헬라어 문장 검색 - Διοδορ́Βιβλιοτ́4́30́

(디오도로스 시켈로스, Bibliotheca Historica, book 4, chapter 29)

Τετελεκότοσ γὰρ αὐτοῦ τοὺσ ἄθλουσ, καὶ τοῦ θεοῦ χρήσαντοσ συμφέρειν πρὸ τῆσ εἰσ θεοὺσ μεταλλαγῆσ ἀποικίαν εἰσ Σαρδὼ πέμψαι καὶ τοὺσ ἐκ τῶν Θεσπιάδων αὐτῷ γενομένουσ υἱοὺσ ἡγεμόνασ ποιῆσαι ταύτησ, ἔκρινε τὸν ἀδελφιδοῦν Ιὄλαον ἐκπέμψαι μετὰ τῶν παίδων διὰ τὸ παντελῶσ νέουσ εἷναι. ἀναγκαῖον δ’ ἡμῖν φαίνεται προδιελθεῖν περὶ τῆσ γενέσεωσ τῶν παίδων, ἵνα τὸν περὶ τῆσ ἀποικίασ λόγον καθαρώτερον ἐκθέσθαι δυνηθῶμεν.

Θέσπιοσ ἦν ἀνὴρ τὸ γένοσ ἐπιφανὴσ ἐκ τῶν Ἀθηνῶν, υἱὸσ Ἐρεχθέωσ, βασιλεύων δὲ τῆσ ὁμωνύμου χώρασ ἐγέννησεν ἐκ πλειόνων γυναικῶν θυγατέρασ πεντήκοντα. Ἡρακλέουσ δ’ ἔτι παιδὸσ ὄντοσ τὴν ἡλικίαν, καὶ ῥώμῃ σώματοσ ὑπερφυοῦσ ὄντοσ, ἐφιλοτιμήθη τὰσ θυγατέρασ ἐκ τούτου τεκνοποιήσασθαι.

διὸ καλέσασ αὐτὸν ἐπί τινα θυσίαν καὶ λαμπρῶσ ἑστιάσασ, ἀπέστειλε κατὰ μίαν τῶν θυγατέρων· αἷσ ἀπάσαισ μιγεὶσ καὶ ποιήσασ ἐγκύουσ ἐγένετο πατὴρ υἱῶν πεντήκοντα. ὧν λαβόντων τὴν κοινὴν προσηγορίαν ἀπὸ τῶν Θεσπιάδων, καὶ γενομένων ἐνηλίκων, ἔκρινεν ἐκπέμπειν τούτουσ εἰσ τὴν ἀποικίαν τὴν εἰσ Σαρδόνα κατὰ τὸν χρησμόν. ἡγουμένου δὲ τοῦ στόλου παντὸσ Ιὀλάου, καὶ συνεστρατευμένου σχεδὸν ἁπάσασ τὰσ στρατείασ, ἐπέτρεψεν αὐτῷ τὰ περὶ τοὺσ Θεσπιάδασ καὶ τὴν ἀποικίαν τῶν δὲ πεντήκοντα παίδων δύο μὲν κατέμειναν ἐν ταῖσ Θήβαισ, ὧν τοὺσ ἀπογόνουσ φασὶ μέχρι τοῦ νῦν τιμᾶσθαι, ἑπτὰ δ’ ἐν Θεσπιαῖσ, οὓσ ὀνομάζουσι δημούχουσ, ὧν καὶ τοὺσ ἀπογόνουσ ἡγήσασθαί φασι τῆσ πόλεωσ μέχρι τῶν νεωτέρων καιρῶν.

τοὺσ δὲ λοιποὺσ ἅπαντασ Ιὄλαοσ ἀναλαβὼν καὶ πολλοὺσ ἄλλουσ τοὺσ βουλομένουσ κοινωνεῖν τῆσ ἀποικίασ, ἔπλευσεν εἰσ τὴν Σαρδόνα.

κρατήσασ δὲ μάχῃ τῶν ἐγχωρίων, κατεκληρούχησε τὸ κάλλιστον τῆσ νήσου, καὶ μάλιστα τὴν πεδιάδα χώραν, ἣν μέχρι τοῦ νῦν καλεῖσθαι Ιὀλαεῖον. ἐξημερώσασ δὲ τὴν χώραν καὶ καταφυτεύσασ δένδρεσι καρπίμοισ κατεσκεύασε περιμάχητον ἐπὶ τοσοῦτο γὰρ ἡ νῆσοσ διωνομάσθη τῇ τῶν καρπῶν ἀφθονίᾳ ὥστε Καρχηδονίουσ ὕστερον αὐξηθέντασ ἐπιθυμῆσαι τῆσ νήσου, καὶ πολλοὺσ ἀγῶνασ καὶ κινδύνουσ ὑπὲρ αὐτῆσ ἀναδέξασθαι.

ἀλλὰ περὶ μὲν τούτων ἐν τοῖσ οἰκείοισ χρόνοισ ἀναγράψομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 29

(디오도로스 시켈로스, Bibliotheca Historica, book 4, chapter 29)

상위

목록

SEARCH

MENU NAVIGATION