헬라어 문장 검색 - Διοδορ́Βιβλιοτ́4́68́

(디오도로스 시켈로스, Bibliotheca Historica, book 4, chapter 67)

οἱ δ’ ἐπίγονοι τὴν στρατείαν ἐπιφανῆ πεποιημένοι μετὰ πολλῶν λαφύρων ἀνέκαμψαν εἰσ τὰσ πατρίδασ. τῶν δὲ Καδμείων τῶν συμφυγόντων εἰσ τὸ Τιλφωσσαῖον Τειρεσίασ μὲν ἐτελεύτησεν, ὃν θάψαντεσ λαμπρῶσ οἱ Καδμεῖοι τιμαῖσ ἰσοθέοισ ἐτίμησαν· αὐτοὶ δὲ μεταναστάντεσ ἐκ τῆσ πόλεωσ ἐπὶ Δωριεῖσ ἐστράτευσαν, καὶ μάχῃ νικήσαντεσ τοὺσ ἐγχωρίουσ ἐκείνουσ μὲν ἐξέβαλον ἐκ τῶν πατρίδων, αὐτοὶ δ’ ἐπί τινασ χρόνουσ κατοικήσαντεσ, οἱ μὲν ἐν αὐτῇ κατέμειναν, οἱ δ’ ἐπανῆλθον εἰσ τὰσ Θήβασ, Κρέοντοσ τοῦ Μενοικέωσ βασιλεύοντοσ. οἱ δ’ ἐκ τῶν πατρίδων ἐξελαθέντεσ ὕστερόν τισι χρόνοισ κατῆλθον εἰσ τὴν Δωρίδα καὶ κατῴκησαν ἐν Ἐρινεῷ καὶ Κυτινίῳ καὶ Βοιῷ. πρὸ δὲ τούτων τῶν χρόνων Βοιωτὸσ ὁ Ἄρνησ καὶ Ποσειδῶνοσ καταντήσασ εἰσ τὴν τότε μὲν Αἰολίδα, νῦν δὲ Θετταλίαν καλουμένην, τοὺσ μεθ’ ἑαυτοῦ Βοιωτοὺσ ὠνόμασε.

περὶ δὲ τῶν Αἰολέων τούτων ἀναγκαῖον προσαναδραμόντασ τοῖσ χρόνοισ τὰ κατὰ μέροσ ἐκθέσθαι. ἐν τοῖσ ἔμπροσθεν χρόνοισ τῶν Αἰόλου τοῦ Ἕλληνοσ τοῦ Δευκαλίωνοσ υἱῶν οἱ μὲν ἄλλοι κατῴκησαν ἐν τοῖσ προειρημένοισ τόποισ, Μίμασ δὲ μείνασ ἐβασίλευσε τῆσ Αἰολίδοσ.

Μίμαντοσ δὲ Ἱππότησ γενόμενοσ ἐκ Μελανίππησ ἐτέκνωσεν Αἰόλον· τούτου δ’ Ἄρνη γενομένη θυγάτηρ Βοιωτὸν ἐκ Ποσειδῶνοσ ἐγέννησεν. αἰόλοσ δ’ ἀπιστῶν εἰ Ποσειδῶνι ἐμίγη καὶ τῇ φθορᾷ μεμφόμενοσ, παρέδωκε τὴν Ἄρνην Μεταποντίῳ ξένῳ κατὰ τύχην παρεπιδημοῦντι, προστάξασ ἀπάγειν εἰσ Μεταπόντιον.

τούτου δὲ πράξαντοσ τὸ προσταχθέν, ἡ Ἄρνη τρεφομένη ἐν Μεταποντίῳ ἐγέννησεν Αἰόλον καὶ Βοιωτόν, οὓσ ὁ Μεταπόντιοσ, ἄπαισ ὤν, κατά τινα χρησμὸν υἱοποιήσατο. οὗτοι δ’ ἀνδρωθέντεσ, στάσεωσ γενομένησ ἐν τῷ Μεταποντίῳ, βίᾳ κατέσχον τὴν βασιλείαν.

ὕστερον δὲ τῆσ Ἄρνησ διενεχθείσησ πρὸσ Αὐτολύτην τὴν γυναῖκα τοῦ Μεταποντίου, βοηθοῦντεσ τῇ μητρὶ τὴν Αὐτολύτην ἀνεῖλον. δεινῶσ δὲ φέροντοσ τοῦ Μεταποντίου τὸ συμβεβηκόσ, πλοῖα παρασκευασάμενοι καὶ τὴν Ἄρνην ἀναλαβόντεσ ἐξέπλευσαν μετὰ πολλῶν φίλων. αἰόλοσ μὲν οὖν τὰσ ἐν τῷ Τυρρηνικῷ πελάγει καλουμένασ ἀπ’ αὐτοῦ νήσουσ Αἰολίδασ κατέσχε, καὶ πόλιν ἔκτισε τὴν ὀνομαζομένην Λιπάραν·

Βοιωτὸσ δὲ πλεύσασ πρὸσ Αἰόλον τὸν τῆσ Ἄρνησ πατέρα, καὶ τεκνωθεὶσ ὑπ’ αὐτοῦ, παρέλαβε τῆσ Αἰολίδοσ τὴν βασιλείαν· καὶ τὴν μὲν χώραν ἀπὸ τῆσ μητρὸσ Ἄρνην, τοὺσ δὲ λαοὺσ ἀφ’ ἑαυτοῦ Βοιωτοὺσ ὠνόμασε. Βοιωτοῦ δὲ Ἴτωνοσ γενόμενοσ ἐτέκνωσεν υἱοὺσ τέτταρασ, Ἱππάλκιμον καὶ Ἠλεκτρύωνα, ἔτι δ’ Ἀρχίλυκον καὶ Ἀλεγήνορα.

τούτων δ’ Ἱππάλκιμοσ μὲν ἐγέννησε Πηνέλεων, Ἠλεκτρύων δὲ Λήιτον, Ἀλεγήνωρ δὲ Κλονίον, Ἀρχίλυκοσ δὲ Προθοήνορα καὶ Ἀρκεσίλαον τοὺσ ἐπὶ Τροίαν στρατευσαμένουσ ἡγεμόνασ τῶν ἁπάντων Βοιωτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 67

(디오도로스 시켈로스, Bibliotheca Historica, book 4, chapter 67)

상위

목록

SEARCH

MENU NAVIGATION