헬라어 문장 검색 - Διοδορ́Βιβλιοτ́4́69́

(디오도로스 시켈로스, Bibliotheca Historica, book 4, chapter 68)

τούτων δ’ ἡμῖν διευκρινημένων, πειρασόμεθα διελθεῖν περὶ Σαλμωνέωσ καὶ Τυροῦσ καὶ τῶν ἀπογόνων ἑώσ Νέστοροσ τοῦ στρατεύσαντοσ ἐπὶ Τροίαν. Σαλμωνεὺσ γὰρ ἦν υἱὸσ Αἰόλου τοῦ Ἕλληνοσ τοῦ Δευκαλίωνοσ· οὗτοσ δ’ ἐκ τῆσ Αἰολίδοσ ὁρμηθεὶσ μετὰ πλειόνων Αἰολέων ᾤκισε τῆσ Ἠλείασ παρὰ τὸν Ἀλφειὸν ποταμὸν πόλιν καὶ ἐκάλεσεν ἀφ’ ἑαυτοῦ Σαλμωνίαν. γήμασ δ’ Ἀλκιδίκην τὴν Ἀλέου ἐγέννησε θυγατέρα τὴν προσαγορευθεῖσαν Τυρώ, κάλλει διαφέρουσαν. τῆσ δὲ γυναικὸσ Ἀλκιδίκησ ἀποθανούσησ ἐπέγημε τὴν ὀνομαζομένην Σιδηρώ·

αὕτη δὲ χαλεπῶσ διετέθη πρὸσ τὴν Τυρώ, ὡσ ἂν μητρυιά. μετὰ δὲ ταῦτα Σαλμωνεύσ, ὑβριστὴσ ὢν καὶ ἀσεβήσ, ὑπὸ μὲν τῶν ὑποτεταγμένων ἐμισήθη, ὑπὸ δὲ Διὸσ διὰ τὴν ἀσέβειαν ἐκεραυνώθη. τῇ δὲ Τυροῖ, παρθένῳ κατ’ ἐκείνουσ τοὺσ χρόνουσ οὔσῃ, Ποσειδῶν μιγεὶσ παῖδασ ἐγέννησε Πελίαν καὶ Νηλέα.

ἡ δὲ Τυρὼ συνοικήσασα Κρηθεῖ ἐτέκνωσεν Ἀμυθάονα καὶ Φέρητα καὶ Αἴσονα. Κρηθέωσ δὲ τελευτήσαντοσ ἐστασίασαν περὶ τῆσ βασιλείασ Πελίασ τε καὶ Νηλεύσ· τούτων δὲ Πελίασ μὲν Ιὠλκοῦ καὶ τῶν πλησίον χωρίων ἐβασίλευσε, Νηλεὺσ δὲ παραλαβὼν Μελάμποδα καὶ Βίαντα τοὺσ Ἀμυθάονοσ καὶ Ἀγλαϊάσ υἱοὺσ καί τινασ ἄλλουσ τῶν Ἀχαιῶν Φθιωτῶν καὶ τῶν Αἰολέων ἐστράτευσεν εἰσ Πελοπόννησον. καὶ Μελάμπουσ μὲν μάντισ ὢν τὰσ Ἀργείασ γυναῖκασ μανείσασ διὰ τὴν Διονύσου μῆνιν ἐθεράπευσεν, ἀντὶ δὲ ταύτησ τῆσ εὐεργεσίασ χάριν ἔλαβε παρὰ τοῦ βασιλέωσ τῶν Ἀργείων Ἀναξαγόρου τοῦ Μεγαπένθουσ τὰ δύο μέρη τῆσ βασιλείασ·

κατοικήσασ δ’ ἐν Ἄργει κοινὴν ἐποιήσατο τὴν βασιλείαν Βίαντι τῷ ἀδελφῷ. γήμασ δὲ Ἰφιάνειραν τὴν Μεγαπένθουσ ἐτέκνωσεν Ἀντιφάτην καὶ Μαντώ, ἔτι δὲ Βίαντα καὶ Προνόην·

Ἀντιφάτου δὲ καὶ Ζευξίππησ τῆσ Ἱπποκόωντοσ Οἰκλῆσ καὶ Ἀμφάλκησ ὑπῆρξαν, Οἰκλέουσ δὲ καὶ Ὑπερμνήστρασ τῆσ Θεσπίου Ἰφιάνειρα καὶ Πολύβοια καὶ Ἀμφιάραοσ ἐγένοντο. Μελάμπουσ μὲν οὖν καὶ Βίασ καὶ οἱ ἀπ’ ἐκείνων οὕτω τῆσ ἐν Ἄργει βασιλείασ μετέσχον, Νηλεὺσ δὲ μετὰ τῶν συνακολουθησάντων παραγενόμενοσ εἰσ Μεσσήνην πόλιν ἔκτισε Πύλον, δόντων αὐτῷ τῶν ἐγχωρίων.

ταύτησ δὲ βασιλεύων καὶ γήμασ Χλῶριν τὴν Ἀμφίονοσ τοῦ Θηβαίου, παῖδασ ἐγέννησε δώδεκα, ὧν ἦν πρεσβύτατοσ μὲν Περικλύμενοσ, νεώτατοσ δὲ Νέστωρ ὁ ἐπὶ Τροίαν στρατεύσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 68

(디오도로스 시켈로스, Bibliotheca Historica, book 4, chapter 68)

상위

목록

SEARCH

MENU NAVIGATION