헬라어 문장 검색 - Διοδορ́Βιβλιοτ́4́66́

(디오도로스 시켈로스, Bibliotheca Historica, book 4, chapter 65)

τῶν δ’ υἱῶν ἀνδρωθέντων, καὶ τῶν περὶ τὴν οἰκίαν ἀσεβημάτων γνωσθέντων, τὸν μὲν Οἰδίπουν ὑπὸ τῶν υἱῶν ἔνδον μένειν ἀναγκασθῆναι διὰ τὴν αἰσχύνην, τοὺσ δὲ νεανίσκουσ παραλαβόντασ τὴν ἀρχὴν ὁμολογίασ θέσθαι πρὸσ ἀλλήλουσ παρ’ ἐνιαυτὸν ἄρχειν. πρεσβυτέρου δ’ ὄντοσ Ἐτεοκλέουσ, τοῦτον πρῶτον ἄρξαι, καὶ διελθόντοσ τοῦ χρόνου μὴ βούλεσθαι παραδιδόναι τὴν βασιλείαν. τὸν δὲ Πολυνείκην κατὰ τὰσ ὁμολογίασ ἀπαιτεῖν τὴν ἀρχήν·

τοῦ δ’ ἀδελφοῦ μὴ ὑπακούοντοσ φυγεῖν εἰσ Ἄργοσ πρὸσ Ἄδραστον τὸν βασιλέα. καθ’ ὃν δὴ χρόνον φασὶ Τυδέα τὸν Οἰνέωσ ἐν Καλυδῶνι τοὺσ ἀνεψιοὺσ ἀνελόντα Ἀλκάθουν καὶ Λυκωπέα φυγεῖν ἐκ τῆσ Αἰτωλίασ εἰσ Ἄργοσ. Ἄδραστον δ’ ἀμφοτέρουσ ὑποδεξάμενον φιλοφρόνωσ κατά τι λόγιον συνοικίσαι τὰσ θυγατέρασ αὐτοῖσ, Ἀργείαν μὲν Πολυνείκει, Δηιπύλην δὲ Τυδεῖ.

εὐδοκιμούντων δὲ τῶν νεανίσκων καὶ μεγάλησ ἀποδοχῆσ ὑπὸ τοῦ βασιλέωσ τυγχανόντων, φασὶ τὸν Αδραστον χαριζόμενον αὐτοῖσ ἐπαγγείλασθαι κατάξειν ἀμφοτέρουσ εἰσ τὰσ πατρίδασ. κρίναντοσ δ’ αὐτοῦ πρῶτον καταγαγεῖν τὸν Πολυνείκην, ἄγγελον εἰσ τὰσ Θήβασ ἀποστεῖλαι Τυδέα πρὸσ Ἐτεοκλέα περὶ τῆσ καθόδου.

ἐνταῦθά φασι τὸν μὲν Τυδέα ἐνεδρευθέντα κατὰ τὴν ὁδὸν ὑπὸ Ἐτεοκλέουσ πεντήκοντα ἀνδράσιν ἅπαντασ ἀνελεῖν καὶ παραδόξωσ εἰσ τὸ Ἄργοσ διασωθῆναι, τὸν δ’ Ἄδραστον πυθόμενον τὰ συμβάντα παρασκευάσασθαι τὰ πρὸσ τὴν στρατείαν, πείσαντα μετασχεῖν τοῦ πολέμου Καπανέα τε καὶ Ἱππομέδοντα καὶ Παρθενοπαῖον τὸν Ἀταλάντησ τῆσ Σχοινέωσ. τοὺσ δὲ περὶ τὸν Πολυνείκην ἐπιβαλέσθαι πείθειν Ἀμφιάραον τὸν μάντιν συστρατεύειν αὐτοῖσ ἐπὶ τὰσ Θήβασ·

