헬라어 문장 검색 - Διοδορ́Βιβλιοτ́4́50́

(디오도로스 시켈로스, Bibliotheca Historica, book 4, chapter 49)

ἔπειτα τὸν μὲν Γλαῦκον δῦναι πάλιν εἰσ τὸ πέλαγοσ, τοὺσ δ’ Ἀργοναύτασ κατὰ στόμα τοῦ Πόντου γενομένουσ προσπλεῦσαι τῇ γῇ, βασιλεύοντοσ τότε τῆσ χώρασ Βύζαντοσ, ἀφ’ οὗ καὶ τὴν πόλιν τῶν Βυζαντίων ὠνομάσθαι. ἐνταῦθα δὲ βωμοὺσ ἱδρυσαμένουσ καὶ τοῖσ θεοῖσ τὰσ εὐχὰσ ἀποδόντασ καθιερῶσαι τὸν τόπον τὸν ἔτι καὶ νῦν τιμώμενον ὑπὸ τῶν παραπλεόντων.

μετὰ δὲ ταῦτα ἀναχθέντασ, καὶ διαπλεύσαντασ τήν τε Προποντίδα καὶ τὸν Ἑλλήσποντον, προσενεχθῆναι τῇ Τρῳάδι.

ἐνταῦθα δ’ Ἡρακλέουσ πέμψαντοσ εἰσ τὴν πόλιν Ἴφικλόν τε τὸν ἀδελφὸν καὶ Τελαμῶνα τάσ τε ἵππουσ καὶ τὴν Ἡσιόνην ἀπαιτήσοντασ, λέγεται τὸν Λαομέδοντα τοὺσ μὲν πρεσβευτὰσ εἰσ φυλακὴν ἀποθέσθαι, τοῖσ δ’ ἄλλοισ Ἀργοναύταισ δι’ ἐνέδρασ βουλεῦσαι θάνατον· καὶ τοὺσ μὲν ἄλλουσ υἱοὺσ ἔχειν τῇ πράξει συνεργούσ, Πρίαμον δὲ μόνον ἐναντιοπραγοῦντα· τοῦτον γὰρ ἀποφήνασθαι δεῖν τὰ πρὸσ τοὺσ ξένουσ δίκαια τηρεῖν, καὶ τήν τε ἀδελφὴν καὶ τὰσ ὡμολογημένασ ἵππουσ ἀποδιδόναι. οὐδενὸσ δ’ αὐτῷ προσέχοντοσ, φασὶν εἰσ τὴν φυλακὴν δύο ξίφη παρενέγκαντα λάθρᾳ δοῦναι τοῖσ περὶ τὸν Τελαμῶνα, καὶ τὴν τοῦ πατρὸσ προαίρεσιν ἐξηγησάμενον αἴτιον γενέσθαι τῆσ σωτηρίασ αὐτοῖσ.

εὐθὺσ γὰρ τοὺσ περὶ τὸν Τελαμῶνα φονεῦσαι μὲν τῶν φυλάκων τοὺσ ἀντεχομένουσ, φυγόντασ δ’ ἐπὶ θάλατταν ἀπαγγεῖλαι τὰ κατὰ μέροσ τοῖσ Ἀργοναύταισ.

διόπερ τούτουσ μὲν ἑτοίμουσ γενομένουσ πρὸσ μάχην ἀπαντῆσαι τοῖσ ἐκ τῆσ πόλεωσ ἐκχεομένοισ μετὰ τοῦ βασιλέωσ· γενομένησ δὲ μάχησ ἰσχυρᾶσ, καὶ τῶν ἀριστέων διὰ τὰσ ἀρετὰσ ἐπικρατούντων, μυθολογοῦσι τὸν Ἡρακλέα πάντων ἄριστα διαγωνίσασθαι·

τόν τε γὰρ Λαομέδοντα φονεῦσαι, καὶ τῆσ πόλεωσ ἐξ ἐφόδου κρατήσαντα κολάσαι μὲν τοὺσ μετασχόντασ τῷ βασιλεῖ τῆσ ἐπιβουλῆσ, Πριάμῳ δὲ διὰ τὴν δικαιοσύνην παραδοῦναι τὴν βασιλείαν, καὶ φιλίαν συνθέμενον ἐκπλεῦσαι μετὰ τῶν Ἀργοναυτῶν. ἔνιοι δὲ τῶν ἀρχαίων ποιητῶν παραδεδώκασιν οὐ μετὰ τῶν Ἀργοναυτῶν, ἀλλ’ ἰδίᾳ στρατεύσαντα τὸν Ἡρακλέα ναυσὶν ἓξ ἕνεκα τῶν ἵππων ἑλεῖν τὴν Τροίαν·

προσμαρτυρεῖν δὲ τούτοισ καὶ Ὅμηρον ἐν τοῖσδε τοῖσ ἔπεσιν, ἀλλ’ οἱο͂́ν τινά φασι βίην Ἡρακληείην εἶναι, ἐμὸν πατέρα θρασυμέμνονα, θυμολέοντα, ὅσ ποτε δεῦρ’ ἐλθὼν ἕνεχ’ ἵππων Λαομέδοντοσ ἓξ οἰῄσ σὺν νηυσὶ καὶ ἀνδράσι παυροτέροισιν Ἰλίου ἐξαλάπαξε πόλιν, χήρωσε δ’ ἀγυιάσ. τοὺσ δ’ Ἀργοναύτασ φασὶν ἐκ τῆσ Τρῳάδοσ ἀναχθέντασ εἰσ Σαμοθρᾴκην κομισθῆναι, καὶ τοῖσ μεγάλοισ θεοῖσ τὰσ εὐχὰσ ἀποδόντασ πάλιν ἀναθεῖναι τὰσ φιάλασ εἰσ τὸ τέμενοσ τὰσ ἔτι καὶ νῦν διαμενούσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 49

(디오도로스 시켈로스, Bibliotheca Historica, book 4, chapter 49)

상위

목록

SEARCH

MENU NAVIGATION