헬라어 문장 검색 - Διοδορ́Βιβλιοτ́4́73́

(디오도로스 시켈로스, Bibliotheca Historica, book 4, chapter 72)

περὶ μὲν οὖν Ἀσκληπιοῦ καὶ τῶν υἱῶν αὐτοῦτοῖσ ῥηθεῖσιν ἀρκεσθησόμεθα, περὶ δὲ τῶν Ἀσωποῦ θυγατέρων καὶ τῶν Αἰακῷ γενομένων υἱῶν νῦν διέξιμεν. Ὠκεανοῦ καὶ Τηθύοσ κατὰ τοὺσ μύθουσ ἐγένοντο παῖδεσ ἄλλοι τε πλείουσ ἐπώνυμοι ποταμῶν, ἐν οἷσ ὑπάρξαι Πηνειὸν καὶ Ἀσωπόν. Πηνειὸσ μὲν οὖν κατοικήσασ περὶ τὴν νῦν οὖσαν Θετταλίαν ἐπώνυμον ἑαυτοῦ τὸν προειρημένον ποταμὸν ἐποίησεν· Ἀσωπὸσ δ’ ἐν Φλιοῦντι κατοικήσασ ἔγημε Μετώπην τὴν Λάδωνοσ, ἐξ ἧσ ἐγένοντο δύο μὲν υἱοί, Πελασγὸσ καὶ Ἰσμηνόσ, θυγατέρεσ δὲ δώδεκα, Κόρκυρα καὶ Σαλαμίσ, ἔτι δ’ Αἴγινα καὶ Πειρήνη καὶ Κλεώνη, πρὸσ δὲ ταύταισ Θήβη τε καὶ Τάναγρα καὶ Θέσπεια καὶ Ἀσωπίσ, ἔτι δὲ Σινώπη, πρὸσ δὲ ταύταισ Ὀρνία καὶ Χαλκίσ. τούτων δ’ Ἰσμηνὸσ μὲν εἰσ Βοιωτίαν ἐλθὼν κατῴκησε περὶ τὸν ποταμὸν τὸν ἀπ’ ἐκείνου τὴν ὁμωνυμίαν λαβόντα, τῶν δὲ θυγατέρων Σινώπη μὲν ὑπὸ Ἀπόλλωνοσ ἁρπαγεῖσα ἀπηνέχθη πρὸσ τοῦτον τὸν τόπον οὗ νῦν ἐστιν ἡ ἀπ’ ἐκείνησ ὀνομασθεῖσα πόλισ Σινώπη·

ἐκ δὲ ταύτησ καὶ Ἀπόλλωνοσ γενόμενοσ υἱὸσ Σύροσ ἐβασίλευσε τῶν ἀπ’ ἐκείνου Σύρων ὀνομασθέντων. Κόρκυρα δ’ ὑπὸ Ποσειδῶνοσ ἀπηνέχθη εἰσ νῆσον τὴν ἀπ’ ἐκείνησ Κόρκυραν ὀνομαζομένην·

ἐκ ταύτησ δὲ καὶ Ποσειδῶνοσ ἐγένετο Φαίαξ, ἀφ’ οὗ τοὺσ Φαίακασ συνέβη τυχεῖν ταύτησ τῆσ προσηγορίασ. Φαίακοσ δ’ ἐγένετο Ἀλκίνοοσ ὁ τὸν Ὀδυσσέα καταγαγὼν εἰσ τὴν Ἰθάκην.

Σαλαμὶσ δ’ ὑπὸ Ποσειδῶνοσ ἁρπαγεῖσα ἐκομίσθη εἰσ τὴν ἀπ’ αὐτῆσ νῆσον Σαλαμῖνα προσαγορευθεῖσαν· αὕτη δὲ μιγεῖσα Ποσειδῶνι Κυχρέα ἐγέννησεν, ὃσ βασιλεύσασ τῆσ νήσου ταύτησ καὶ γενόμενοσ ἐπιφανὴσ ἀπέκτεινεν ὄφιν ὑπερφυῆ τὸ μέγεθοσ καὶ λυμαινόμενον τοὺσ ἐγχωρίουσ. Αἴγινα δ’ ἐκ Φλιοῦντοσ ὑπὸ Διὸσ ἁρπαγεῖσα εἰσ νῆσον ἀπεκομίσθη τὴν ἀπ’ ἐκείνησ Αἴγιναν ὀνομασθεῖσαν, ἐν ταύτῃ δὲ Διὶ μιγεῖσα ἐτέκνωσεν Αἰακόν, ὃσ ἐβασίλευσε τῆσ νήσου.

τούτου δ’ ἐγένοντο υἱοὶ Πηλεὺσ καὶ Τελαμών.

τούτων δὲ Πηλεὺσ δίσκῳ βαλὼν ἀπέκτεινεν ἀκουσίωσ Φῶκον ὁμοπάτριον ἀδελφόν, ἐξ ἄλλησ δὲ μητρὸσ γεγενημένον. διὰ δὲ τὸν φόνον Πηλεὺσ ὑπὸ τοῦ πατρὸσ φυγαδευθεὶσ ἔφυγε τῆσ νῦν Θετταλίασ καλουμένησ εἰσ Φθίαν, καὶ καθαρθεὶσ ὑπὸ Ἄκτοροσ τοῦ βασιλέωσ διεδέξατο τὴν βασιλείαν, ἄπαιδοσ ὄντοσ τοῦ Ἄκτοροσ. ἐκ δὲ Πηλέωσ καὶ Θέτιδοσ γενόμενοσ Ἀχιλλεὺσ ἐστράτευσε μετ’ Ἀγαμέμνονοσ εἰσ Τροίαν. Τελαμὼν δὲ φυγὼν ἐξ Αἰγίνησ κατήντησεν εἰσ Σαλαμῖνα, καὶ γήμασ Κυχρέωσ τοῦ βασιλέωσ τῶν Σαλαμινίων θυγατέρα Γλαύκην ἐβασίλευσε τῆσ νήσου.

τῆσ δὲ γυναικὸσ Γλαύκησ ἀποθανούσησ ἔγημεν ἐξ Ἀθηνῶν Ἐρίβοιαν τὴν Ἀλκάθου, ἐξ ἧσ ἐγέννησεν Αἰάντα τὸν ἐπὶ Τροίαν στρατεύσαντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 72

(디오도로스 시켈로스, Bibliotheca Historica, book 4, chapter 72)

상위

목록

SEARCH

MENU NAVIGATION