헬라어 문장 검색 - Διοδορ́Βιβλιοτ́4́61́

(디오도로스 시켈로스, Bibliotheca Historica, book 4, chapter 60)

λείπεται δ’ ἡμῖν εἰπεῖν περὶ Μινωταύρου τοῦ ἀναιρεθέντοσ ὑπὸ Θησέωσ, ἵνα συντελέσωμεν τὰσ τοῦ Θησέωσ πράξεισ. ἀναγκαῖον δ’ ἐστὶ προσαναδραμόντασ τοῖσ χρόνοισ τὰ συμπεπλεγμένα τούτοισ διελθεῖν, ἵνα σαφὴσ ἡ σύμπασα γένηται διήγησισ. Τέκταμοσ ὁ Δώρου τοῦ Ἕλληνοσ τοῦ Δευκαλίωνοσ εἰσ Κρήτην πλεύσασ μετὰ Αἰολέων καὶ Πελασγῶν ἐβασίλευσε τῆσ νήσου, γήμασ δὲ τὴν Κρηθέωσ θυγατέρα ἐγέννησεν Ἀστέριον.

οὗ βασιλεύοντοσ ἐν Κρήτῃ Ζεύσ, ὥσ φασιν, Εὐρώπην ἁρπάσασ ἐκ Φοινίκησ καὶ διακομίσασ εἰσ Κρήτην ἐπὶ ταύρου, μιγεὶσ τρεῖσ υἱοὺσ ἐγέννησε, Μίνω καὶ Ῥαδάμανθυν καὶ Σαρπηδόνα. μετὰ δὲ ταῦτα τὴν Εὐρώπην Ἀστέριοσ ὁ βασιλεὺσ τῆσ Κρήτησ ἔγημεν·

ἄπαισ δ’ ὢν τοὺσ τοῦ Διὸσ παῖδασ υἱοποιησάμενοσ διαδόχουσ τῆσ βασιλείασ ἀπέλιπε. τούτων δὲ Ῥαδάμανθυσ μὲν τοῖσ Κρησὶν ἐνομοθέτησε, Μίνωσ δὲ διαδεξάμενοσ τὴν βασιλείαν καὶ γήμασ Ἰτώνην τὴν Λυκτίου Λύκαστον ἐγέννησεν, ὃσ διαδεξάμενοσ τὴν ἀρχὴν καὶ γήμασ Ἴδην τὴν Κορύβαντοσ ἐγέννησε Μίνωα τὸν δεύτερον, ὅν τινεσ Διὸσ υἱὸν ἀναγράφουσιν. οὗτοσ πρῶτοσ Ἑλλήνων ναυτικὴν δύναμιν ἀξιόλογον συστησάμενοσ ἐθαλαττοκράτησε. γήμασ δὲ Πασιφάην τὴν Ἡλίου καὶ Κρήτησ ἐγέννησε Δευκαλίωνα καὶ Κατρέα καὶ Ἀνδρόγεων καὶ Ἀριάδνην, καὶ ἕτερα τέκνα ἔσχε πλείονα νόθα.

τῶν δὲ Μίνωοσ υἱῶν Ἀνδρόγεωσ μὲν εἰσ τὰσ Ἀθήνασ κατήντησε Παναθηναίων συντελουμένων, Αἰγέωσ βασιλεύοντοσ, ἐν δὲ τοῖσ ἀγῶσι νικήσασ τοὺσ ἀθλητὰσ ἅπαντασ συνήθησ ἐγένετο τοῖσ Πάλλαντοσ παισίν. ἐνταῦθ’ ὁ μὲν Αἰγεὺσ ὑποπτεύσασ τὴν Ἀνδρόγεω φιλίαν, μήποθ’ ὁ Μίνωσ βοηθήσασ τοῖσ υἱοῖσ τοῦ Πάλλαντοσ ἀφέληται τὴν ἀρχήν, ἐπεβούλευσε τῷ Ἀνδρόγεῳ.

βαδίζοντοσ οὖν αὐτοῦ εἰσ τὰσ Θήβασ ἐπί τινα θεωρίαν, ἐδολοφόνησεν αὐτὸν διά τινων ἐγχωρίων περὶ Οἰνόην τῆσ Ἀττικῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 4, chapter 60

(디오도로스 시켈로스, Bibliotheca Historica, book 4, chapter 60)

상위

목록

SEARCH

MENU NAVIGATION