헬라어 문장 검색 - Διοδορ́Βιβλιοτ́4́07́

(디오도로스 시켈로스, Bibliotheca Historica, book 4, chapter 6)

περὶ δὲ Πριάπου καὶ τῶν μυθολογουμένων περὶ αὐτοῦ νῦν διέξιμεν, οἰκεῖον ὁρῶντεσ τὸν περὶ τούτου λόγον ταῖσ Διονυσιακαῖσ ἱστορίαισ. μυθολογοῦσιν οὖν οἱ παλαιοὶ τὸν Πρίαπον υἱὸν μὲν εἶναι Διονύσου καὶ Ἀφροδίτησ, πιθανῶσ τὴν γένεσιν ταύτην ἐξηγούμενοι· τοὺσ γὰρ οἰνωθέντασ φυσικῶσ ἐντετάσθαι πρὸσ τὰσ ἀφροδισιακὰσ ἡδονάσ. τινὲσ δέ φασι τὸ αἰδοῖον τῶν ἀνθρώπων τοὺσ παλαιοὺσ μυθωδῶσ ὀνομάζειν βουλομένουσ Πρίαπον προσαγορεῦσαι.

ἔνιοι δὲ λέγουσι τὸ γεννητικὸν μόριον, αἴτιον ὑπάρχον τῆσ γενέσεωσ τῶν ἀνθρώπων καὶ διαμονῆσ εἰσ ἅπαντα τὸν αἰῶνα, τυχεῖν τῆσ ἀθανάτου τιμῆσ. οἱ δ’ Αἰγύπτιοι περὶ τοῦ Πριάπου μυθολογοῦντέσ φασι τὸ παλαιὸν τοὺσ Τιτᾶνασ ἐπιβουλεύσαντασ Ὀσίριδι τοῦτον μὲν ἀνελεῖν, τὸ δὲ σῶμα αὐτοῦ διελόντασ εἰσ ἴσασ μερίδασ ἑαυτοῖσ καὶ λαβόντασ ἀπενεγκεῖν ἐκ τῆσ οἰκείασ λαθραίωσ, μόνον δὲ τὸ αἰδοῖον εἰσ τὸν ποταμὸν ῥῖψαι διὰ τὸ μηδένα βούλεσθαι τοῦτο ἀνελέσθαι.

τὴν δὲ Ἶσιν τὸν φόνον τοῦ ἀνδρὸσ ἀναζητοῦσαν, καὶ τοὺσ μὲν Τιτᾶνασ ἀνελοῦσαν, τὰ δὲ τοῦ σώματοσ μέρη περιπλάσασαν εἰσ ἀνθρώπου τύπον, ταῦτα μὲν δοῦναι θάψαι τοῖσ ἱερεῦσι καὶ τιμᾶν προστάξαι ὡσ θεὸν τὸν Ὄσιριν, τὸ δὲ αἰδοῖον μόνον οὐ δυναμένην ἀνευρεῖν καταδεῖξαι τιμᾶν ὡσ θεὸν καὶ ἀναθεῖναι κατὰ τὸ ἱερὸν ἐντεταμένον. περὶ μὲν οὖν τῆσ γενέσεωσ τοῦ Πριάπου καὶ τῆσ τιμῆσ τοιαῦτα μυθολογεῖται παρὰ τοῖσ παλαιοῖσ τῶν Αἰγυπτίων. τοῦτον δὲ τὸν θεὸν τινὲσ μὲν Ἰθύφαλλον ὀνομάζουσι, τινὲσ δὲ Τύχωνα.

τὰσ δὲ τιμὰσ οὐ μόνον κατὰ πόλιν ἀπονέμουσιν αὐτῷ , ἀλλὰ καὶ κατὰ τὰσ ἀγροικίασ ὀπωροφύλακα τῶν ἀμπελώνων ἀποδεικνύντεσ καὶ τῶν κήπων, ἔτι δὲ πρὸσ τοὺσ βασκαίνοντάσ τι τῶν καλῶν τοῦτον κολαστὴν παρεισάγοντεσ. ἔν τε ταῖσ τελεταῖσ οὐ μόνον ταῖσ Διονυσιακαῖσ, ἀλλὰ καὶ ταῖσ ἄλλαισ σχεδὸν ἁπάσαισ οὗτοσ ὁ θεὸσ τυγχάνει τινὸσ τιμῆσ, μετὰ γέλωτοσ καὶ παιδιᾶσ παρεισαγόμενοσ ἐν ταῖσ θυσίαισ. παραπλησίωσ δὲ τῷ Πριάπῳ τινὲσ μυθολογοῦσι γεγενῆσθαι τὸν ὀνομαζόμενον Ἑρμαφρόδιτον, ὃν ἐξ Ἑρμοῦ καὶ Ἀφροδίτησ γεννηθέντα τυχεῖν τῆσ ἐξ ἀμφοτέρων τῶν γονέων συντεθείσησ προσηγορίασ.

τοῦτον δ’ οἱ μέν φασιν εἶναι θεὸν καὶ κατά τινασ χρόνουσ φαίνεσθαι παρ’ ἀνθρώποισ, καὶ γεννᾶσθαι τὴν τοῦ σώματοσ φύσιν ἔχοντα μεμιγμένην ἐξ ἀνδρὸσ καὶ γυναικόσ· καὶ τὴν μὲν εὐπρέπειαν καὶ μαλακότητα τοῦ σώματοσ ἔχειν γυναικὶ παρεμφερῆ, τὸ δ’ ἀρρενωπὸν καὶ δραστικὸν ἀνδρὸσ ἔχειν · ἔνιοι δὲ τὰ τοιαῦτα γένη ταῖσ φύσεσιν ἀποφαίνονται τέρατα ὑπάρχειν, καὶ γεννώμενα σπανίωσ προσημαντικὰ γίνεσθαι ποτὲ μὲν κακῶν ποτὲ δ’ ἀγαθῶν. καὶ περὶ μὲν τῶν τοιούτων ἅλισ ἡμῖν ἐχέτω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 6

(디오도로스 시켈로스, Bibliotheca Historica, book 4, chapter 6)

상위

목록

SEARCH

MENU NAVIGATION