헬라어 문장 검색 - Διοδορ́Βιβλιοτ́4́56́

(디오도로스 시켈로스, Bibliotheca Historica, book 4, chapter 55)

ἐν τοσούτῳ δὲ τὸν μὲν Ιἄσονα στερηθέντα τέκνων καὶ γυναικὸσ δόξαι πᾶσι δίκαια πεπονθέναι· διὸ καὶ μὴ δυνάμενον ἐνεγκεῖν τὸ μέγεθοσ τῆσ συμφορᾶσ ἐκ τοῦ ζῆν ἑαυτὸν μεταστῆσαι. τοὺσ δὲ Κορινθίουσ ἐκπεπλῆχθαι μὲν τὴν δεινότητα τῆσ περιπετείασ, μάλιστα δ’ ἀπορεῖν περὶ τῆσ ταφῆσ τῶν παίδων. διόπερ ἀποστειλάντων αὐτῶν Πυθώδε τοὺσ ἐπερωτήσοντασ τὸν θεὸν ὅπωσ χρηστέον ἐστὶ τοῖσ σώμασι τῶν παίδων, προστάξαι τὴν Πυθίαν ἐν τῷ τεμένει τῆσ Ἥρασ αὐτοὺσ θάψαι καὶ τιμῶν ἡρωικῶν αὐτοὺσ ἀξιοῦν. ποιησάντων δὲ τῶν Κορινθίων τὸ προσταχθέν, φασὶ Θετταλὸν μὲν τὸν διαφυγόντα τὸν ἀπὸ τῆσ μητρὸσ φόνον ἐν Κορίνθῳ τραφέντα μετὰ ταῦτα ἐπανελθεῖν εἰσ Ιὠλκόν, οὖσαν Ιἄσονοσ πατρίδα·

ἐν ᾗ καταλαβόντα προσφάτωσ Ἄκαστον τὸν Πελίου τετελευτηκότα παραλαβεῖν κατὰ γένοσ προσήκουσαν τὴν βασιλείαν, καὶ τοὺσ ὑφ’ ἑαυτὸν τεταγμένουσ ἀφ’ ἑαυτοῦ προσαγορεῦσαι Θετταλούσ. οὐκ ἀγνοῶ δὲ διότι περὶ τῆσ τῶν Θετταλῶν προσηγορίασ οὐ ταύτην μόνην τὴν ἱστορίαν, ἀλλὰ καὶ διαφώνουσ ἑτέρασ παραδεδόσθαι συμβέβηκε, περὶ ὧν ἐν οἰκειοτέροισ μνησθησόμεθα καιροῖσ.

τὴν δ’ οὖν Μήδειαν ἐν Θήβαισ φασὶ καταλαβοῦσαν Ἡρακλέα μανικῷ πάθει συνεχόμενον καὶ τοὺσ υἱοὺσ ἀπεκταγκότα, φαρμάκοισ αὐτὸν ἰάσασθαι.

τοῦ δ’ Εὐρυσθέωσ ἐπικειμένου τοῖσ προστάγμασιν, ἀπογνοῦσαν τὴν κατὰ τὸ παρὸν ἐκ τούτου βοήθειαν καταφυγεῖν εἰσ Ἀθήνασ πρὸσ Αἰγέα τὸν Πανδίονοσ. ἐνταῦθα δ’ οἱ μέν φασιν αὐτὴν Αἰγεῖ συνοικήσασαν γεννῆσαι Μῆδον τὸν ὕστερον Μηδίασ βασιλεύσαντα, τινὲσ δ’ ἱστοροῦσιν ὑφ’ Ἱππότου τοῦ Κρέοντοσ ἐξαιτουμένην τυχεῖν κρίσεωσ καὶ τῶν ἐγκλημάτων ἀπολυθῆναι.

μετὰ δὲ ταῦτα Θησέωσ ἐπανελθόντοσ ἐκ Τροιζῆνοσ εἰσ τὰσ Ἀθήνασ, ἐγκληθεῖσαν ἐπὶ φαρμακείᾳ φυγεῖν ἐκ τῆσ πόλεωσ·

δόντοσ δ’ Αἰγέωσ τοὺσ παραπέμψοντασ εἰσ ἣν βούλοιτο χώραν, εἰσ τὴν Φοινίκην κομισθῆναι. ἐντεῦθεν δ’ εἰσ τοὺσ ἄνω τόπουσ τῆσ Ἀσίασ ἀναβᾶσαν συνοικῆσαί τινι τῶν ἐπιφανῶν βασιλέων, ἐξ οὗ γεννῆσαι παῖδα Μῆδον·

καὶ τὸν παῖδα μετὰ τὴν τοῦ πατρὸσ τελευτὴν διαδεξάμενον τὴν βασιλείαν θαυμασθῆναί τε κατὰ τὴν ἀνδρείαν καὶ τοὺσ λαοὺσ ἀφ’ ἑαυτοῦ Μήδουσ ὀνομάσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 55

(디오도로스 시켈로스, Bibliotheca Historica, book 4, chapter 55)

상위

목록

SEARCH

MENU NAVIGATION