헬라어 문장 검색 - Διοδορ́Βιβλιοτ́4́49́

(디오도로스 시켈로스, Bibliotheca Historica, book 4, chapter 48)

τὴν δὲ Μήδειαν ἱστοροῦσι καθηγήσασθαι τοῖσ Ἀργοναύταισ πρὸσ τὸ τοῦ Ἄρεοσ τέμενοσ, ἀπέχον ἑβδομήκοντα σταδίουσ ἀπὸ τῆσ πόλεωσ, ἣν καλεῖσθαι μὲν Σύβαριν, ἔχειν δὲ τὰ βασίλεια τῶν Κόλχων. προσελθοῦσαν δὲ ταῖσ πύλαισ κεκλειμέναισ νυκτὸσ τῇ Ταυρικῇ διαλέκτῳ προσφωνῆσαι τοὺσ φρουρούσ. τῶν δὲ στρατιωτῶν ἀνοιξάντων προθύμωσ ὡσ ἂν βασιλέωσ θυγατρί, φασὶ τοὺσ Ἀργοναύτασ εἰσπεσόντασ ἐσπασμένοισ τοῖσ ξίφεσι πολλοὺσ μὲν φονεῦσαι τῶν βαρβάρων, τοὺσ δ’ ἄλλουσ διὰ τὸ παράδοξον καταπληξαμένουσ ἐκβαλεῖν ἐκ τοῦ τεμένουσ, καὶ τὸ δέροσ ἀναλαβόντασ πρὸσ τὴν ναῦν ἐπείγεσθαι κατὰ σπουδήν.

παραπλησίωσ δὲ τούτοισ καὶ τὴν Μήδειαν ἐν τῷ τεμένει τὸν μυθολογούμενον ἀύπνον δράκοντα περιεσπειραμένον τὸ δέροσ τοῖσ φαρμάκοισ ἀποκτεῖναι, καὶ μετὰ Ιἄσονοσ τὴν ἐπὶ θάλατταν κατάβασιν ποιήσασθαι.

τῶν δὲ διαφυγόντων Ταύρων ἀπαγγειλάντων τῷ βασιλεῖ τὴν γενομένην ἐπίθεσιν, φασὶ τὸν Αἰήτην μετὰ τῶν περὶ αὐτὸν στρατιωτῶν διώξαντα τοὺσ Ἕλληνασ καταλαβεῖν πλησίον τῆσ θαλάττησ·

ἐξ ἐφόδου δὲ συνάψαντα μάχην ἀνελεῖν ἕνα τῶν Ἀργοναυτῶν Ἴφιτον τὸν Εὐρυσθέωσ ἀδελφὸν τοῦ τοὺσ ἄθλουσ Ἡρακλεῖ προστάξαντοσ, ἔπειτα τοῖσ ἄλλοισ τῷ πλήθει τῶν συναγωνιζομένων περιχυθέντα καὶ βιαιότερον ἐγκείμενον ὑπὸ Μελεάγρου φονευθῆναι. ἔνθα δὴ πεσόντοσ τοῦ βασιλέωσ καὶ τῶν Ἑλλήνων ἐπαρθέντῶν, τραπῆναι πρὸσ φυγὴν τοὺσ Κόλχουσ, καὶ κατὰ τὸν διωγμὸν τοὺσ πλείστουσ αὐτῶν ἀναιρεθῆναι.

γενέσθαι δὲ καὶ τῶν ἀριστέων τραυματίαν Ιἄσονα καὶ Λαέρτην, ἔτι δ’ Ἀταλάντην καὶ τοὺσ Θεσπιάδασ προσαγορευομένουσ. τούτουσ μὲν οὖν φασιν ὑπὸ τῆσ Μηδείασ ἐν ὀλίγαισ ἡμέραισ ῥίζαισ καὶ βοτάναισ τισὶ θεραπευθῆναι, τοὺσ δ’ Ἀργοναύτασ ἐπισιτισαμένουσ ἐκπλεῦσαι, καὶ μέσον ἤδη τὸ Ποντικὸν πέλαγοσ ἔχοντασ περιπεσεῖν χειμῶνι παντελῶσ ἐπικινδύνῳ. τοῦ δ’ Ὀρφέωσ, καθάπερ καὶ πρότερον, εὐχὰσ ποιησαμένου τοῖσ Σαμόθρᾳξι, λῆξαι μὲν τοὺσ ἀνέμουσ, φανῆναι δὲ πλησίον τῆσ νεὼσ τὸν προσαγορευόμενον θαλάττιον Γλαῦκον.

τοῦτον δ’ ἐπὶ δύο νύκτασ καὶ δύο ἡμέρασ συνεχῶσ τῇ νηὶ συμπλεύσαντα προειπεῖν μὲν Ἡρακλεῖ περὶ τῶν ἄθλων καὶ τῆσ ἀθανασίασ, τοῖσ δὲ Τυνδαρίδαισ, ὅτι προσαγορευθήσονται μὲν Διόσκοροι, τιμῆσ δ’ ἰσοθέου τεύξονται παρὰ πᾶσιν ἀνθρώποισ. καθόλου δ’ ἐξ ὀνόματοσ προσφωνήσαντα πάντασ τοὺσ Ἀργοναύτασ εἰπεῖν ὡσ διὰ τὰσ Ὀρφέωσ εὐχὰσ θεῶν προνοίᾳ φανεὶσ αὐτοῖσ σημαίνει τὰ μέλλοντα γενήσεσθαι·

συμβουλεύειν οὖν αὐτοῖσ, ὅταν τῆσ γῆσ ἅψωνται, τὰσ εὐχὰσ ἀποδοῦναι τοῖσ θεοῖσ, δι’ οὓσ τετεύχασι δὶσ ἤδη τῆσ σωτηρίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 48

(디오도로스 시켈로스, Bibliotheca Historica, book 4, chapter 48)

상위

목록

SEARCH

MENU NAVIGATION