헬라어 문장 검색 - Διοδορ́Βιβλιοτ́4́26́

(디오도로스 시켈로스, Bibliotheca Historica, book 4, chapter 25)

αὐτὸσ δ’ ἐγκυκλωθεὶσ τὸν Ἀδρίαν καὶ πεζῇ περιελθὼν τὸν προειρημένον κόλπον κατήντησεν εἰσ τὴν Ἤπειρον, ἐξ ἧσ πορευθεὶσ εἰσ τὴν Πελοπόννησον, καὶ τετελεκὼσ τὸν δέκατον ἆθλον, ἔλαβε πρόσταγμα παρ’ Εὐρυσθέωσ τὸν ἐξ ᾅδου Κέρβερον πρὸσ τὸ φῶσ ἀγαγεῖν. πρὸσ δὲ τοῦτον τὸν ἆθλον ὑπολαβὼν συνοίσειν αὑτῷ, παρῆλθεν εἰσ τὰσ Ἀθήνασ καὶ μετέσχε τῶν ἐν Ἐλευσῖνι μυστηρίων, Μουσαίου τοῦ Ὀρφέωσ υἱοῦ τότε προεστηκότοσ τῆσ τελετῆσ. ἐπεὶ δ’ Ὀρφέωσ ἐμνήσθημεν, οὐκ ἀνοίκειόν ἐστι παρεκβάντασ βραχέα περὶ αὐτοῦ διελθεῖν.

οὗτοσ γὰρ ἦν υἱὸσ μὲν Οἰάγρου, Θρᾷξ δὲ τὸ γένοσ, παιδείᾳ δὲ καὶ μελῳδίᾳ καὶ ποιήσει πολὺ προέχων τῶν μνημονευομένων· καὶ γὰρ ποίημα συνετάξατο θαυμαζόμενον καὶ τῇ κατὰ τὴν ᾠδὴν εὐμελείᾳ διαφέρον. ἐπὶ τοσοῦτο δὲ προέβη τῇ δόξῃ ὥστε δοκεῖν τῇ μελῳδίᾳ θέλγειν τά τε θηρία καὶ τὰ δένδρα. περὶ δὲ παιδείαν ἀσχοληθεὶσ καὶ τὰ περὶ τῆσ θεολογίασ μυθολογούμενα μαθών, ἀπεδήμησε μὲν εἰσ Αἴγυπτον, κἀκεῖ πολλὰ προσεπιμαθὼν μέγιστοσ ἐγένετο τῶν Ἑλλήνων ἔν τε ταῖσ θεολογίαισ καὶ ταῖσ τελεταῖσ καὶ ποιήμασι καὶ μελῳδίαισ.

συνεστρατεύσατο δὲ καὶ τοῖσ Ἀργοναύταισ, καὶ διὰ τὸν ἔρωτα τὸν πρὸσ τὴν γυναῖκα καταβῆναι μὲν εἰσ ᾅδου παραδόξωσ ἐτόλμησε, τὴν δὲ Φερσεφόνην διὰ τῆσ εὐμελείασ ψυχαγωγήσασ ἔπεισε συνεργῆσαι ταῖσ ἐπιθυμίαισ καὶ συγχωρῆσαι τὴν γυναῖκα αὐτοῦ τετελευτηκυῖαν ἀναγαγεῖν ἐξ ᾅδου παραπλησίωσ τῷ Διονύσῳ·

καὶ γὰρ ἐκεῖνον μυθολογοῦσιν ἀναγαγεῖν τὴν μητέρα Σεμέλην ἐξ ᾅδου, καὶ μεταδόντα τῆσ ἀθανασίασ Θυώνην μετονομάσαι. ἡμεῖσ δ’ ἐπεὶ περὶ Ὀρφέωσ διεληλύθαμεν, μεταβησόμεθα πάλιν ἐπὶ τὸν Ἡρακλέα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 25

(디오도로스 시켈로스, Bibliotheca Historica, book 4, chapter 25)

상위

목록

SEARCH

MENU NAVIGATION