헬라어 문장 검색 - Διοδορ́Βιβλιοτ́4́33́

(디오도로스 시켈로스, Bibliotheca Historica, book 4, chapter 32)

μετὰ δὲ ταῦτα ἐπανελθὼν εἰσ Πελοπόννησον ἐστράτευσεν εἰσ Ἴλιον, ἐγκαλῶν Λαομέδοντι τῷ βασιλεῖ. οὗτοσ γὰρ Ἡρακλέουσ στρατεύοντοσ μετὰ Ιἄσονοσ ἐπὶ τὸ χρυσόμαλλον δέροσ, καὶ τὸ κῆτοσ ἀνελόντοσ, ἀπεστέρησε τῶν ὡμολογημένων ἵππων, περὶ ὧν ἐν τοῖσ Ἀργοναύτοισ τὰ κατὰ μέροσ μικρὸν ὕστερον διέξιμεν. καὶ τότε μὲν διὰ τὴν μετ’ Ιἄσονοσ στρατείαν ἀσχοληθείσ, ὕστερον δὲ λαβὼν καιρὸν ἐπὶ τὴν Τροίαν ἐστράτευσεν, ὡσ μέν τινέσ φασι, ναυσὶ μακραῖσ ὀκτωκαίδεκα, ὡσ δὲ Ὅμηροσ γέγραφεν, ἓξ ταῖσ ἁπάσαισ, ἐν οἷσ παρεισάγει τὸν υἱὸν αὐτοῦ Τληπόλεμον λέγοντα ἀλλ’ οἱο͂́ν τινά φασι βίην Ἡρακληείην εἶναι, ἐμὸν πατέρα θρασυμέμνονα, θυμολέοντα, ὅσ ποτε δεῦρ’ ἐλθὼν ἕνεχ’ ἵππων Λαομέδοντοσ ἓξ οἰῄσ σὺν νηυσὶ καὶ ἀνδράσι παυροτέροισιν Ἰλίου ἐξαλάπαξε πόλιν, χήρωσε δ’ ἀγυιάσ.

ὁ δ’ οὖν Ἡρακλῆσ καταπλεύσασ εἰσ τὴν Τρῳάδα αὐτὸσ μὲν μετὰ τῶν ἀρίστων προῆγεν ἐπὶ τὴν πόλιν, ἐπὶ δὲ τῶν νεῶν ἀπέλιπεν ἡγεμόνα τὸν Ἀμφιαράου υἱὸν Οἰκλέα.

Λαομέδων δ’ ἀπροσδοκήτου τῆσ παρουσίασ τῶν πολεμίων γενομένησ δύναμιν ἀξιόλογον συναγαγεῖν ἐξεκλείσθη διὰ τὴν ὀξύτητα τῶν καιρῶν, ἀθροίσασ δ’ ὅσουσ ἐδύνατο, μετὰ τούτων ἦλθεν ἐπὶ τὰσ ναῦσ, ἐλπίζων, εἰ ταύτασ ἐμπρήσειε, τέλοσ ἐπιθήσειν τῷ πολέμῳ. τοῦ δὲ Οἰκλέουσ ἀπαντήσαντοσ, ὁ μὲν στρατηγὸσ Οἰκλῆσ ἔπεσεν, οἱ δὲ λοιποὶ συνδιωχθέντεσ εἰσ τὰσ ναῦσ ἔφθασαν ἀναπλεύσαντεσ ἀπὸ τῆσ γῆσ. Λαομέδων δ’ ἐπανελθὼν καὶ πρὸσ τῇ πόλει τοῖσ μεθ’ Ἡρακλέουσ συμβαλὼν αὐτόσ τε ἔπεσε καὶ τῶν συναγωνιζομένων οἱ πλείουσ·

Ἡρακλῆσ δὲ τὴν πόλιν ἑλὼν κατὰ κράτοσ καὶ πολλοὺσ ἐν χειρῶν νόμῳ κατασφάξασ, Πριάμῳ τὴν βασιλείαν ἀπέδωκε τῶν Ἰλιαδῶν διὰ τὴν δικαιοσύνην· οὗτοσ γὰρ μόνοσ τῶν υἱῶν τοῦ Λαομέδοντοσ ἐναντιούμενοσ τῷ πατρὶ τὰσ ἵππουσ ἀποδοῦναι συνεβούλευσεν τῷ Ἡρακλεῖ κατὰ τὰσ ἐπαγγελίασ.

ὁ δ’ Ἡρακλῆσ ἐστεφάνωσε Τελαμῶνα ἀριστείοισ, δοὺσ αὐτῷ τὴν Λαομέδοντοσ θυγατέρα Ἡσιόνην· οὗτοσ γὰρ κατὰ τὴν πολιορκίαν πρῶτοσ βιασάμενοσ εἰσέπεσεν εἰσ τὴν πόλιν, Ἡρακλέουσ προσβαλόντοσ κατὰ τὸ καρτερώτατον μέροσ τοῦ τείχουσ τῆσ ἀκροπόλεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 32

(디오도로스 시켈로스, Bibliotheca Historica, book 4, chapter 32)

상위

목록

SEARCH

MENU NAVIGATION