헬라어 문장 검색 - Διοδορ́Βιβλιοτ́4́21́

(디오도로스 시켈로스, Bibliotheca Historica, book 4, chapter 20)

οἱ δὲ ταύτην τὴν χώραν οἰκοῦντεσ Λίγυεσ νέμονται γῆν τραχεῖαν καὶ παντελῶσ λυπράν· τῶν δ’ ἐγχωρίων ταῖσ ἐργασίαισ καὶ ταῖσ τῆσ κακοπαθειασ ὑπερβολαῖσ φέρει καρποὺσ πρὸσ βίαν ὀλίγουσ. διὸ καὶ τοῖσ ὄγκοισ εἰσὶ συνεσταλμένοι καὶ διὰ τὴν συνεχῆ γυμνασίαν εὔτονοι· τῆσ γὰρ κατὰ τὴν τρυφὴν ῥᾳστώνησ πολὺ κεχωρισμένοι ἐλαφροὶ μὲν ταῖσ εὐκινησίαισ εἰσίν, ἐν δὲ τοῖσ πολεμικοῖσ ἀγῶσι ταῖσ ἀλκαῖσ διάφοροι. καθόλου δὲ τῶν πλησιοχώρων τὸ πονεῖν συνεχῶσ ἠσκηκότων, καὶ τῆσ χώρασ πολλῆσ ἐργασίασ προσδεομένησ, εἰθίκασι τὰσ γυναῖκασ τῶν κακοπαθειῶν τῶν ἐν ταῖσ ἐργασίαισ κοινωνοὺσ ποιεῖσθαι.

μισθοῦ δὲ παρ’ ἀλλήλοισ ἐργαζομένων τῶν τε ἀνδρῶν καὶ τῶν γυναικῶν, ἴδιόν τι καὶ παράδοξον καθ’ ἡμᾶσ συνέβη περὶ μίαν γυναῖκα γενέσθαι. ἔγκυοσ γὰρ οὖσα καὶ μετὰ τῶν ἀνδρῶν ἐργαζομένη μισθοῦ, μεταξὺ συνεχομένη ταῖσ ὠδῖσιν ἀπῆλθεν εἴσ τινασ θάμνουσ ἀθορύβωσ·

ἐν οἷσ τεκοῦσα, καὶ τὸ παιδίον φύλλοισ ἐνειλήσασα, τοῦτο μὲν ἀπέκρυψεν, αὐτὴ δὲ συμμίξασα τοῖσ ἐργαζομένοισ τὴν αὐτὴν ἐκείνοισ ὑπέμεινε κακοπάθειαν, οὐδὲν δηλώσασα περὶ τοῦ συμβεβηκότοσ. τοῦ βρέφουσ δὲ κλαυθμυριζομένου, καὶ τῆσ πράξεωσ φανερᾶσ γενομένησ, ὁ μὲν ἐφεστηκὼσ οὐδαμῶσ ἠδύνατο πεῖσαι παύσασθαι τῶν ἔργων· ἡ δ’ οὐ πρότερον ἀπέστη τῆσ κακοπαθείασ, ἑώσ ὁ μισθωσάμενοσ ἐλεήσασ καὶ τὸν μισθὸν ἀποδοὺσ ἀπέλυσε τῶν ἔργων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 20

(디오도로스 시켈로스, Bibliotheca Historica, book 4, chapter 20)

상위

목록

SEARCH

MENU NAVIGATION