헬라어 문장 검색 - Διοδορ́Βιβλιοτ́4́29́

(디오도로스 시켈로스, Bibliotheca Historica, book 4, chapter 28)

τοῦ δ’ Ἡρακλέουσ περὶ ταῦτ’ ὄντοσ φασὶ τὰσ ὑπολειφθείσασ Ἀμαζόνασ περὶ τὸν Θερμώδοντα ποταμὸν ἀθροισθείσασ πανδημεὶ σπεῦσαι τοὺσ Ἕλληνασ ἀμύνασθαι περὶ ὧν Ἡρακλῆσ στρατεύσασ διειργάσατο. διαφορώτατα δὲ τοὺσ Ἀθηναίουσ ἐφιλοτιμοῦντο διὰ τὸ τὸν Θησέα καταδεδουλῶσθαι τὴν ἡγεμόνα τῶν Ἀμαζόνων Ἀντιόπην, ὡσ δ’ ἔνιοι γράφουσιν, Ἱππολύτην. συστρατευσάντων δὲ τῶν Σκυθῶν θῶν ταῖσ Ἀμαζόσι συνέβη δύναμιν ἀξιόλογον ἀθροισθῆναι, μεθ’ ἧσ αἱ προηγούμεναι τῶν Ἀμαζονίδων περαιωθεῖσαι τὸν Κιμμέριον Βόσπορον προῆγον διὰ τῆσ Θρᾴκησ.

τέλοσ δὲ πολλὴν τῆσ Εὐρώπησ ἐπελθοῦσαι κατήντησαν εἰσ τὴν Ἀττικήν, καὶ κατεστρατοπέδευσαν ὅπου νῦν ἐστι τὸ καλούμενον ἀπ’ ἐκείνων Ἀμαζονεῖον. Θησεὺσ δὲ πυθόμενοσ τὴν τῶν Ἀμαζόνων ἔφοδον ἐβοήθει ταῖσ πολιτικαῖσ δυνάμεσιν, ἔχων μεθ’ ἑαυτοῦ τὴν Ἀμαζονίδα Ἀντιόπην, ἐξ ἧσ ἦν πεπαιδοποιημένοσ υἱὸν Ἱππόλυτον.

συνάψασ δὲ μάχην ταῖσ Ἀμαζόσι, καὶ τῶν Ἀθηναίων ὑπερεχόντων ταῖσ ἀνδραγαθίαισ, ἐνίκησαν οἱ περὶ τὸν Θησέα, καὶ τῶν ἀντιταχθεισῶν Ἀμαζονίδων ἃσ μὲν κατέκοψαν, ἃσ δ’ ἐκ τῆσ Ἀττικῆσ ἐξέβαλον. συνέβη δὲ καὶ τὴν Ἀντιόπην συναγωνισαμένην τἀνδρὶ Θησεῖ, καὶ κατὰ τὴν μάχην ἀριστεύουσαν, ἡρωικῶσ καταστρέψαι τὸν βίον.

αἱ δ’ ὑπολειφθεῖσαι τῶν Ἀμαζόνων ἀπογνοῦσαι τὴν πατρῴαν γῆν, ἐπανῆλθον μετὰ τῶν Σκυθῶν εἰσ τὴν Σκυθίαν καὶ μετ’ ἐκείνων κατῴκησαν. ἡμεῖσ δ’ ἀρκούντωσ περὶ τούτων διεληλυθότεσ ἐπάνιμεν πάλιν ἐπὶ τὰσ Ἡρακλέουσ πράξεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 28

(디오도로스 시켈로스, Bibliotheca Historica, book 4, chapter 28)

상위

목록

SEARCH

MENU NAVIGATION