헬라어 문장 검색 - Διοδορ́Βιβλιοτ́4́47́

(디오도로스 시켈로스, Bibliotheca Historica, book 4, chapter 46)

τὴν δὲ Μήδειαν ἱστοροῦσι μαθεῖν παρά τε τῆσ μητρὸσ καὶ τῆσ ἀδελφῆσ ἁπάσασ τὰσ τῶν φαρμάκων δυνάμεισ, προαιρέσει δ’ ἐναντιωτάτῃ χρῆσθαι· διατελεῖν γὰρ τοὺσ καταπλέοντασ τῶν ξένων ἐξαιρουμένην ἐκ τῶν κινδύνων, καὶ ποτὲ μὲν παρὰ τοῦ πατρὸσ αἰτεῖσθαι δεήσει καὶ χάριτι τὴν τῶν μελλόντων ἀπόλλυσθαι σωτηρίαν, ποτὲ δ’ αὐτὴν ἐκ τῆσ φυλακῆσ ἀφιεῖσαν προνοεῖσθαι τῆσ τῶν ἀτυχούντων ἀσφαλείασ· τὸν γὰρ Αἰήτην τὰ μὲν διὰ τὴν ἰδίαν ὠμότητα, τὰ δ’ ὑπὸ τῆσ γυναικὸσ Ἑκάτησ πεισθέντα, προσδέξασθαι τὸ τῆσ ξενοκτονίασ νόμιμον. ἀντιπραττούσησ δὲ τῆσ Μηδείασ ἀεὶ μᾶλλον τῇ προαιρέσει τῶν γονέων, φασὶ τὸν Αἰήτην ὑποπτεύσαντα τὴν ἐκ τῆσ θυγατρὸσ ἐπιβουλὴν εἰσ ἐλευθέραν αὐτὴν ἀποθέσθαι φυλακήν·

τὴν δὲ Μήδειαν διαδρᾶσαν καταφυγεῖν εἴσ τι τέμενοσ Ἡλίου κείμενον παρὰ θάλατταν. καθ’ ὃν δὴ χρόνον τοὺσ Ἀργοναύτασ ἀπὸ τῆσ Ταυρικῆσ κομισθέντασ νυκτὸσ καταπλεῦσαι τῆσ Κολχίδοσ εἰσ τὸ προειρημένον τέμενοσ.

ἔνθα δὴ περιτυχόντασ τῇ Μηδείᾳ πλανωμένῃ παρὰ τὸν αἰγιαλόν, καὶ μαθόντασ παρ’ αὐτῆσ τὸ τῆσ ξενοκτονίασ νόμιμον, ἀποδέξασθαι μὲν τὴν ἡμερότητα τῆσ παρθένου, δηλώσαντασ δ’ αὐτῇ τὴν ἑαυτῶν ἐπιβολὴν πάλιν παρ’ ἐκείνησ μαθεῖν τὸν ὑπάρχοντα αὐτῇ κίνδυνον ἀπὸ τοῦ πατρὸσ διὰ τὴν πρὸσ τοὺσ ξένουσ εὐσέβειαν. κοινοῦ δὲ τοῦ συμφέροντοσ φανέντοσ, τὴν μὲν Μήδειαν ἐπαγγείλασθαι συνεργήσειν αὐτοῖσ μέχρι ἂν συντελέσωσι τὸν προκείμενον ἆθλον, τὸν δ’ Ιἄσονα διὰ τῶν ὁρ́κων δοῦναι πίστεισ ὅτι γήμασ αὐτὴν ἕξει σύμβιον ἅπαντα τὸν τοῦ ζῆν χρόνον.

μετὰ δὲ ταῦτα τοὺσ Ἀργοναύτασ ἀπολιπόντασ φυλακὰσ τῆσ νεώσ, νυκτὸσ ὁρμῆσαι μετὰ τῆσ Μηδείασ ἐπὶ τὸ χρυσόμαλλον δέροσ·

περὶ οὗ τὰ κατὰ μέροσ οἰκεῖον ἂν εἰή διελθεῖν, ἵνα μηδὲν τῶν ἀνηκόντων εἰσ τὴν ὑποκειμένην ἱστορίαν ἀγνοῆται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 4, chapter 46

(디오도로스 시켈로스, Bibliotheca Historica, book 4, chapter 46)

상위

목록

SEARCH

MENU NAVIGATION