헬라어 문장 검색 - Διοδορ́Βιβλιοτ́4́70́

(디오도로스 시켈로스, Bibliotheca Historica, book 4, chapter 69)

περὶ δὲ Λαπιθῶν καὶ Κενταύρων ἐν μέρει διέξιμεν. Ὠκεανοῦ καὶ Τηθύοσ κατὰ τοὺσ μύθουσ παῖδεσ ἐγένοντο πλείουσ ποταμῶν ἐπώνυμοι, ἐν οἷσ καὶ Πηνειόσ, ἀφ’ οὗ συνέβη τὸν ἐν Θετταλίᾳ Πηνειὸν ὀνομασθῆναι. οὗτοσ δὲ μιγεὶσ νύμφῃ τῇ προσαγορευομένῃ Κρεούσῃ παῖδασ ἐγέννησεν Ὑψέα καὶ Στίλβην, ᾗ μιγεὶσ Ἀπόλλων Λαπίθην καὶ Κένταυρον ἐγέννησε. καὶ τούτων Λαπίθησ μὲν κατοικῶν περὶ τὸν Πηνειὸν ποταμὸν ἐβασίλευσε τῶν τόπων τούτων, γήμασ δὲ Ὀρσινόμην τὴν Εὐρυνόμου ἐγέννησεν υἱοὺσ δύο, Φόρβαντα καὶ Περίφαντα.

οὗτοι μὲν οὖν ἐνταῦθα ἐβασίλευσαν, οἱ δὲ σύμπαντεσ λαοὶ ἀπὸ Λαπίθου Λαπίθαι προσηγορεύθησαν. τῶν δ’ υἱῶν τῶν Λαπίθου Φόρβασ μὲν εἰσ Ὤλενον παρῆλθεν, ἐξ ἧσ μεταπεμψάμενοσ αὐτὸν Ἀλέκτωρ ὁ τῆσ Ἠλείασ βασιλεὺσ βοηθόν, φοβούμενοσ τὴν Πέλοποσ δυναστείαν, τῆσ ἐν Ἤλιδι βασιλείασ μετέδωκεν· ἐκ δὲ Φόρβαντοσ ὑπῆρξαν υἱοὶ δύο, Αἰγεὺσ καὶ Ἄκτωρ, οἱ τὴν Ἠλείων βασιλείαν παραλαβόντεσ.

ὁ δ’ ἕτεροσ τῶν Λαπίθου παίδων Περίφασ γήμασ Ἀστυάγυιαν τὴν Ὑψέωσ ἐγέννησεν ὀκτὼ παῖδασ, ὧν ἦν πρεσβύτατοσ Ἀντίων, ὃσ μιγεὶσ Περιμήλᾳ τῇ Ἀμυθάονοσ ἐγέννησεν Ἰξίονα. οὗτοσ δ’, ὥσ φασιν, ὑποσχόμενοσ ἕδνα πολλὰ δώσειν Ηἰ̈ονεῖ ἔγημε τὴν Ηἰ̈ονέωσ θυγατέρα Δίαν, ἐξ ἧσ ἐγέννησε Πειρίθουν. ἔπειθ’ ὁ μὲν Ἰξίων οὐκ ἀπέδωκε τὰ ἕδνα τῇ γυναικί, ὁ δ’ Ηἰ̈ονεὺσ τὰσ ἵππουσ ἀντὶ τούτων ἠνεχύρασεν.

ὁ δ’ Ἰξίων τὸν Ηἰ̈ονέα μετεπέμψατο ἐπαγγελλόμενοσ πάντα ὑπακούσεσθαι, καὶ τὸν Ηἰ̈ονέα παραγενόμενον ἔβαλεν εἰσ βόθρον πυρὸσ μεστόν. διὰ δὲ τὸ μέγεθοσ τῆσ παρανομίασ μηδένα βούλεσθαι καθᾶραι τὸν φόνον. τέλοσ δ’ ὑπὸ τοῦ Διὸσ κατὰ τοὺσ μύθουσ ἁγνισθείσ, ἠράσθη μὲν τῆσ Ἥρασ καὶ κατετόλμησεν ὑπὲρ συνουσίασ λόγουσ ποιεῖσθαι. ἔπειτα τὸν μὲν Δία εἴδωλον ποιήσαντα τῆσ Ἥρασ νεφέλην ἐξαποστεῖλαι, τὸν δὲ Ἰξίονα τῇ νεφέλῃ μιγέντα γεννῆσαι τοὺσ ὀνομαζομένουσ Κενταύρουσ ἀνθρωποφυεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 69

(디오도로스 시켈로스, Bibliotheca Historica, book 4, chapter 69)

상위

목록

SEARCH

MENU NAVIGATION