헬라어 문장 검색 - Διοδορ́Βιβλιοτ́4́65́

(디오도로스 시켈로스, Bibliotheca Historica, book 4, chapter 64)

ἡμεῖσ δὲ περὶ τούτων ἀρκούντωσ εἰρηκότεσ τὰ περὶ τῶν ἑπτὰ ἐπὶ Θήβασ ἱστορήσομεν, ἀναλαβόντεσ τὰσ ἐξ ἀρχῆσ αἰτίασ τοῦ πολέμου. Λάιοσ ὁ Θηβῶν βασιλεὺσ γήμασ Ιὀκάστην τὴν Κρέοντοσ, καὶ χρόνον ἱκανὸν ἄπαισ ὤν, ἐπηρώτησε τὸν θεὸν περὶ τέκνων γενέσεωσ. τῆσ δὲ Πυθίασ δούσησ χρησμὸν αὐτῷ μὴ συμφέρειν γενέσθαι τέκνα ̔τὸν γὰρ ἐξ αὐτοῦ τεκνωθέντα παῖδα πατροκτόνον ἔσεσθαι καὶ πᾶσαν τὴν οἰκίαν πληρώσειν μεγάλων ἀτυχημάτων’, ἐπιλαθόμενοσ τοῦ χρησμοῦ καὶ γεννήσασ υἱόν, ἐξέθηκε τὸ βρέφοσ διαπερονήσασ αὐτοῦ τὰ σφυρὰ σιδήρῳ· δι’ ἣν αἰτίαν Οἰδίπουσ ὕστερον ὠνομάσθη.

οἱ δ’ οἰκέται λαβόντεσ τὸ παιδίον ἐκθεῖναι μὲν οὐκ ἠθέλησαν, ἐδωρήσαντο δὲ τῇ Πολύβου γυναικί, οὐ δυναμένῃ γεννῆσαι παῖδασ. μετὰ δὲ ταῦτα ἀνδρωθέντοσ τοῦ παιδόσ, ὁ μὲν Λάιοσ ἔκρινεν ἐπερωτῆσαι τὸν θεὸν περὶ τοῦ βρέφουσ τοῦ ἐκτεθέντοσ, ὁ δὲ Οἰδίπουσ μαθὼν παρά τινοσ τὴν καθ’ ἑαυτὸν ὑποβολήν, ἐπεχείρησεν ἐπερωτῆσαι τὴν Πυθίαν περὶ τῶν κατ’ ἀλήθειαν γονέων. κατὰ δὲ τὴν Φωκίδα τούτων ἀλλήλοισ ἀπαντησάντων, ὁ μὲν Λάιοσ ὑπερηφάνωσ ἐκχωρεῖν τῆσ ὁδοῦ προσέταττεν, ὁ δ’ Οἰδίπουσ ὀργισθεὶσ ἀπέκτεινε τὸν Λάιον, ἀγνοῶν ὅτι πατὴρ ἦν αὐτοῦ. καθ’ ὃν δὴ χρόνον μυθολογοῦσι σφίγγα, δίμορφον θηρίον, παραγενομένην εἰσ τὰσ Θήβασ αἴνιγμα προτιθέναι τῷ δυναμένῳ λῦσαι, καὶ πολλοὺσ ὑπ’ αὐτῆσ δι’ ἀπορίαν ἀναιρεῖσθαι.

προτιθεμένου δὲ ἐπάθλου φιλανθρώπου τῷ λύσαντι γαμεῖν τὴν Ιὀκάστην καὶ βασιλεύειν τῶν Θηβῶν, ἄλλον μὲν μηδένα δύνασθαι γνῶναι τὸ προτεθειμένον, μόνον δὲ Οἰδίπουν λῦσαι τὸ αἴνιγμα. ἦν δὲ τὸ προτεθὲν ὑπὸ τῆσ σφιγγόσ, τί ἐστι τὸ αὐτὸ δίπουν, τρίπουν, τετράπουν. ἀπορουμένων δὲ τῶν ἄλλων ὁ Οἰδίπουσ ἀπεφήνατο ἄνθρωπον εἶναι τὸ προβληθέν·

νήπιον μὲν γὰρ αὐτὸν ὑπάρχοντα τετράπουν εἶναι, αὐξήσαντα δὲ δίπουν, γηράσαντα δὲ τρίπουν, βακτηρίᾳ χρώμενον διὰ τὴν ἀσθένειαν. ἐνταῦθα τὴν μὲν σφίγγα κατὰ τὸν μυθολογούμενον χρησμὸν ἑαυτὴν κατακρημνίσαι, τὸν δ’ Οἰδίπουν γήμαντα τὴν ἀγνοουμένην ὑφ’ ἑαυτοῦ μητέρα γεννῆσαι δύο μὲν υἱοὺσ Ἐτεοκλέα καὶ Πολυνείκην, δύο δὲ θυγατέρασ Ἀντιγόνην καὶ Ἰσμήνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 64

(디오도로스 시켈로스, Bibliotheca Historica, book 4, chapter 64)

상위

목록

SEARCH

MENU NAVIGATION