόγιον θύσαντα τὸν κριὸν ἀναθεῖναι τὸ δέροσ εἰσ τὸ τοῦ Ἄρεοσ ἱερόν. μετὰ δὲ ταῦτα βασιλεύοντοσ τῆσ Κολχίδοσ Αἰήτου χρησμὸν ἐκπεσεῖν ὅτι τότε καταστρέψει τὸν βίον ὅταν ξένοι καταπλεύσαντεσ τὸ χρυσόμαλλον δέροσ ἀπενέγκωσι.

διὰ δὴ ταύτασ τὰσ αἰτίασ καὶ τὴν ἰδίαν ὠμότητα καταδεῖξαι θύειν τοὺσ ξένουσ, ἵνα διαδοθείσησ τῆσ φήμησ εἰσ ἅπαντα τόπον περὶ τῆσ Κόλχων ἀγριότητοσ μηδεὶσ τῶν ξένων ἐπιβῆναι τολμήσῃ τῆσ χώρασ. περιβαλεῖν δὲ καὶ τῷ τεμένει τεῖχοσ καὶ φύλακασ πολλοὺσ ἐπιστῆσαι τῶν ἐκ τῆσ Ταυρικῆσ· ἀφ’ ὧν καὶ τερατώδεισ παρὰ τοῖσ Ἕλλησι πλασθῆναι μύθουσ. διαβεβοῆσθαι γὰρ ὅτι πυρίπνοοι ταῦροι περὶ τὸ τέμενοσ ὑπῆρχον, δράκων δ’ ἀύπνοσ ἐτήρει τὸ δέροσ, ἀπὸ μὲν τῶν Ταύρων μετενεχθείσησ τῆσ ὁμωνυμίασ ἐπὶ τὴν τῶν βοῶν ἰσχύν, ἀπὸ δὲ τῆσ κατὰ τὴν ξενοκτονίαν ὠμότητοσ πυρπνεῖν τοὺσ ταύρουσ μυθολογηθέντοσ·

παραπλησίωσ δὲ τοῦ τηροῦντοσ τὸ τέμενοσ Δράκοντοσ ὀνομαζομένου, μετενηνοχέναι τοὺσ ποιητὰσ ἐπὶ τὸ τερατῶδεσ καὶ καταπληκτικὸν τοῦ ζῴου. τῆσ ὁμοίασ δὲ μυθολογίασ ἔχεσθαι καὶ τὰ περὶ τοῦ Φρίξου λεγόμενα.

διαπλεῦσαι γὰρ αὐτόν φασιν οἱ μὲν ἐπὶ νεὼσ προτομὴν ἐπὶ τῆσ πρῴρασ ἐχούσησ κριοῦ, καὶ τὴν Ἕλλην δυσφοροῦσαν ἐπὶ τῇ ναυτίᾳ, καὶ διὰ τοῦτ’ ἐπὶ τοῦ τοίχου τῆσ νεὼσ ἐκκύπτουσαν, εἰσ τὴν θάλατταν προπεσεῖν. ἔνιοι δέ φασι τὸν βασιλέα τῶν Σκυθῶν, ὄντα γαμβρὸν Αἰήτου, παρὰ τοῖσ Κόλχοισ ἐπιδημῆσαι καθ’ ὃν καιρὸν ἁλῶναι συνέβη τὸν Φρίξον μετὰ τοῦ παιδαγωγοῦ, ἐρωτικῶσ δὲ σχόντα τοῦ παιδὸσ λαβεῖν αὐτὸν ἐν δωρεᾷ παρ’ Αἰήτου, καὶ καθάπερ υἱὸν γνήσιον ἀγαπήσαντα καταλιπεῖν αὐτῷ τὴν βασιλείαν.

τὸν δὲ παιδαγωγὸν ὀνομαζόμενον Κριὸν τυθῆναι τοῖσ θεοῖσ, καὶ τοῦ σώματοσ ἐκδαρέντοσ προσηλωθῆναι τῷ νεῷ τὸ δέρμα κατά τι νόμιμον. μετὰ δὲ ταῦτα Αἰήτῃ γενομένου χρησμοῦ, καθ’ ὃν ἐσημαίνετο τότε τελευτήσειν αὐτὸν ὅταν ξένοι καταπλεύσαντεσ τὸ τοῦ Κριοῦ δέροσ ἀπενέγκωσι, τὸν βασιλέα φασὶ τειχίσαι τὸ τέμενοσ καὶ φρουρὰν ἐγκαταστῆσαι, πρὸσ δὲ τούτοισ χρυσῶσαι τὸ δέροσ, ἵνα διὰ τὴν ἐπιφάνειαν ὐπὸ τῶν στρατιωτῶν ἐπιμελεστάτησ ἀξιωθῇ φυλακῆσ.

ταῦτα μὲν οὖν ἐξέσται τοὺσ ἀναγινώσκοντασ κρίνειν πρὸσ τὰσ ἰδίασ ἑκάστου προαιρέσεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 47

(디오도로스 시켈로스, Bibliotheca Historica, book 4, chapter 47)

상위

목록

SEARCH

MENU NAVIGATION