헬라어 문장 검색 - Διοδορ́Βιβλιοτ́4́27́

(디오도로스 시켈로스, Bibliotheca Historica, book 4, chapter 26)

οὗτοσ γὰρ κατὰ τοὺσ παραδεδομένουσ μύθουσ καταβὰσ εἰσ τοὺσ καθ’ ᾅδου τόπουσ, καὶ προσδεχθεὶσ ὑπὸ τῆσ Φερσεφόνησ ὡσ ἂν ἀδελφόσ, Θησέα μὲν ἀνήγαγεν ἐκ δεσμῶν μετὰ Πειρίθου, χαρισαμένησ τῆσ Κόρησ, τὸν δὲ κύνα παραλαβὼν δεδεμένον παραδόξωσ ἀπήγαγε καὶ φανερὸν κατέστησεν ἀνθρώποισ. τελευταῖον δ’ ἆθλον λαβὼν ἐνεγκεῖν τὰ τῶν Ἑσπερίδων χρυσᾶ μῆλα, πάλιν ἔπλευσεν εἰσ τὴν Λιβύην.

περὶ δὲ τῶν μήλων τούτων διαπεφωνήκασιν οἱ μυθογράφοι, καὶ τινὲσ μέν φασιν ἔν τισι κήποισ τῶν Ἑσπερίδων ὑπάρξαι κατὰ τὴν Λιβύην μῆλα χρυσᾶ, τηρούμενα συνεχῶσ ὑπό τινοσ δράκοντοσ φοβερωτάτου, τινὲσ δὲ λέγουσι ποίμνασ προβάτων κάλλει διαφερούσασ κεκτῆσθαι τὰσ Ἑσπερίδασ, χρυσᾶ δὲ μῆλα ἀπὸ τοῦ κάλλουσ ὠνομάσθαι ποιητικῶσ, ὥσπερ καὶ τὴν Ἀφροδίτην χρυσῆν καλεῖσθαι διὰ τὴν εὐπρέπειαν. ἔνιοι δὲ λέγουσιν ὅτι τὰ πρόβατα τὴν χρόαν ἰδιάζουσαν ἔχοντα καὶ παρόμοιον χρυσῷ τετευχέναι ταύτησ τῆσ προσηγορίασ, Δράκοντα δὲ τῶν ποιμνῶν ἐπιμελητὴν καθεσταμένον, καὶ ῥώμῃ σώματοσ καὶ ἀλκῇ διαφέροντα, τηρεῖν τὰ πρόβατα καὶ τοὺσ λῃστεύειν αὐτὰ τολμῶντασ ἀποκτείνειν.

ἀλλὰ περὶ μὲν τούτων ἐξέσται διαλαμβάνειν ὡσ ἂν ἕκαστοσ ἑαυτὸν πείθῃ. ὁ δ’ Ἡρακλῆσ τὸν φύλακα τῶν μήλων ἀνελών, καὶ ταῦτα ἀποκομίσασ πρὸσ Εὐρυσθέα, καὶ τοὺσ ἄθλουσ ἀποτετελεκώσ, προσεδέχετο τῆσ ἀθανασίασ τεύξεσθαι, καθάπερ ὁ Ἀπόλλων ἔχρησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 26

(디오도로스 시켈로스, Bibliotheca Historica, book 4, chapter 26)

상위

목록

SEARCH

MENU NAVIGATION