호흡부호 보기
강세부호 보기
장단부호 보기
작은 Iota 보기
모든 부호 보기
τοῦ δ’ Ἡρακλέουσ περὶ ταῦτ’ ὄντοσ φασὶ τὰσ ὑπολειφθείσασ Ἀμαζόνασ περὶ τὸν Θερμώδοντα ποταμὸν ἀθροισθείσασ πανδημεὶ σπεῦσαι τοὺσ Ἕλληνασ ἀμύνασθαι περὶ ὧν Ἡρακλῆσ στρατεύσασ διειργάσατο. διαφορώτατα δὲ τοὺσ Ἀθηναίουσ ἐφιλοτιμοῦντο διὰ τὸ τὸν Θησέα καταδεδουλῶσθαι τὴν ἡγεμόνα τῶν Ἀμαζόνων Ἀντιόπην, ὡσ δ’ ἔνιοι γράφουσιν, Ἱππολύτην. συστρατευσάντων δὲ τῶν Σκυθῶν θῶν ταῖσ Ἀμαζόσι συνέβη δύναμιν ἀξιόλογον ἀθροισθῆναι, μεθ’ ἧσ αἱ προηγούμεναι τῶν Ἀμαζονίδων περαιωθεῖσαι τὸν Κιμμέριον Βόσπορον προῆγον διὰ τῆσ Θρᾴκησ.
τέλοσ δὲ πολλὴν τῆσ Εὐρώπησ ἐπελθοῦσαι κατήντησαν εἰσ τὴν Ἀττικήν, καὶ κατεστρατοπέδευσαν ὅπου νῦν ἐστι τὸ καλούμενον ἀπ’ ἐκείνων Ἀμαζονεῖον. Θησεὺσ δὲ πυθόμενοσ τὴν τῶν Ἀμαζόνων ἔφοδον ἐβοήθει ταῖσ πολιτικαῖσ δυνάμεσιν, ἔχων μεθ’ ἑαυτοῦ τὴν Ἀμαζονίδα Ἀντιόπην, ἐξ ἧσ ἦν πεπαιδοποιημένοσ υἱὸν Ἱππόλυτον.
συνάψασ δὲ μάχην ταῖσ Ἀμαζόσι, καὶ τῶν Ἀθηναίων ὑπερεχόντων ταῖσ ἀνδραγαθίαισ, ἐνίκησαν οἱ περὶ τὸν Θησέα, καὶ τῶν ἀντιταχθεισῶν Ἀμαζονίδων ἃσ μὲν κατέκοψαν, ἃσ δ’ ἐκ τῆσ Ἀττικῆσ ἐξέβαλον. συνέβη δὲ καὶ τὴν Ἀντιόπην συναγωνισαμένην τἀνδρὶ Θησεῖ, καὶ κατὰ τὴν μάχην ἀριστεύουσαν, ἡρωικῶσ καταστρέψαι τὸν βίον.
αἱ δ’ ὑπολειφθεῖσαι τῶν Ἀμαζόνων ἀπογνοῦσαι τὴν πατρῴαν γῆν, ἐπανῆλθον μετὰ τῶν Σκυθῶν εἰσ τὴν Σκυθίαν καὶ μετ’ ἐκείνων κατῴκησαν. ἡμεῖσ δ’ ἀρκούντωσ περὶ τούτων διεληλυθότεσ ἐπάνιμεν πάλιν ἐπὶ τὰσ Ἡρακλέουσ πράξεισ.
호흡부호 보기
강세부호 보기
장단부호 보기
작은 Iota 보기
모든 부호 보기