τοῦ δὲ προγινώσκοντοσ ὡσ ἀπολεῖται συστρατεύσασ αὐτοῖσ, καὶ διὰ τοῦτο μὴ συγχωροῦντοσ, Πολυνείκην φασὶ τὸν χρυσοῦν ὁρ́μον, ὃν Ἀφροδίτην μυθολογοῦσιν Ἁρμονίᾳ δωρήσασθαι, δοῦναι τῇ γυναικὶ τῇ Ἀμφιαράου, ὅπωσ τὸν ἄνδρα πείσῃ συμμαχῆσαι. καθ’ ὃν δὴ χρόνον Ἀμφιαράου πρὸσ Ἄδραστον στασιάζοντοσ περὶ τῆσ βασιλείασ, ὁμολογίασ θέσθαι πρὸσ ἀλλήλουσ, καθ’ ἃσ ἐπέτρεπον κρῖναι περὶ τῶν ἀμφισβητουμένων Ἐριφύλην, γυναῖκα μὲν οὖσαν Ἀμφιαράου, ἀδελφὴν δ’ Ἀδράστου.

τῆσ δὲ τὸ νίκημα περιθείσησ Ἀδράστῳ καὶ περὶ τῆσ ἐπὶ Θήβασ στρατείασ ἀποφηναμένησ δεῖν στρατεύειν, ὁ μὲν Ἀμφιάραοσ δόξασ ὑπὸ τῆσ γυναικὸσ προδεδόσθαι συστρατεύσειν μὲν ὡμολόγησεν, ἐντολὰσ δὲ ἔδωκεν Ἀλκμαίωνι τῷ υἱῷ μετὰ τὴν ἑαυτοῦ τελευτὴν ἀνελεῖν τὴν Ἐριφύλην. οὗτοσ μὲν οὖν ὕστερον κατὰ τὰσ τοῦ πατρὸσ ἐντολὰσ ἀνεῖλε τὴν μητέρα, καὶ διὰ τὴν συνείδησιν τοῦ μύσουσ εἰσ μανίαν περιέστη·

οἱ δὲ περὶ τὸν Ἄδραστον καὶ Πολυνείκην καὶ Τυδέα προσλαβόμενοι τέτταρασ ἡγεμόνασ, Ἀμφιάραόν τε καὶ Καπανέα καὶ Ἱππομέδοντα, ἔτι δὲ Παρθενοπαῖον τὸν Ἀταλάντησ τῆσ Σχοινέωσ, ἐστράτευσαν ἐπὶ τὰσ Θήβασ, ἔχοντεσ δύναμιν ἀξιόλογον. μετὰ δὲ ταῦτα Ἐτεοκλῆσ μὲν καὶ Πολυνείκησ ἀλλήλουσ ἀνεῖλον, Καπανεὺσ δὲ βιαζόμενοσ καὶ διὰ κλίμακοσ ἀναβαίνων ἐπὶ τὸ τεῖχοσ ἐτελεύτησεν, Ἀμφιάραοσ δὲ χανούσησ τῆσ γῆσ ἐμπεσὼν εἰσ τὸ χάσμα μετὰ τοῦ ἁρ́ματοσ ἄφαντοσ ἐγένετο.

ὁμοίωσ δὲ καὶ τῶν ἄλλων ἡγεμόνων ἀπολομένων πλὴν Ἀδράστου, καὶ πολλῶν στρατιωτῶν πεσόντων, οἱ μὲν Θηβαῖοι τὴν ἀναίρεσιν τῶν νεκρῶν οὐ συνεχώρησαν, ὁ δ’ Ἄδραστοσ καταλιπὼν ἀτάφουσ τοὺσ τετελευτηκότασ ἐπανῆλθεν εἰσ Ἄργοσ.

ἀτάφων δὲ μενόντων τῶν ὑπὸ τὴν Καδμείαν πεπτωκότων σωμάτων, καὶ μηδενὸσ τολμῶντοσ θάπτειν, Ἀθηναῖοι διαφέροντεσ τῶν ἄλλων χρηστότητι πάντασ τοὺσ ὑπὸ τὴν Καδμείαν πεπτωκότασ ἔθαψαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 65

(디오도로스 시켈로스, Bibliotheca Historica, book 4, chapter 65)

상위

목록

SEARCH

MENU NAVIGATION